بالتاسع وقاعده ابكي

[بيسان2010]

السلام عليكم ورحمه الله وبركاته

عزيزاتي هذي أول مشاركه لي بالمنتدى وأتمنى انكم تساعدوني
انا بكريه في التاسع صارلي 24 يوم ولم تظهر علي اي علامات للولاده مع اني امشي كل يوم ساعه وامس طبقت ساعتين مشي ولم رجعت البيت كنت مرهقه جدا قولت انام وطول الليل تعب حاسه نفسي متوتره جدااااااااااااا وجسمي ثقيييييييل مررررررة وكاني شايله حجر ببطني ولم قمت ماقدرت امشي احس مفاصلي توجعني مررره ماني قادره اتحرك بس لاحظت ان لون البول اتغير صار غامق عن اي يوم ونغز بجمبي لم مشيت اليوم وراسي ثقييييييييل وحركه قويه للبيبي بس اكثر شيء تاعبني نفسيتي في الارض وقاعده ابكي من ثقل جسمي والم مفاصلي ومن شويه شربت قرفه بالحليب زادت من حركه البيبي تعبت مرررررررررررره وماني عارفه ايش اسوي الدكتوره حددتلي يوم 26/5/2011 اخر يوم بالتاسع بس ما ادري حاسه اني مطوله لانه مافي اي بوادر للولاده عن جد تعبت وماني قاااااااااااادره ساعدوني ايش اسوي بدال ما انا قاعده ابكي وخلاص وماني قادره اسكت

[شمايل بنت الدمام]

الله يسهل عليك وتولدين بالسلامه ..

لازم في اليوم ساعتين علا القل
والقرفه ممتازه كل يوم اشربي كاس تريقة التحضير تجيبي قرفه مطحونه وكاس وماء حار
تحطي ملعقتين اكل قرفه وذا تبين سكرا وماء
واشربيه
لا وصيك في المشي

[tتـــوووفـــيt]

والله رحمتك ذكرتيني بحالي باول حمل لي
ضاقت بي الوسيعه بس كل ماتطري علي ذيك الايام اضحك على نفسي طبعا بعد ماصار عندي خبره
اولا الولادة تبي طولة بال يعني مو شرط انك اذا جاء 26-5 بتولدين لا طبعا ممكن تجلسين يوم يومين اسبوع وكله طبيعي وممكن تولدين قبل موعدك بيوم او يومين اهم شي ان اعصابك هاديه لا ترهقين نفسك بالمشي لانك راح تتعبين ولما تجيك الولادة مارح يكون فيكي لا حيل ولا قوة صحيح المشي مفيد بس بشكل معقول يعني لو تمشين ربع ساعة وحسيتي نفسك ماتقدرين تكملين توقفي على طول
اولا واخيرا راح يطلع على وجه الدنيا بس انتي طولي بالك انتي مع هالنفسية راح تضرين نفسك صدقيني الولادة هدوء وصبر والانفعال ماراح يفيدك بشي
وبشرينا اذا قمتي بالسلامة وراح ادعيلك من كل قلبي ان الله يهون ولادتك ويقومك بالسلامة

[●|ڄ۫۫ۅريےّْْْ|●]

اخطرشي تشربين قرفه و انتي مامعك طلق

انتم مدري كيف تجازفون بحياة صغاركم

أم جيرانا توفىا ولدها من القرفه سببت نزيف و ماعرف ايش

وو توفى البيبي

لا تجهدين نفسك الولاده لها ساعه

وبتجي و الله حرام تجازفيم بتعب حمل 9شهور

ربي يرفع عنك و يولدك و يفرحك بشوفة ضناك

[ام مرزوق]

اي والله زي ماقالت الاخت نووووفي الولادة تبي طولة بال ومتى مااراد الله للنونو ان يخرج
سيخرج ونتي لترهقين نفسك ودعي ربك ان يسهل لك الولادة وتشوفين النونو ان شاءالله

[وحشتني ايامك]

اللي خلاك تتحملي تسع شهور مايخليك تتحملين كم يوووم باقي ونصيحتي لاتشربي اعشاب وقرفه وخروع وهالخرابيط ترى تسبب لك تقلصات وتجيب لك الالم بس..اصبري وربي بيفرجها ان شاء الله

[ام جنى2009]

حبيبتي البكرية بتتاخر بالولادة ماتضغطي عنفسك التاسع كلو تعب وخلص حبيبتي هانت ان شا الله بس عليكي باكل الرطب وادعية الولادة والمشي وتهدي نفسك والله يسهلك

[سحاب]

يا اغلي حرام تتعبين نفسيتك كذا
اذا حستيتي بضيقه وتوتر اقري القران استغفري تذكري بيجيك موولود وشوينه وبتنسين كل الالم ووضيقه الصدر حرام عليك كذا
ثاني شي الاكثار من المشي مو كويس امشي لكن بحدود المعقول لانه ببتعبي وتجهدي نفسك قبل الولاده
القرفه ابد ما انصح فيها قبل الطلق ولا بعده ما عمري شربتها ابد
الله يسهل ولادتك باذن الله وتشوفي البيبي بجضنك وتنسين كل الايام الي راحت

[حنين الجنة]

اختى لاترهقين نفسك بالمشي ترى ممكن يسبب لك نزيف لا تزودين عن ساعه باليوم

الله يسهل عليك وتولدين بالسلامه

[بيسان2010]

المشاركة الأصلية كتبت بواسطة tتـــوووفـــيt

والله رحمتك ذكرتيني بحالي باول حمل لي
ضاقت بي الوسيعه بس كل ماتطري علي ذيك الايام اضحك على نفسي طبعا بعد ماصار عندي خبره
اولا الولادة تبي طولة بال يعني مو شرط انك اذا جاء 26-5 بتولدين لا طبعا ممكن تجلسين يوم يومين اسبوع وكله طبيعي وممكن تولدين قبل موعدك بيوم او يومين اهم شي ان اعصابك هاديه لا ترهقين نفسك بالمشي لانك راح تتعبين ولما تجيك الولادة مارح يكون فيكي لا حيل ولا قوة صحيح المشي مفيد بس بشكل معقول يعني لو تمشين ربع ساعة وحسيتي نفسك ماتقدرين تكملين توقفي على طول
اولا واخيرا راح يطلع على وجه الدنيا بس انتي طولي بالك انتي مع هالنفسية راح تضرين نفسك صدقيني الولادة هدوء وصبر والانفعال ماراح يفيدك بشي
وبشرينا اذا قمتي بالسلامة وراح ادعيلك من كل قلبي ان الله يهون ولادتك ويقومك بالسلامة

الله يجزاك خير والله هديتيني شوي يمكن اكون تعبانه من انتظاري لبنوتي احس نفسي مشتاقتلها مرررررررررررره مع اني ماشفتها بس يكفي اني حسيت فيها