حسبة من آخذ ؟؟؟

[Rose Bh]

السلام عليكم

انه حامل في بكري (يعني اول مرة ) ....ولله الحمد

انه حامل بس ما ادري في اي شهر لانه على حسبة التلفزيون انه اكون في ويك 16 يعني في الشهر الرابع << و هاي حسبتي ...يعني قمت امشي على حساب التلفزيون فبالتالي الولادة تكون تاريخ 18 نوفمبر

حسبة الدكتورة الا هو من اول يوم في آخر دورة تكون الولادة تاريخ 6 نوفمبر بالتالي انه الحين في بداية الشهر الخامس يوم قلت لها اني حسبت على التلفزيون قالت لي اذا دورتج منتظمة معناته امشي على حسبتها هي

اما زوجي يحسب لي بكل سهولة كل 6 الشهر ادخل شهر جديد


انه الحين ما ادري انه في اي ويك لانه حتى المواقع اللي تحسب كل واحد يعطيني ويك شالسالفة ما ادري


للعلم انه اخر دورة لي 30 يناير و انه دورتي كل 32 يوم

[**سماسم**]

يالغاليه أخذي حسبة الدوره أهي الادق و الاصح بإذن الله
,,

[لمعة الماسة]

والله انا مثلك محتارة اخذ حسبة التلفزيون والا الدورة

[ام جنى2009]

وانا نفس المشكلة عى حساب الدورة شكل وحساب التلفزيون شكل

[مرهفة حس]

ياليت الي عندها خبره وش الي ادق السونار ولا الدوره

[خيوط ملونه..]

حبوبه سهله جداً السونار يحسب من اول يوم بالدوره بس انتي ما حملتي بعد الدوره فشو بتسويين
اخذي حسااب السونار ونقصي اسبوعيين . .الاسبوعيين اللي تبع الدوره واللي مافيها ابااضه .. وبعديين اجت الابااضه من هذااك الوقت تحسبين ^,^

[رونق الروح]

اختي ادخلي هنا وانا راح احسبلك واي وحده محتارة بالحساب انا تحت الخدمه
http://forum.hwaml.com/t59738.html

[ام مراوي]

انة سمعت انو حساب الدورة اهيه الادق