ريحووووووووووني تكفون

[امورة و دلوعه]

بسم الله الرحمن الرحيم

السلام عليكم ورحمة الله وبركاته

غالياتي انا سويت شئ وما ادري هل هو صح ام خطأ انا ضميري يأنبني وحبيت اشوف رأيكم في موضوعي

انا متزوجه وساكنه في شقه وفي العماره اللي انا ساكنتها ساكنين اخو زوجي وزوجته في الدور الثالث وانا في الدور الثاني حصلت بيننا مشكله انا وزوجة اخو زوجي وما صرنا ندخل بيت بعض لنا حوالي سنتين الموضوع هو انه سكنت جاره جديده لنا في الدور الارضي وقمت بزيارتها وطبعا اخذنا الكلام والسواليف وهي تحكيني عن معاملة سلفتها السيئة فقمت انا ومن المقابله الاولى معاها قمت حكيتها عن المشكله اللي بيني وبين سلفتي وقلت لها انها هي جارتنا اللي فوق وقولتلها عن معاملتها السيئه لي والله اللي يعلم انه مو قصدي اني اكرهها فيها بس كان قصدي انها تساعدني في شغله انا لي سنين متزوجه وما حملت وفي ناس كثير يحلمون بي ويفسرون حلمهم ويطلع اني محسوده وما راح احمل الا برقيه شرعيه هذا طبعا تفسير الحلم وفي واحد من التفسيرات انني انحسدت داخل بيتي وفي غرفتي بالذات واساسا ماكان احد يدخل غرفتي الا هي قمت يوم فلت لساني وحكيت لها عن سالفتنا طلبت منها ( جارتي ) تجيب لي من قهوتها اللي شربت منها حتى اتغسل فيها باعتبار اني ما ادخل بيتها ( سلفتي ) ومن يوم ما طلعت من عندها وانا مقهوره ليش قلت لها ليش فتحت لها قلبي من اول جلسه معاها وليش وليش 0000 انا غلطت المفروض اني ما اتكلمت عن سلفتي ولا قلت عنها شئ اخاف يوصل لها الكلام وتقول هذي بس في سيرتي تبغى تكره الناس في وانا والله ماكان قصدي

ريحووووووووووووووووووووووني انا مرررررررررررره مقهووووووووره وخصوصا اني طلعت حامل وانا ماادري

كيف اصلح اللي عملته اذا كان خطأ

[الحب لك وحدك]

تبين الصراحه
انتي غلطتي يوم انك قلتي لجارتك الجديده هذا اول شي
ثاني شي ليش الزعل بينكم
سنتين ماتكلموا بعض ياحبيبتي صيري احسن منها وبادريها بالطيب
بعد ديننا قال ثلاث ايام وخيركم من يبدا بالسلام وانتوا سنتين مو حراااااااام
وعلى سبب يعني فلانه تقول وفلانه تحكي
انتي قولي لجارتك ماتخبر احد والموضوع بيني وبينك طيب قد ماتقدري حلفيها ان كلامك عنها مايوصل لها
وانا عرفه انه مو قصدك تشوهي سيرتها قدام الجارة

ومبروووك حملك والله يتمم لك على خير
واتمنى اني افدتك بالغلا

يعني اذا تكلمتك جارتك وش راح تستفيد
ولاشي راح تخسر صحبتك وزوجة اخو زوجك ماراح تتقبلها عندها لانها نقالة كلام



والله يكتب لك اللي فيه الخير
ومادام ضميرك يأنبك هذا دليل انك مو حاقده عليها
الله يصلحكم ويرجع علاقتكم ببعض مثل اول واحسن


اسفه على الاطاله
تقبلي مروري

[امورة و دلوعه]

حبيبتي الحب لك لك وحدك والله كلامك صح انا غلطانه في اني تكلمت عنها بس لو وصلها الكلام ايش راح تقول يجي في بالها

وحكاية الزعل اللي بيننا انا بادرت برساله من اول شهر زعل ولكن هي ما ردت مع انها هي الغلطانه وشكلها هي ما تبيني ادخل بيتها بس اتوع ان الذنب عليها لاني بادرت وما لقيت منها اي رد واللي ما يبينا احنا مانبيه

اشكر لك مرورك حبيبتي واتمنى من الاخوات انهم يعطونا ارائهم

[سموة الشوق]

السلام عليكم ورحمة الله وبركاته

أختي أمورة ودلوعه

أولا أبارك لك بالحمل والله يسهل عليكي وتقر عينك بشوفته معافى يارب
وثانيا:بالنسبه لموضوعك......
الله يعينك

أنا مع الحب باللي قالتلك
وحبيت أضيف:
إذا رحتي لجارتك مرة ثانيه اذكري محاسن سلفتك وأكيد بتسألك عن ذاك الكلام اللي قلتيه لها ردي عليها إنو الشيطان شاطر وإنك ماتقصدين إيذائها
يعني بيني لها إنك ماتكرهينها لشخصها
بس صارت سوء تفاهم لأمور الله يغنينا عنها
ولو لزمت عليكي تتكلمي عن سلفتك انتبهي
اصرفي نظرها
وقوليلها مانبغي نغتاب ونكسب ذنوب
وانتبهي أخيتي
الله يكافينا وإياكي
ترا في حريم يحبون الهرج والحش بالناس وبعدين يوقعون بينك وبينها....
انتبهي
لاتكون من الحريم اللي تنقل الكلام
لأني أنا عشت معاناتك وعليهم أسلوب
تحسين إنهم يسحبون منك الكلام بدون ماتحسي
وتتطمنين لها وتصادقينها كأخت
وبعدين تقع الطامة الكبرى
وياما ندمت بعدها
بس خلاص صرت أكتم الكلام بصدري وأشكي لربي هو العالم بحالي
وصرت بعدها ماأثق بالحريم اللي حولي
الله يجيرنا من شياطين الإنس والجان

