للمجربات أستفسار عن مانع الحمل

[نغم]

مرحبا أنا بغيت أستفسر عن اللولب مين فيكم مجربته تعطيني فكره عنه وانا تو والد بعمليه هل يناسب أركبه ولا لا ومتى يناسبني وشني السلبيات اللي حسيتيها منه
أتمنى تفيدوني قبل ما أجربه

[احلى سارة في الكون]

السلام عليكم
الحمد على سلامتك وماتشوفي شر
لازم تسألين الدكتورة اذا كان يصلح تركبين للولب بعد العملية او لا
انا استخدمت للولب عاااادي بعد اجهاض وظل معاي ثلاث سنوات

بس مشاكله بسيطة التهابات في البول بس وكانوا يعطوني علاج

وكنت اتابع كل اربع شهور او ستة اشيك علية في المستشفى
تسوي لي الدكتورة سونار وتقول مافي مشاكل وثابت في مكانه

بعد ما شلته قالت الدكتورة في قرحة بسيطة وعالجتها في نفس الوقت
وعطتني تحميلات احطها في الرحم عشان تسوي له غسيل
وفعلا كنت احطها قبل مانام ويطلع موية من الرحم لانه تنظف
وبعدها ظليت 5 شهور تقريبا وبعدين حملت
والان انا على وشك ولادة

ادعيلي اولد بالسلامة

[نغم]

يعطيك العافيه يا احلى ساره ما قصرتي بنات وينكم واحد وعشرين مشاهده ورد واحد ساعدوني من جد

[طيف امراه]

رفع ماعندي علم

[كآبتشينو]

السلآم عليكم ..

انا ركبت اللولب الهرموني اللي مدته سنتين.. كآنت دورتي ست ايام وبعد مآركبت اللولب صار بس اربع ايام .. ~
ومشآكله انهم يقولون لك لاتشيلين شي ثقيل عشان مايتغير مكانه او ينزل
وقالت لي الدكتوره كل ست شهور اجي لها وتكشف عليه
بس انا ولا مره رحت خخخخ
وبعد سنتين شلته وبعد خمس شهور تقريبآ حملت ^^
الحين انا ولدت وولدي له اربع شهور
والحين ابي مانع حامل .. وافكر استخدم لصق منع الحمل

ومشكلة اللولب هو تركيبه ولمن تروحين تشيلينه
يعني اشوي يخوف ويعور خخخخ

وان شاء الله افدتك :)