ابن زوجي مدمن بلاستيشن

[زهور الامل]

السلاااااام عليكم ورحمة الله

اول شيئ ابن زوجي مااعتبره الا ابني
رغم ان الفرق بيني وبينه بالعمر مو كثير
بس يشهد ربي اني مااشوفه الا كأنه ابني
واحبه واداريه واخاف عليه
هو الحمد لله نوعا ما فيه صلاح

بس بحياته مشكلتين قررت اعرضها
لكم وتساعدون في حلها بإن الله

وهي

الاوله صلاته مو ذاك الزود
بمعنى انه يأخرها عن وقتها اما بنوم
او جلسته على الالعاب

وانا ماقصرت انصحه وابين له ان كل شيء
ممكن نتغاضى عنه الا الصلاة
بس الله يهديه ما احسه يتأثر

طبعاً عمره 16 سنه

والمشكله الثانيه

انه مدددددددددمن بلاستيشن بشكل
مو طبيعي
يحبها بشكل خيالي
واذا انقطع النت او صار بالعبه شيء
يزعل ويعصب ويتوتر
ويطلع يدور على اللعبه بأي مكان
المهم انه يستمر باللعب

وش الحل معاه؟؟ انا مابي اقسى عليها
ومابيه يكرهني

وابوه الي هو زوجي لاهي بشغله

واذا تدخل باي سالفه خربها

اسلوبه معه مايعجبني ابد

وكثير يضربه اويجرحه بالكلام



وش ممكن اسوي انا
وكيف اكرهه بها العله
البلاستيشن

؟؟


ردو علي نخيتكم لا تخلون



ويارب يجزاكم الجنه

[املي في امل]

اولا: اهنيييك على رحابه ووسع صدرك لابن زوجك الله يعوضك بالي تتمنين يارب
ثانيا :ادعيله والله مافــــــــي زي الدعاء وحاولي تصاحبينه وتخلينه يشترك باي شي خارج البيت يستفيد منه مثل دوره كمبيوتر منها يكسب شهاده ويتعلم ويستغل وقته ومنها يجي من الدوره يادووبك ياكل وينام على طوول وهذا السن سن مراهقه دايما عنيد فيحتاج سياسه منك
****
يارب يرزقك توئم بنات يلتهي معاهم يارب

[عقد لؤلؤ]

جزاك الله خير على حسن تعاملك مع ولد زوجك وقليل هذي الأيام الحريم يتصرفوا كذا.
بالنسبة للصلاة لازم تحرصي عليه وتذكريه بأحاديث عقوبة تأخير الصلاة ومن هذا الباب لأن الولد كبير ومراهق وما ينفع معاه إلا التذكير والنصح وربي يهديه إن شاء الله.
أما بالنسبة للبلايستيشن فزي ما قالت أختي أملي في أمل حاولو تدخلو دورات أو أندية فروسية وسباحة الأولاد يحبو هذي الأشياء لأنها مسلية لكن لو قعدو في البت أكيد حيسلي نفسو بأي شي زي البلايستيشن والنت لكن لو انشغل فا رح يخف هذا الإدمان شوية شوية إن شاء الله.
وطبعا هذا كلو مع الدعاء له بالهداية والصلاح وخليه أبوه يكثر له من الدعاء لأن دعاء الوالد مستجاب .

[جنون المشاعر]

هو في سن مراهقه واكثر المراهقين مدمنيين البلاستيشن
والمراهق في هدا السن يكون عصبي وسريع الانفعال
وبالنسبه الصلاه حسسيه دايم انها اهم شي بحياته اهم من اللعب والنوم
لانها صلته بربه
والله يهديه ان شاءالله

[فاقده جدها]

الله ينور طريقة ويجزاك الجنة ويحقق كل امانيك واحلامك بصراحة انتي تستحقين التقدير لانك اخذتي من وقتك لكتابة مشكلة تخص ابن زوجك وهذا دليل انك انسانة تخافي الله
الله يسخره لك ويكون عون لك ويجعلة صالح نافع ويعوض عليك في الدنيا والاخرة
هو في مرحلة تحتاج التوجية بلين وتعدي ان شاء الله

[زهور الامل]

بارك الله فيكم يابنات ماتدرون كم شجعني
كلامكم اني ابذل معه جهد اكثر..يسلمكم
ربي قولو امييييين

[العمر لحظه]

الله يجزاك الف خير

[#ام جوان#]

جزاك الله خير اختي زهور الامل
على خوفك عليه بما انك تقولي مافيه فرق بينكم بالعمر
يعني تفكيرك راح يكون قريب من تفكيره كلميه عن مستقبله ايش وده يصير يعني اجلسي معه وقت طويل
قدر الامكان اللي اقصده انكم تصيروا اصدقاء
بارك الله فيك

[زهور الامل]

اشكر مروركم الرائع بارك الله فيكم

[ليالي نجد]

جزاك الله خير على حسن رعايتك واهتمامك فيه والسوني شر لابد منه مادري متى الله يفكه منهم
وجعله الله من موازين حسناتك ,,

ابسألك كم صار لك متزوجه ؟؟