عندي مشكلة مع زوجي مالحل؟؟

[dlo0o0o3h]

مساء الخير على الجميع

يالغلا عندي مشكلة ان انا لي 3 سنوات متزوجة ورحت وكشفت سليمة
قالت الدكتورة خلي زوجك يكشف وهو موراضي اساسا يفتح الموضوع واذا تكلمت يقوم يخلي المكان لي !!

وهذا الامر جدا محزينني حاولات ابحث بالنت عن رسالة زوجية حتى ارسل له ولكن دونى جدوااا

وش رايكم مالحل ؟ انا خوفي يكون فيه ضعف ؟!
متى يمديه يعالج ؟ او تظول فترة العلاج ان كان فيه ؟

من جد حزينة انا ولا اعرف السبب

[سيدة الغرام]

حبيبتي انتي حاولي في قدر متستطيعين اعطي من الكلام الحلو
الله يسخرلك الزوجك ويرزقكم بذريه صالحه يارب

[dlo0o0o3h]

المشكلة كل شيء سويتة جيته من ناحية الدكتورة
سويت له محفزات حاولت اقنعة انه عادي
كل شيء سويتة دون فائدة
واخر الشهر اذا جتني يحزن يقول ليه ماحملتي !!!!

[همسة دلع]

والله هذا الموضوع لازم تجلسين فوق راسه كل بعد فتره
يقولك كثرة الدوي يغلب السحر
والله يتمملك على خير

[البتول...]

حبيبتي لا تضغطي عليه اسكتي كم شهر ولاتجيبي طاري تحاليل ولا مستشفيات وبتشوفين هو من كيفه يقول بنروح نحلل الشهر الجاي ..........
يعني ياقلبي لاتحني عليه وتزني خليه بكل هداوه يفكر بالموضوع .....يمكن يكون متردد او خايف من النتيجه او مايحب المستشفى ......
وان شاءالله ياااااااااااااارب تحملي بدون ماتحتاجو لهالفحوصاات انه قادر على ذلك سبحانه

[« خ ـجل »]

والله هالرجال طبيعتهم ترفع الضضضضغط

لو كانت الحرمه هي الي تعبانه وماتجيب عيال كان يخليها تروح المستشفى تتعالج غصب عنها ولا يتزوج عليها هنااا تطللع قوتهم

بس لو العيب منهم شوفو ايش يسوون يزعلووون ولا يبون يروحون

مشكلة بعض الرجال انهم اذا انطلب منهم التحالليل اللازمه والكشف يحسون ان رجولتهم انهانت

وطبعا هذي طبيعتهم


بسس ياحبيبتي بقولك عن حماتي

متزوجه من 3 سنوات وكشفت وكانت سليمه وكمان زوجها سليم وماحملت الا بعد هالـ3سنوات

ومثل ماقالت الاخت خليه ولا تزنين وتحنين عليه

الرجال مايستغنون عن الضنى اكيد زوجك حاب تجيبون بيبي صغنون

بس تحملي
خليك سااكته وهو من نفسه بيقولك يلا نروح نحلل

اتمنى اسسسسمع خبر حممملك

وادعي لزوجك بالهدايه يارب انه الله يهديه ويسخره لك ويحنن قلبه عليك

يارب الله يرزقكم بالذريه الصاله

[غفرانك يارب]

حبيبتي اناكنت زيك اقول له انابروح اكشف وانت معايه يقول انا ماابي اطفال الحين
ماراح اجيب لين تتحسن اوضاعنا واحنا اوضاعنا تمام الحمدالله المهم جلست ادعي ليل مع نهار ان الله يرزقني وكمان كنت اسوي له دايم شمر ويانسون مقوي ممتاز واقول له نبي اكل يمني ونطلب حلبه دايم لين ماحملت بس بعد ارادة الله ومره خليته يوديني المستشفى على اساس اني تعبانه وخليته يدخل معايه عند الدكتورة واجبرته بالتحاليل واقنعته واحرجت وقلت انت خايف من شئ قال لا قلت خلاص نعمل فحوصات للاطمئنان وكمان يوم الدكتورة اجبرته واحنا طالعين مسكته من يده وقلت له انا احبك بحمل والا بدون مهما طلعت التحاليل انا معاك لاخر عمري وارتاح وسواها

[امونه.~]

شوفي لاتحني عليه..الرجال مايحب المراه الحنانه ....انتي فهميه بهدوء وبرمانسيه الرجال مثل الطفل...الطفل اذا جيتي له بهدوء وحنان راح يجي معاك ..كمان الرجال زي كذا...
فاقولك بشويش فهميه قولي له:اذا ماتحركنا للمستقبل من الحين لمتى...؟!..
وهو بإذن الله راح يفهم لك وبيروح.........ياليت اكون افدتك..؟

[dlo0o0o3h]

زوجي يتمنى طفل بشكل رهيب

دائما يقولي ابي اكون اب !!

قلت له يالله خلينا نروح سوى للمستشفى ونحلل كلنا موبس انت حتى نعرف السبب رفض وقال انا سليم مافية احد من اهلي يعالج انا سليم قلت حتى انا وتنرفز والدكتورة حقتي قالت لي لاتجين حتى زوجك يكشف !!!

المشكلة ان امه مررره كل ماجاء زوجي ودخل تقوله عقبال ماتدخل انت وعيالك !!

مره جلست اكلمها بطريقة غير مباشرة اني سليمة وان مافيني شيء
يعني ابيها تفههم انها تقنع ولدها يكشف بس لاحياة لمن تنادي
مع ان كلامها مسموع عند زوجي بشكل رهيب !!


الظاهر ماعجبها الكلام