ابفتح قلبي وخلآآآآص

[آنين آلصمت]

يابنات هذي مشاركة اخت صديق اخوي ماعندهم نت وطلبت مني انشرهاا وتبي تشاركم بمشكلتهاا.....المشاركه كما وصلتني

السلام عليكم ورحمة الله وبركاته

انا مها وحبيت اطرح مشكلتي بعد ماشجعني اخوي اني اشكي همي لكم واشكر انين الصمت على مساعدتها لي الله يرزقها الذريه الصالحه

كانت اسرتي مشهوره بالتجمع وصلة الرحم ومره مره كنا على قلب واحد مع قرايبنا عمات وخالات واخوال...
مرت السنين ومرض جدي وماقام بواجبه غير امي وابوي جعله بميزآن حسناتهم
امي مسكينه تركت اهلها عشان جدي وماكملت تعليمها وانجبت 5 اولاد و7بنات ماشاءالله تبارك الله...وانشغلت بخدمة البيت الكل يعتمد عليها عماتي اذا جونا ينامون يخلون امي تطبخ لهم وتنظف ملابسهم<<حنا صغار مانقدر نساعدها<<وتحملت امي عشان ابوي مع ان ابوي احيانا مايوقف بجنبهااا..وكانت اميمتي جعلها في الجنه
تهتم فيني لاني مريضه بسرطان كان عمري5 سنوات واختي الكبيره برابع ابتدائي فيها حاله نفسيه محسوده واخوي صغير مريض قلب (((ليش هم مايرحمونها ويخدمون انفسهم يعني امي وش تبدي وش تخلي<<آه ماكانت تحس براحه تخيلو ولامره شفناها تشكي ابد تبتسم وتتحمل وتتصبر
وبعد مرض جدي قام يتعزز بامي ويشكرها عند عماتي وعماتي تضايقو ليش مو حنا بناتك ومدري ايش<<من هنا بدأو يتنكرون ويقولون ان امي تخدمه عشان تورثه<<تفكير غبي
وتحملت اميمتي جعلها في الجنه وصار موقف لها مع بنت عمتي كانت طالبه الطلاق من زوجها وكلهم ماقدرو على تجميع الفلوس عشان يرجعون المهر وقالوا ارجعي لزوجك بس البنت رافضه اميمتي راحت باعت ذهبها ودبرت الباقي بالسلف وماحد سال من وين جابتها ولااحد شكرها المهم امي حلت المشكله بس ماحد ساعدها عقب عشان ترجع السلف..مانبيهم يساعدونها على الاقل يشكرونها...
وموقف لها بعد جدتي دخلت المستشفى وترقدت والكل راح زارها وعماتي طلبو من امي ترافقها<<على عيني وراسي بس شوفو المشكله وين امي حامل بالتاسع وتعبانه وراها عيالها بالبيت ودراسه خلونا لحالنا وفرضو على امي تجلس تدرون وش كان كل وحده عذرها ماينفع يخلون ازواجهم<<هذا ابوي مايعطي امي وجه وشوفو حظهن الحين كل وحده زوجها على كيفها الحرمه اللي ماتدافع عن نفسها مايصير لها كرت<<صرت انا بالبيت صغيره اصلح فطور المدرسه واقوم والبس اخواني,,,والحمدالله لين طلعت امي وتشافت جدتي
واراد ربي وتوفى جدي وبدأت صفحه جديده مع الخلافات صارو عماتي يطالبون بالورث وابوي هو وحيد جدي وحتى هو اللي قوم المزرعه والعماره وكل شيء على ظهر ابوي بس بداوها بمحاكم وحالتهم حاله مع ان حالهم احسن من حالنا كلهم يدرسون وموظفين ورواتب وحالتهم الماديه مره مره مقتدرين وحنا علينا ديون والبيت مو بملكنا يعني على الاقل ارحمو ابوي مو يمرمطونه بالمحاكم وعنده هالعيال مريضين كل وحده يبي له مصروف لعلاجه...
قاطعونا وطلعو اشاعات عنا وحتى خالاتي قامو على امي بدون سابق انذار كله بسبب النميمه وحنا مانعرف لحد الان من اللي يفتن ...<<للعلم ان ابوي حل الموضوع بشكل ودي وعطى كل وحده حقها وزياده<<

وانا كبرت يابنات وماودي اكبر لاني مانسيت وكل ماكبرت كل مازادات مشاكلهم
وبقولكم بعد ان عايلتي مريضه ذبحوني بانانايتهم
وصار موقف بعد هالخلافات صار حادث لوحده من عماتي وماحد وقف معها كثر امي ياااناااااس هذي الانسانه همومها والا قصتها مايتحملها ولا الجبل..
بالاخير قالو نفاق اللي تسويه هي وعيالها وانها تتمصلح<على ايش تتمصلح

وصار وفاة واجتمعنا بالعزاء؛؛فرحنا قلنا اكيد بيتعظون الا زادو بعد بسبب احد يفتن من ورانا

تركناهم على فالهم تعبنا نعزمهم ولكن يطنشون
نروح لهم مايعطونا وجه
المشكله حتى خوالي وش ذااا زهقناااا منهم
لاتقولون تقربوا لهم احرجهم بالسلام والسؤال مالمناااا احد..........

