بسم الله ابدأ قصه ولادتى
يوم الجمعه15-4كان عندى مغص خفيف جدا اللى هو المغص العادى اللى مش بنقلق منه وقبلها بكام يوم كان عندى ترجيع كأن الوحم رجع معايا من تانى
وكمان اسهال وسالت ناس كتيير فيه اللى قالى انها ولاده وان ولادتهم بدات معاهم بترجيع او باسهال بس ماصدقتش
لان كانوا دايما يقولولى انتى بكريه وهاتخدى التاسع كله
وكنت مدوامه الفتره دى على تمارين الحوض مش كتييير بس كنت اعملها لمده 4ايام قبل الولاده وكمان يوم الجمعه دا طلعت ونزلت الدرج 8مرات لدرجه انى حسيت ان الولد هينزل منى وروحى راحت وزوجى يقول استمرى ههههههه
عاوز يخلص منى حضرته
المهم كانت افرازات تنزل على بلون المويه وبرضه قالوا عادى
يوم السبت بقى نضفت البيت عادى بس من غير مااجهد نفسى وسويت الغدا
وماكنتش حاسه باى شىء وجلسنا على الغدا بس حسيت بمغص خفيف اعلى بطنى
قولت لزوجى كمل اكلك انا هااقوم واكمل بعدين الولد كابس على معدتى مش عارفه اكل
قالى اعملى حسابك هنروح للدكتوره النهارده نطمن ونشوف الميعاد قرب ولا لسه قلت اوك خييير اهو اعرف قربنا ولا لسه اخدت حمام ماء ساخن حوالى نص ساعه وعلى الساعه 30-6مساءا رحنا الدكتوره قعدت تحفظنى انتى فى شهر ولادتك يعنى تبتدى تمشى كل يوم ساعه وتتحركى كتييير وووووووو
المهم سوت سونار قالت ماشاء الله البيبى نازل كتييير بالحوض ولادتك قربت وهتكون سهله وباذن الله مش هاتتعبى فيها وطمنتنى على البيبى وعلى الوضع
وبعدين انا كنت عاوزه اعرف الرحم فاتح ولا لا سالتها قالت مايبين الا بالفحص الداخلى خلينى افحصك
الدكتوره اول ماشافتنى اتصدمت قالت ياالله انتى بتولدى والرحم فاتح 5سم
انا اتنفض جسمى ومارديت غير انتى بتتكلمى جد قالت والله بتولدى وانا وجوزى من خضتنا مارحنا على البيت رحنا على المستشفى على طول وقالوا ولاده 7سم وحطولى مغذى وجهاز التخطيط وكنت حسيت بمغص خفييييف مره وكانت الساعه15-7مساء وفكوا المويه بتاعه الراس وكانت كتييييييييييييير مؤلمه وبعدين حسيت انى لاتاخذونى عاوزه ادخل التواليت قالوا دا البيبى ومن كتر الالم ابتديت ادفع من غير مايقولوا لى وشرف حمدى الساعه30-8مساء وبعدين حسيت بالم افظع من اى الم ولاده او غيرها
وكان السبب نزيف حاد بعد الولاده ومش راضى يقف باى وسيله سابونا ساعه فى غرفه الولاده وزوجى يسال قالوله خلاص هاتتطلع لحد الساعه 30-12بالليل والنزيف مستمر بغزاره
قالو لجوزى لازم عمليه لتهتك الرحم حالا وقع الاوراق جوزى بيقول ايه السبب لا
قالوا احنا هنحاول بس حالتها خطيره وممكن وفاه او نشيل الرحم جوزى وافق ووقع وكان عاوز يدخل يشوفنى قبل العمليه بس كان دا ممنوع لكن دخلوه وسلم عليا كانو بيودعنى وحالته كانت صعبه وكنت كل دا صراخ من الالم
ودخلت العمليات والحمد لله ربنا كريم العمليه نجحت وبقت كويسه وطلعت الساعه30-3صباحا
بعد طبعا البنج الموضعى والكلى والنزيف وقف الحمد لله بس كان عندى الدم 13صار 8 ونقلو دم كمان كتيير فى العمليه
وشوفت بقى نور عينى اللى كنت حاسه انى مش هاشوفه تانى
واسفه انى طولت عليكم بس حبيت تشوفوا اول تجربه ليا والعذاب اللى بدا بعد الولاده مش ساعتها ربنا يجعل ولادتكم اسهل من ولادتى ويكملكم على خييير ويفرح قلوبكم ويرزق كل محرومه امييين يااارب العالمين
وعلى فكره انا ولدت بعد 9ايام فقط من التاسع واى سؤال انا تحت امركم ان شاء الله
ااااااااااااسفه على الاطاله