تسمم الحمل ارجوكم افيدوني..

[أم نجلاء 87]

بسم الله الرحمن الرحيم
هذا اول موضوع لي اتمنى انكم تفيدوني..
طبعا انا مثل كل وحده تتزوج حملت بسرعه تقريبا بعد شهر ونص عرفت اني حامل اول شي كان ينزل مني دم لونه بني ولما رحت للدكتور قالي احتمال اجهاض بس الحمدلله ماطاح ولما وصلت ع نهاية الثالث كان الترجيع(اكرمكم الله) شي موطبعي سواء اكلت شي والا لا..
وفي يوم رجعت فوق 14 مره ورحت المستشفى وتنومت ع اساس ياخذون عينة بول 24 ساعه بس كانت كمية البول قليله جدا جدا مع اني اشرررب سوايل كثير لكن صرت نحييييفه وااجد بعدها بدا جسمي يتورم شوي شوي بداية من رجلي ولما دخلت الخامس ارتفع الورم وبديت اتورم اكثر واكثر وارتفع الضغط وكل شوي يرتفع اكثر (الله يسامح الدكتوره كنت حقل تجارب عندها)كل شوي غيرت حبوب الضغط في يوم جيتها وانا اتالم من بطني في بداية السادس فحصت علي من تحت قالت الرحم مسكر بس يمكن المشيمه وسوت لي تصوير قالت المشيمه اوكي والضغط يروووح فوق وكانت تضحك على وجهي لمع النيرس لانه متورم..طلعت على مسوليتي ورحت مستشفى حكومي وعلى طول نزل لي البيبي بقيصريه وتوفت بعد41يوم وقالي ان المشيمه كانت مفصوله بسبب الضغط والبيبي وزنها ضئيل وماكانت تتغذى مضبوط..
هذي اول فرحه لي وراحت الحمدلله ع كل حال الحين مرت لي سنتين وكان معاي حصوه بالكلى ونزلت الشهر اللي طاف وتركت مانع الحمل ان شاء الله اكون حامل الحين والله يعووضني..
بس ابي اللي تعرف عن تسمم الحمل واحتمالية تكراره اوشي يخفف من نسبة الزلال تفيدني وهل سنتين كافيه للجسم بعد الزلال انه يكون مستعد للحمل
ارجو الافاده مع جزيل الشكر
وادعوا لي اكون حامل والله يتم حملي ع خير واجيب بيبي سليم معافى..

[أم نجلاء 87]

وينكم يابنات ولا وحده فكرت ترد علي تفيدني

بلييييييييز ابي منكم رد..

[**سماسم**]

ربي يعوضج يالغاليه بالحمل السليم التام عاجلاَ غير أجل ..
وعلى تكرار تسمم الحمل كل شيء يالغاليه وارد لاكن مع اخذ الإحتياطات وإجتناب المثيرات لزلال مثل الألبان بمشتقاتها وهم المتابعه المستمره ماراح يتكرر بإذن الله ..

[أم نجلاء 87]

الله يسمعك منك والله فرحتيني واخيرا حد رفع معنوياتي..
Thanks boss

[حب حبيبي]

الله يعوضك خير يارب ويفرح قلبك ويرزقك ماتتمنين
غالبا مايقولون انه يجي للبكرية وانا جاني ببداية التاسع وكانو مستغربين لانه بدون اعراض وتوفى طفلي وفاة طبيعية والعلم عند الله
الله يعوضني يارب
بس يصفون لك في الحمل القادم اسبرين اطفال لتفادي تكرار المرض

[أم نجلاء 87]

المشاركة الأصلية كتبت بواسطة حب حبيبي

الله يعوضك خير يارب ويفرح قلبك ويرزقك ماتتمنين
غالبا مايقولون انه يجي للبكرية وانا جاني ببداية التاسع وكانو مستغربين لانه بدون اعراض وتوفى طفلي وفاة طبيعية والعلم عند الله
الله يعوضني يارب
بس يصفون لك في الحمل القادم اسبرين اطفال لتفادي تكرار المرض

الله يعيننا ع هالدنيا بخير في بداية الحمل يستغربون ونهايته يستغربون..
بي الين الحين مالقوا له اسباب ولا علاج..
الله يــعـــوضك خيير يارب..ويفرح قلبك بس كم صارلك وكم قالوا لك تقعدين بدون حمل..

[حِلمْ الأُمـوُمَـهـْ]

الله يعوضك حبيبتي ,,

وإن شآء الله تبشرينآ قريب بحملك يآآرب

[أم نجلاء 87]

المشاركة الأصلية كتبت بواسطة حِلمْ الأُمـوُمَـهـْ

الله يعوضك حبيبتي ,,

وإن شآء الله تبشرينآ قريب بحملك يآآرب

اللــــــــــه يسمع منك .. انتظر الشهر هذا وان شاء الله يصير
..

[FoOoFoOo]

ربي يعوضك بالحمل السليم المعافى ياااااااااااااااارب عاجلا غير اجلا..
وان شاء الله مايتكرر معك التسمم وياليت اذا صار حمل مره ثانيه تقولي للدكتورة الي بتتابعي معاها باللي صابك بالحمل الاول مشان تعرف حالتك..
ويصرفون لك اسبرين اطفال..

[أم نجلاء 87]

المشاركة الأصلية كتبت بواسطة fooofooo

ربي يعوضك بالحمل السليم المعافى ياااااااااااااااارب عاجلا غير اجلا..
وان شاء الله مايتكرر معك التسمم وياليت اذا صار حمل مره ثانيه تقولي للدكتورة الي بتتابعي معاها باللي صابك بالحمل الاول مشان تعرف حالتك..
ويصرفون لك اسبرين اطفال..

آآآآآآآآآمين ويرزق كل محروووم..
انا من نزلوا البيبي وانا اراجع عند نفس الدكتور كل 6شهور تقريبا
ويقول هذا في علم الغيب بس ماقالي عن الاسبرين..انا قريت عنه وان شاء الله اروح له الشهر الجاي واكون حامل واساله