بنات ممكن مساعدتكن بلييييز

[اموره العسوله]

السلام عليكم ورحمته الله وبركاته
كيفكم بنات ان شاء الله بخير
بنات انا داخله التاسع لي اسبوع
وباقي ماخلصت تجهيز مثلا الادويه العشبيه اللي بستخدمه
متى اطحنها واجهزها ولا انتظر لين اولد تجاربكن تكفن والله ماعندي فكره
لانه هالمره راح اولد واكون بيتي لحالي لضروف دارست بناتي وعمل زوجي مقدر اروح عند امي تكفن لاتخلني علمني انا اخذت برنامج نفاس من احدى المنتديات وللحين مو عارفه ايش اسوي بالنفاس لانه نفاسي اللي راح مااخذت اي ادويه ابد ولا اهتميت بنفسي جهل مني وامي بيعيده عني ولاتعرف امي ادويه ولاشي تكفن تعلمني وتقلن تجاربكن لي الله يسعدكن ولكن دعوه مني

[الهنوووف]

اخذي برنامج فيافي رووووعه

واطحني شغلج الحين لان احتمال تولدين باي

وقت بالتاسع .. وعليج بالزنجبيل رووعه اشربيه على طول

بدل الشاي والقهوه حطي معاها دوى القهوه اسمه ( مقله )

واللهوم سوي لج حق اول 20 يوم ولهوم حق اخر 20 يوم

وان شاء تتسهل ولادتج وتتيسر امورج

**

تقبلي تواجدي

وودي

[اموره العسوله]

الهنوف اشكرك اختي جزاك الله خير الجزاء ونفع بك

[ام تميم 66]

فية عند العطاارين لهووم حلو اشوف امي تاخذة لخوااتي ,,

وعليك با المردوود اخر اياام النفاس ,,والكبو ,,الرشاد والتمرة,,

والله يقومك با السلامة ياارب,,

[اموره العسوله]

بس الكبو يقلن مو زين انه يجمدالدم مدري كني قريت عنه المردود متى اخذه اول النفاس او اخره والاستحمام كيف يومي او اسبوعي

[اموره العسوله]

بنات انا اخذت هذا النظام ايش رايكن فيه

. السلام عليكم ورحمة الله وبركاته ..
كيفكم حوامل عساكم بخير إستحملوني .. موضوعي طويل لكن مفيد لكل حامل على وجه ولاده إن شاء الله

قبل أبتدي بموضوعي أحب أبلغكم بعد أسبوع موعد ولادتي إن شاء الله ربي يسهّلها .. دعواتكم
طبعاً جهزت شنطة البيبي وجهّزت أدوية النفاس اللي مقتنعه فيها فقط لأنّي ما أحب خرابيط الأعشاب وما أقتنع وما آكل أي شئ ومن طبعي نفسي ماتتقبل اللهوم والسفوف

يا أخواتي والله العظيم بنفاسي الثاني والثالث أهملت نفسي وما مشيت على برنامج ولا أخذت أعشاب
وانواع الخراب وآلام الظهر والإفرازات شفتها بعد ماتميت الأربعين
وبعدها إقتنعت بالأعشاب والغذاء الصحي والراحه اللي لازم تهتم فيها الوحده بنفاسها
وجربتها بنفاسي الرابع وشفت الفرق وحسّيت بالعافيه حسّيت إني بالفعل ما كأنّي حملت وولدت
والحمدلله طلعت من نفاسي عروسه وكنت أشتكي من النحافه وطلعت من أربعيني مربربه وجسمي حلو وصحتي تمام التمام .. قولواماشاء الله

وهذا برنامجي بين إيديكم .. اللي إستخدمته في نفاسي السابق ((الرابع)) كتبته للي مثلي ماتحب كثرة الأعشاب والأدويه (( للإستفاده منه ))
.. وراح أستخدمه بنفاسي بعد اسبوع (( نفاسي الخامس )) إن شاء الله مع إضافة بعض الأاشياء الجديده
والله يقوّم الجميع بالسلامه

*
*

أولاً .. أنواع الأعشاب اللي راح أستخدمها بإذن الله :
حلبه -- ماش -- فلفل اسود -- رشاد -- قرفه -- حب سوداء
عسل أصلي -- تمر -- قشر قهوه -- مرّه -- نانخه -- شمر
ولأول مره راح أستخدم .. عباءة السيده
إنتو عارفين للأعشاب طرق ووصفات كثيره وكل وحده تستخدمها بالطريقه اللي تتقبّلها نفسها
وهذي طريقتي بإستخدام الأعشاب .. للي تحب تستفيد منها ..
*1* بعد الفجر وعلى الريق ملعقه عسل أربعين يوم ( ضروري يكون عسل أصلي ) أنا أستخدم عسل سدرأصلي
وبعدها على طول أشرب كاسة ماء ومايكون بارد ضروري يكون فاتر
وبعدها أبلع قطعة مرّه بحجم حبّة الحمّص بعد ما أغلفها بتمره معبوطه (( لأنّي ماقدرت أتقبّل طعم المرّه سائله)) أستخدمها يوم وثلاث أيّام أتركها لمدة أسبوعين فقط

*2* وبعدها سبع حبّات حبّه سوداء وملعقتين ماش مطحون مع تمره معبوطه بالسمن لمدّة أربعين يوم
(( أنا بصراحه نفسي ماقدرت تتقبل الماش مع أي أكل ماعدا التمر وكل وحده تاكله بالطريقه اللي تحبها ))

*3* الفطور أي نوع أهم شئ يكون مفيد للنفاس
(( أنا آكل قطعة خبز بر بالشمر مع ملعقه سمن بلدي وعسل وكاس حليب
أو مصابيب أو حلاوه طحينيه أوأي نوع من أنواع الأكلات الشعبيه المعروفه عند الكل