ولكي مني أجمل تحيه

[**سماسم**]

ياهلا والله فيك أختي وإحنا مثل خواتك
أنا مراح أقول أننك غلطتي لانك أقريتي بغلط .. وهذا موعيب العيب تمادينا بالغلط وإن شاء الله تكوني أخذتي
عظه وعبره ودرس ..
أنتي لا تستعجلي الاحداث يمكن تكون الجاره الجديده بنت حلال وماتقول لسلفتك شيء وهذا راح يكون بصالحك
ويمكن تكون وجه خير عليك وتساعدك مثل ماقرأت فيما وردتي أن الحمل عندك ماتم بسبب الحسد ونا بقولك شغله أحدى قريباتي المقربات لي وإلى قلبي لم تحمل وكانت تراودها أحلام وكوابيس وعند تفسير قال لها المفسر أنتي محسوده وهذا الحسد واقف بينك وبين الحمل والوظيفه وطلب منها أنها تلتزم المعوذات وسوره البقره والورد وطلب منها أيضاً أن تأخذ أثرهم ولاكن بدون علمهم هي فقط إلي تاخذ صدقيني والله أنو جاها خبر وظيفه وحمل بنفس اليوم ومن خوفها أنو يرجع إلي صار تنازلت عن الوظيفه ورزقها الله قبل أيام بطفل والله يتمم عليها ويرزق الجميع ..
أما في الحاله الثانيه وهي التي لا أتمناها إذا خانت الجاره الجديده الوعد وبلغت السلفه فهذا الشيء بيدك من حيث تعتذرين لسلفتك أو تخلين أحد يمون عليها يصلح مابينكم وكل الي حصل غلطه ..
ونصيحتي لك لادخلين زوجك بالمشكله أو تقوليله عن الي صار بينك وبين الجاره من كلام لان بكذا صدقيني راح تفقدين ثقته فيك ..
أتمنى من الله أن أكون أفدتك وأعذريني على الإطاله
والله يحققلك كل امنياتك ويسهل أمورك ..

[امورة و دلوعه]

حبيباتي طيف وسماسم

اشكر لكم مروركم الرااااا اااائع ونصائحكم الاروع

[عزيزة النفس]

مبروك اختي اميره على الحمل والله يتمم عليك
انا اضم صوتي لصوت اخواتي الحب وطيف وسماسم واقولك انا كنت زي اختي طيف افضفض للناس بسرعه وافتح قلبي وهم يسحبوني بالسوالف وما صحى قلبي الا متاخرولو اني ماصحيت مره لكني تحسنت عن اول شوي
اولا يا اختي ان بعض الظن اثم انتي تقولين انه ما دخل غرفتك غيرها وانها حاسدتك وهذا انتي طلعتي حامل ؟؟؟؟
ثانيا اذا جابت جارتك سيرة سلفتك حاولي تحسنين الصوره في نظرها وقولي ان العلاقه بدت تتحسن شوي شوي وقولي لها انك تحبينها وما ودك بالقطاعه بينكم لان ممكن الجاره تتعرف على سلفتك وتلاقيها احسن منك وتطلعي انتي الشرانيه فانتي حاولي تسبقيها بالكلام الطيب
وثالثا زي ما قالت سماسم لا يدري زوجك ولا احد بالسالفه دامك خبرتينا وفضفضتي لنا فاظن احنا كلنا معك ورح نكون معك اذا احتجتي لنا باي استشاره
ورابعا زي ما قالت اختي طيف الجئي لله سبحانه ولا تشكي للناس لانهم مو كلهم رح ينفعونك يمكن يضرونك ولا تفكري انهم بيرحمونك لا لا لا بالعكس بيبدون ينبشون من وراك والجاره بيصير عنها فضول تسمع من الطرف الثاني علشان تلاقي سالفه تقولها لزوجها اللي بيصير يتفرج على المسرحيه وياخذ فكره عنكم وعن ازواجكم وعن حياتكم
الله يعينك ويوفقك لما يحب ويرضى

[لصمتي هيبه]

الاخوات ماقصرن

ولكن بادري مره ثانيه بالصلح ماراح تخسري شي

وجارتك حاولي تمسكي نفسك بالامور الخاصه لان محد بينفع احد هالايام

الله يولدك بالسلامه

ودي

[حلا وكلي غلا]

اهلين حبيبتي اموره اولا مبرررروك الحمل الله يسهل عليك ويقومك بالسلامه انا رايي من راي الخوات في اللي قالوه وان شاءالله الله يصلح مابينكم واذا شفتي جارتك قوليلها عن سلفتك من سواليف حلوه وانو اللي قلتيه عنها ماكنتي تقصدين منه شي وانو الشيطان شااطر وياقلبي ريحي نفسك انتي ماغلطتي انتي تكلمتي على حسن نيه وموقصدك انك تتكلمين عنها ومثل ماقالت الاخت سماسم هاذا بيكون درس لك,, معليش ع الاطاله ودي لك

[حصه]

مبروك على الحمل والللللة يتممم على خير هونيهااا وتهونا