للعلم يابنات اني ماقلت الا فيض من بعض مع اني طولت عليكم بس خلاص تعبت ماعاد اتحمل<<دخلت العياده النفسيه وجلسات بسبب اني احبهم وابي ايام اول ...قولو لي وش الحل كيف ننساهم وننسى ايامهم حنا نحبهم بس هم مقاطعينااا...والهدف من المشااااركه ابيكم تدعون لاميمتي ان ربي ينصرها ويشافيها ويغير من حالنا للاحسن..اختكم مهااا سامحوني اذا مافهمتوني واذا صار كلامي مو مركب

[آنين آلصمت]

يارب ينصر امك يامها ويصلح حالكم ويارب يعوضكم بالخيررر
بنااات ادعولهم محتاجين لدعواتنا والحمدالله يامها كل شيء ماراح يضيع
ولعلمك ان مافيه احد مرتاااح بالدنياااا...وسعي صدرك واهم شيء تذكري النعمه انتي مع امك وابوك واخواتك واخوانك عايشين ببيت واحد واهم شيء العافيه

[حلمي أشوفك]

اللهم ياحي ياقيوم يجعل جزاء أمك في الدنيا والآخرة الله يعوضها ويعوضكم خير يارب

[ذايبه بالشوق]

الله بعزته وجلاله يشافي امك ياارب ويسعدها ويسعدكم فيها
اما كيف تنسونهم
ياقلبي هذي الدنيا واحوالها
لقاء وفراق
اهم شي انكم عارفين انكم ماسويتوا شي يبعدهم
وربك يجمع الشمل ان شالله

[4يو]

حبيبتي باين عليكم انكم ناس طيبين كثير هذولا ناس ما ينبكي عليهم درب يودي ما يجيب كونو عائله انتم مع بعضكم وامك عس ربي يرفع درجاتها بجنة الفردوس ويعوضها فيكم بشفاء التام ويقر عينها بيكم ياقلبي لاتزعلي وتنقهر هذي هيا الدنيا الله يكفينا شرها ادعو الله يخلصكم من الفتان المناق الي دخل بينكم حسبي الله عليه اوعليها احنا زيكم مايحبونا خالاتي ولا عماتي كلهم يجاملونا مجامله نحس العيد ماله طعم دائما يدورون مشاكل ومخاصمه على اتفه الاسباب خليها على ربي

[احلى من العسل]

السلام عليكم ورحمه الله وبركاته
اسئل الله العضيم رب العرش العضيم ان يفرج همكم ويشفي مريضكم ويشرح صدوركم ويجملكم بالصبر
حبيبتي مها وسعي صدرك ولاتشيلي هم ترى الدنيافانيه ومومستاهله نزعل على شي واحتسبي الاجر عندالله
عزيزتي مها والله بقلبي كلام كثير وحاسه بمعاناتك ومقدره الي انتي فيه بس حابه اقلك
الي يبيعك بيعه وهذولي الناس الي مقاطعينكم خلاص اتركوهم ولاتفكروا فيهم مادام هذي رغبتهم انتم سويتم ا لي عليكم وزياده بس هم مايبون يتواصلون معكم خلاص خلوهم براحتهم والايام كفيله بانهاراح تثبت لهم انكم على حق وطيبين وتحبون الخير وصدقيني راح يجي يوم يجونكم لحدكم يطلبون منكم السماح حبيبتي لاتشغلون انفسكم بهم وهذا حال الدنيا ماتخلوا من المشاكل على الاقل انتم احسن من غيركم راح اذكرقصه عمتي تزوجت من شخص ارمل وعنده 5 بنات صغارالكبيره كانت بعمر عمتي تزوجته وهي صغيره وربت بناته وكانت لهم الام والاخت كبرواالبنات وتزوجوا وخلفواالمهم مرض زوج عمتي وتوفى وترك خلفه 8 بنات و4اولاد صغار تخيلي قاموبناته يطالبون عمتي بالورث وهي لسى بالعده ورفعوقضيه على خوهم الوصي على عمتي وخواته مرضت عمتي من القهر وراحت تتعالج بمستشفى النفسيه الحمدلله على كل حال هذولي اخوان سووكذا فمابالك بالي بعيد احنى باخرالزمن القريب يصير عدوا والبعيد يصير قريب قولي الحمدلله انتي مع خواتك واخوانك وامك وابوك الله لايحرمكم من بعض
امابالنسبه لامك والي سوته مع جدك وجدتك هذاعمل خير توجرعليه وماعليكم من الي يقولونه الناس كلام الناس ماينتهي
وامابالنسبه لمرضك ومرض اخوانك وامك هذا ابتلامن الله يختبرصبركم وقوه ايمانكم والله اذا احب عبد ابتلاه اكثروا من الصلاه والدعاء والاستغفار وانشالله يكشف عنكم الغمه ويبدل حياتكم خير ولاتيئسواولاتقنطوا ان رحمه الله واسعه وبشر الصابرين
اتمنى لك حياه سعيده
واعتذر على الاطاله
اختك احلى من العسل

[فوق مستواااك]

الله يفررررررررررج همكم ياااارب ويشفيك ويشفي اخوانك خلاااااااص من باعك بيعيه برخص الترااااب.. طنشيييييهم .. انسيهم خلاااااااااااص والله يعييييييينكم ياااااارب

[fufualmoon]

الله يفرجها عليكم
وينصر امك ويعوضكم عن كل الايام المرة
ويريحكم دنيا واخره
وقولو الحمد لله على كل حال

[نبض قلبي]

الله ينصركم ان شاء الله ويخلي ليكم امكم

[ريح المسك]

حبيبتي امك لوحدها تكفيكم عن الدنيا ومافيها , ربي يخليها لكم ولا يحرمكم منها
واسأل الله ان يرفع عنكم البلاء ويشفيكم ويكتب لكم الاجر والعافيه
صبرتم كثير ومابعد الصبر الا الفرج