*4* بعد الظهر على وقت الغدا أي أكله تتوفّر آكلها أهم شئ إنّي إبتعدت عن الممنوعات من الأكل مثل الحوامض والخضروات االزجه

*8* بعد الغدا بنصف ساعه أشرب (( شاي الأعشاب )) وهذا مهم جداً للنفاس وللي تبي العافيه ونظافة الأرحام ..
طريقتي بإعداد شاي الأعشاب :
أغلي على النار لمدة ثلاث دقائق مقدار كاس ماء , واضع عليه ملعقه صغيره كلاً من : قرفه _ زنجبيل _ نانخه _ وأحلّيه بالسكر

*9* وقت العصر أشرب قليل من القهوه ومعها تمره بالمكسرات , أو تمر بدون أي إضافات وأيضاً .. أشرب قشر قهوه
وهذي طريقتي ..

أغلي مقدار كاس ماء وأضيف له الزنجبيل الطازج مع قشر القهوه والقرفه

واتركها تغلي لدقائق على النار واطفي الناروأضيف نصف ملعقه صغيره نانخه وأحلّيه بالسكر واشربها زي الشاهي


* 10 * بعد المغرب كاس حليب دافي مع أي وجبه خفيفه أو قطعة كيك

* 11 * وبعدها العشا (( وأهم شئ تكون وجبة العشا أكل ساخن ومفيد للنفاس )) مثل ..
المرقوق أو المطازيز أو العصيده أو خبز الصاج والعسل أو المصابيب والعسل أو الحليب والبيض أو اللحوم أوالأسماك أو الشوربات ( كل وحده وذوقها بالأكلات )


* 12 * بعدها وقبل النوم أشرب كاس حلبه مغليه مع ملعقه صغيره نانخه ( لأن النانخه تقطع ريحة الحلبه وتخلي طعمها حلو ولذيذ )
والحلبه أستخدمها فقط العشرين يوم الأولى من النفاس فقط

* 13 * في العشرين يوم الأخيره من النفاس على الريق أستخدم ملعقه صغيره حبّة رشاد مع ملعقة العسل أو مع التمره المعبوطه والسمن
وبالنسبه للفلفل الأسود أنا أضيفه مع شوربه الشوفان أو شوربة العدس وما تقبلته نفسي مع الحليب
ولأول مره بنفاسي هذا إن شاء الله راح أشتري عباءة السيده والمغات وأستخدمها لأنّي لاحظت كثير يمدحونها وأولهم الدكتور جابر القحطاني

........ هذا بالنسبه لبرنامجي للأعشاب ..........

*
*
نجي للأشياء اللي أستخدمها لبشرتي في الأربعين :

** أنا أستخدم غسول البيتادين , وغسول الملح والمره فقط
ولا أستخدم الكبو ولا التحاميل اللي يصنعوها من الأعشاب ولا أقتنع فيها وأحسها خرابيط وهي سبب الخراب ( هذا رأيي وكل وحده تستخدم الشئ اللي بترتاح له ))
ولأول مره بإذن الله راح أستخدم تحاميل (( البوثيل أو البيتادين )) في آخر عشرة أيام من النفاس لأنها طبيه وإقتنعت فيها ولاحظت كثير يمدحونها
فقط بستخدم ثلاث تحميلات يوم ورا يوم إن شاء الله

** من تجاربي بنفاسي السابق .. كنت أمشي كل يوم ربع ساعه بفترة أربعيني من بعد أسبوع من الولاده
وانام على بطني بعض الأوقات وأعمل رياضة كيجل باستمرار والحمد لله تبارك الله بعد أربعيني مالي بطن
ولأول مره راح أربط بطني وعملت مشد بستخدمه في نفاسي الجاي إن شاء الله
(( أخذت شرشف صلاة قديم عندي وقصّيته بعرض 30 سم وخيّطته ببعض وصار طويل مثل المشد الأندونيسي .. بعد أربعيني أخبركم بالنتيجه إن شاء الله

** لترطيب بشرتي أستخدم .. فازلين وزيت اللوز مخلوطه مع بعض وبعض المرات أخلط مع الوصفه كريم جليسوليد

** لتفتيح بشرتي والمناطق اللي سمّرت بفترة الحمل أستخدم .. فازلين وزيت اللوز وليمون مخلوطه مع بعض وهذي الخلطه ضروري حفظها في الثلاجه عشان فيها ليمون ..
والله رووووووعه هذي الوصفه وعن تجربتي

** قبل الإستحمام أدهن جسمي بفازلين مخلوط بزيت اللوز والكركم ( بجد يفتح البشره )
(( هذي طريقتي مع الفازلين وزيت اللوز للعنايه بجسمي ومن زمان مداومه عليها ولاهي مقتصره على فترة نفاسي وعمري ماندمت عليها ولا راح أتركها لأنّي لاحظت نتيجتها في تنعيم جسمي ))

** أستخدم مسك الطهاره .. المسك الأسود ( طهارة ونظافة ورائحة حلوه )

[ام الجازي]

ماشاء الله
البرنامج مره حلو عجبني والحلو فيه
مافيه تكلف ولافيه خرابيط
انا عن نفسي كتبته لإن النفاس ضروري
الوحدة تهتم بنفسها ولاتهمل نفسها
الله يوفقك إختي وأنا معك على هالبرنامج....

[اموره العسوله]

ربي يسعدك ويهون علينا صحيح البرنامج مره سهل وشامل كل الادويه المهمه لاني قارنت بالبرامج الثانيه تقريبن نفس الادويه بس اختلاف استخدامها