تجربتي الثانية لاطفال الانابيب مع الدكتورة اماني شلتوت

ام خالد و ريان · 05-25-2018, 05:16 PM

السلام عليكم ورحمة الله وبركاته

راح اكتب لكم تجربتي الثانية لاطفال الانابيب بس هذي المرة مع الدكتورة اماني شلتوت لتعم الفايدة واي سؤال انا حاضرة

اولا رحت لها ثاني يوم من الدورة واعطتني ابر تنشيط اسمها جونال 225 مل لمدة 5 ايام وارجع اسوي تحليل واشعة علشان يشوفو حجم البويضات واعطتني تحميلات برجسترون مرتين باليوم وحبوب فوليك اسيد

بعد 6 ايام كملت على الابر الى عاشر يوم بعدها اعطتني الابره التفجيرية يوم الخميس 12 ونص مساء اول يوم رمضان والسحب يوم السبت الظهر

جيت صايمة لهم ودخلوني العمليات تخدير كامل وسحبو البويضات وكانت 9 والحمد لله وصحيت الم في المبايض محتمل ورحت البيت وكملت على التحميلات وحبوب بريدنيزولون مرتين يوميا حبتين هذي الحبوب كورتيزون وابره بالعضل كل يومين لمدة اسبوعين

يوم الارجاع كان يوم الخميس يعني بعد 5 ايام الساعة 2 الظهر جهزوني ورجعو لي 3 اجنه لان عندنا امراض وراثية

وجلست بعد الارجاع ساعتين عندهم واعطتني ابره مثيته في العضل مرة وحدة بس واكمل على التحميلات المثبته واعطتني اسبرين وابر مسيلة يوميا اسمها اننوهيب تحت الجلد واكمل بقيه الادويه وقالت التزمي الراحة وعيشي حياتك طبيعي ونامي كيف ماتبغي

واليوم لي الثاني من ترجيع الاجنة والله يكتب لي الحمل وكل مين تبغى ويثبت اجنتي
ودعواتكم

شرقاويه33 · 05-25-2018, 10:08 PM

الله يثبتهم يارب و يكتب لك مافيه خير

ام خالد و ريان · 05-26-2018, 12:56 AM

امين ربي يسعدك ويكتب اجرك

ام خالد و ريان · 05-26-2018, 01:48 AM

ثاني يوم ارجاع نزل عليه دم خفيف وخايفة الله يستر مااعرف ايش احس بدري على نزول الدم

Nonz5 · 05-26-2018, 04:23 AM

الله يتمم لكم يارب وتفرحين فيهم التزمي دعاء بكل وقت والاستغفار

*عسل* · 05-26-2018, 08:14 AM

الله يتمملك على خير
ان شاءالله علامة انغراس

شرقاويه33 · 05-26-2018, 08:22 AM

لا ان شاء الله مو بدري عالدم لاتنسين انتي مرجعه اجنه منقسمه
و جاهزه للتعشيش انتي بعد اليوم الخامس
باذن الله هذي علامة انغراس الاجنه بالرحم

ام خالد و ريان · 05-26-2018, 05:03 PM

يارب ياخواتي فرحتوني ان شاء الله خير يرزقني ويرزقكم
طبعا الدم وقف الحمد لله

ام خالد و ريان · 05-26-2018, 05:05 PM

يارب يااخواتي فرحتوني الله يرزقني ويرزقكم
الحمد لله الدم وقف

حرم اللوغاني · 05-26-2018, 06:43 PM

افضل حل للامراض الوراثيه فحص الاجنه قبل الزرع هذا احدث شي في علم الوراثه واطفال الانابيب ..
الله يثبتهم لج يارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربتي مع اماني قنديل وابراهيم ابو سكينه	ام وسام المسوقه	إستفسارات المستشفيات و عيادات نساء وولادة	5	11-04-2013 08:35 AM
يومياتي مع تجربتي الاولى لاطفال الانابيب .. تابعوني	jroo7	منتدى أطفال الأنابيب	93	03-18-2012 04:42 AM
تجربتي الاولى لاطفال الانابيب وفشلها :(	فديت قلبه	منتدى أطفال الأنابيب	24	03-06-2012 12:14 PM
افضل دكتور لاطفال الانابيب	فرحة قلب	إستفسارات المستشفيات و عيادات نساء وولادة	10	11-22-2011 08:41 PM
تجمع بنات قطر لاطفال الانابيب	أميره بكلمتي"	منتدى أطفال الأنابيب	3	10-06-2010 07:06 PM