مستشفى الرفيع بمكه

[قلبي زوجي]

السلام عليكم ورحمة الله وبركاته

عزيزاتي مين جربت الولاده في مستشفى الرفيع في مكه
سمعت انوا الولاده فيه بدون ألم
انا ناويه أولد فيه ان شاء الله
اللي جربت بليز تقولي وش رأيها واللي ما جربت تدعيلي
الله يهون علي وعليكم يا رب

[**سماسم**]

إن شاء الله يفيدونج العضوات إلي بمكه
,,

[ذكـــرى]

رفع لعنونك

افيدونا بناتتت

[أم لمآر]

شوفي هالموضوع ..

وبآلتوفيق..

http://forum.hwaml.com/t47808.html

[ذكـــرى]

مشكوووووره يااعسل

وباشراحيل الكل يمدحه

بس كم سعر الولاده عندهم

[القاصة الصغيرة]

بسم الله الرحمن الرحيم

السلام عليكم ورحمة الله وبركاته

حأكتب لكم وأنا قلبي يؤلمني والدمعات تغلبني

أنا ما حأتكلم عن دكتورة معينة في مستشفى الرفيع

كانت أول ولادة لي وبإذن الله واحد أحد آخر ولادة في دي المستشفى

أولا دخلت طواريء ومايخلو زوجي يدخل معايا لاقبل الولادة ولافي الولادة ولابعد الولادة غير بعد كم ساعة

وممكن يدخلو وحدة معاكي وقت الطلق

أنا دخلت الساعة عشرة في غرفة وحطوني على سرير وقعدو يجربو يدخلو الإبرة في يدي إلى أن لقيوا عرق

بعد ما بهدلوا يدي

وبس سابوني لوحدي ومشيوا أهلي في جدة وقتها نزلت المطرة القوية فماقدروا يجوا

حماتي جزاها الله خير وصلت بعد ساعة ودخلوها معايا وقت الطلق وهي قعدت تحسب لي الوقت وبعدين نادتهم

راحت جات الدكتورة وشافت الفتحة ودخلت يدها وشقت الكيس بيدها وقسما بالله وقتها نطقت الشهادة وقررت أموت من الألم

بعدين قالت خلاص أتوسع 10 سم وجات ممرضة مسكت يدي ونزلتني على الأرض

وقالوا لي يلا أمشي بسرعة لكوكشك الولادة قبل لايطيح النونو

هيا تخيلوا بالله كيف قدرت أمشي وقتها ولأ طلعت فوق السرير وربطولي رجلي على الحدايد وماخلوا حماتي تدخل

يقولوا ممنوع

وعشان يساعدوني قال في الدفع قربولي الحديدة إلي مربوطة فيها رجلي

أسوأ ألم وأسوأ إحساس إنه إلي يساندك ويساعدك هو الحديد البارد

والحمدلله رب العالمين كان هو معايا و ولدت خلال نص ساعة وسمعت صوت النونو إلي شالو بعيد وماشوفتو

بعدين خدروني وهم في بداية الخياطة ضربولي رجلي وصحوني فشوفوا كيف الألم إني حاسة بكل غرزة تتخيط

وما أقدر أقول شي لأني تعبانة والكمامة على فمي وكمان كانوا ينكتوا ويضحكوا

وبعدين خرجوني ورجعوني في الغرفة إلي كنت فيها وقت الطلق وقعدت حماتي معايا

قال إيش لا تغيري ولاتتروشي ألين مانجب لك نعناع حار وجلست أستنى 3 ساعات لأن إلي بعدي الله يستر عليها

أخدوها قيصري ونسيوني

فراحت حماتي الله يعطيها العافية شالتني وروشتني ولبستني وحطتني على السرير النقال وقتها جات الدكتورة
وأتأكدت من الخياطة ونزلوني لغرفة صغيرة وضيقة وقتها شوفت زوجي وقعدت ساعة كمان ونص وجابولي النونو

وجيت أرضعها مارضيت لأنه حضرتهم رضعوها صناعي

يعني كفاية إنهم ماوروني هي ولا لمستها وطول الساعة بعد الولادة وهي أهم ساعة بين الأم ومولودها ولها فوائد كتيرة

وغير تخيلوا الإحساس بأن الوحدة شايلة داخلها إنسان طول 9 شهور وأول مايخرج ماتشوفوا مافي في قلبهم أي رحمة

فالله يعين كل وحدة حامل وبتولد عندهم

[رونق الروح]

اقري هذا الموضوع
http://forum.hwaml.com/t47808.html