زوجي قهرني

[أسيرة الحرف]

مرحبا فيكم جميعن
المهم أنا يوم كنت حامل أتفقت أنا وزوجي أذا جبت بنت راح أسميها جوري,فوافق وقالي خلاص:يوم ولدت أشوف الكلام تغير!!!فسألتة قلتلة خلاص سميتها جوري قالي لامراح اسميها جوري أحسة ثقيل!قلتله لا ثقيل ولا شي يتروالك خلاص سمها جوري أنا متفقة معاك من قبل لا أجيبها وانت وافقت,قالي مو على كيفك:قلتلة ليش مو على كيفي بنتي وأنا تعبت فيها,قالي خلاص يصير خير.
وكان لها موعد في المستشفى وعطاني شهادة الميلاد وقالي حطيها في الشنطة عندك , ولا أنصدم وشوف ألأسم ((ريحانة)),والله أنغهرت من كل قلبي بس ماتكلمت ماحبيت أسوي مشكلة معاه عشان أسم.
وبعد كم يوم ماحبيت أخلي في قلبي وصارحته وقلتلة أنا خاطري في أسم جوري وتروح انت من وراي وتسميها ريحانة,قالي سميتها وخلاص وهذا الأسم عاجبني:!يعني مافي أمل يغيره.
قولولي أشريكم في أسم ((ريحانة)).

[أم عبدالرحمن السلفية]

الحركة مو حلوة بالمرة بس ما أبغى أزيدها عليك الله يكون بعونك
الاسم عادي حلو ريحانة

[حصبيص]

تربى في عزكم ترى حلو والله
ومعناها النبات ذات ريحة طيبه

[بنوتة قمر]

الحمدلله ع سلامتك ياعسوله

لاوالله ليه يغير كلامو احنا اتفقنا وياريت الاسم سنع

الا مو حلو مررررره وااااو احس انو ارتفع ضغطي من زوجك

لو انا بزعل واجلس زعلانه الين يغير ولو يحبك بغير ان شاء الله حاولي معاه

ناديها جوري قولي لاهلك ينادوها جوري مررره فرق بين السما والارض جوري

وريحانه احسو مررره قديم وبدوي

[ريونه]

حركته ابد مالها داااعي
يسميها من وراك وبعد
ياليت هو اللي قال لك لا باالصدفه انتي عرفتي
والله لو انا مكانك مراح اسكت واذا مو راضي يغير الاسم
ناديها انتي واهلك جوري
بنسبه بصراحه للاسم مو حلوو
بس بعد مو شين

[نـ/ـوَورٍَعٌينِهـ]

الحمد الله علي سلامتك وسلامه البيبي

الله يكون بعونك يأختي
بصراحه زوجك يرفع الضغط مو لها الدرجه
حاولي فيه انك تغير الاسم البنت صغنونه وبكرهـ تكبر وتتعقد من اسمها

[سماء الاحساء]

صار معي نفسك مع بنتي واكتشفت بنفسي وقلت اله تغير لو يصير شصير ماغيره الا لما قريب تدخل المدرسه ....
اسم ريحانه حلووو وحتى جوري والاسم بيعكس على صاحبه كنو بتصير شخصيتين انت تنادي جوري وهو ريحانه احس بنظري محب انا كذا اسم واحد والله واحد .....
موفقه ياااارب وان شالله المره الجايه اسم الولد عليكي ...
عذرا ع الاطاله ...

[kozeda]

يا اختي صار خير
هي حركته بايخه وما بتصير
لكن ما في داعي للمشاكل من أجل إسم
هاي ستنا خديجه وعائشه وفاطمه ووووووو وأمهات المؤمنين أسمائهم قديمه جداً
لكنهم سيدات الجنه ,,, وان شاء الله تكون بنتك اسم على مسمى ريحانه من الجنه تفتخرين فيها وتكون من حفظة القرآن

[أم ريحانة]

اسم ريحانة حلو حيل وأحس صايرة موضته في هالفترة والله ناس كثير سموا ريحانة وانا بنتي اسمها ريحانة وانا اللي سميتها لأن الاسم عاجبني بالمرة ومعناه حلو الله يخلي بنتك لك ولا داعي للمشاكل عشان اسم

[MooNi]

حركة بااااايخة
ماودي ازيد النار حطب بس حاولي فيه بعد فتره وغيرة
وان ماغيرة هي اللي تحلي اسمها

وسواء ريحانه ولا جوري كلهم نفس المستوى هالاسامي ومعناهم واحد