طرق جديدة تقولى لجوزك بيها انك حامل

[قلبى ملك مشمشتى]

	طبعا يا بنات أحلى خبر بالنسبه لكل الستات هو خبر الحمل .ويوم ما بتعرف انها حامل ده بيكون اسعد يوم فى حياتها وخصوصا لو كانت حامل لأول مره (عروسه جديده)أو تكون أتأخرت فى حملها لأى سبب وطبعا مش هى اللى بتكون مستنيه البشرى دى لوحدها ولكن الزوج ايضا بيكون مستنى الخبر السعيد ومستنى اليوم اللى تيجى فيه وتبلغه بالبشرى السعيده بس السؤال هنا حتبلغى جوزك بالخبر السعيد ده ازاى؟؟؟؟ الطريقه التقليديه المتبعه فى الموضوع ده ان الست تروح وهى بتطنطط من الفرحه وتقول لجوزها انا حامل طيب ايه رأيككم لو جددنا شويه وخليناه خبر سعيد بذكرى سعيده وموقف لا ينسى ابدا طيب أزاى؟ خدى منى شوية افكار جديده بس مبدأياً أوعى تبلغى جوزك بحملك عن طريق التليفون ابدا وضيعى على نفسك انك تشوفى أحلى رد فعل وأحلى فرحه فى عنييه . وإليكى بعض الطرق أختارى منها ما يناسبك وما يناسب جوزك وظروفه وطباعه :- *ممكن تبلغيه عن طريق رسالة موبيل أشترى خط جديد برقم ما يعرفوش وابعتيله رساله أكتبيله فيها(بابا حبيبى ده رقمى الجديد سجله عندك كنت عاوز أكلمك بس الشبكه فى بطن ماما لسه ضعيفه جدا أنا جيى ان شاء الله بعد 9 شهور استنانى عند الدكتور ). بس لازم تبعتيها وانتى قاعده معاه علشان تشوفى رد الفعل. **ممكن تجيبى بالونه من البالونات الهيليوم وتحطيها جب السرير وهو نايم بحيث انه أول ما يفتح عينيه من النوم يشوفها وتعلقى عليها ورقه وتكتبى فيها(صباح الخير يا أحلى بابا متعملش دوشه وانت قايم لأنى لسه نايم صحينى كمان 9شهور). ***ممكن لما يجيي من الشغل تحضرى الغدا وتحطى طبق فاضى زياده وادوات أكل كامله(شوكه وسكينه ومعلقه)وتحطى ورقه فى الطبق مطبقه بعد ما تكتبى فيها(انا مش طبق فاضى انا ضيف مش عادى حزوركم بعد 9شهور واقعد معاكم على طول). ****ممكن تبعتيله رساله بس المره دى من رقمك وتكتبى فيها(رساله فارغه لقرأت تفاصيل الرساله بص على بطنى)وتكونى لبسه قميص نوم شفاف جدا وكاتبه على بطنك بقلم كحل أو معلقه ورقه ولازقها ببلستر او سوليتب وتكتبى(ممنوع الأقتراب أو التصوير هنا ينام فى سلام أحلى هديه من الرحمن). *****أو تملى البانيو مايه وتحطى فيه ورد مجفف وتحطى فى الميه شمع من اللى بيعوم على وش الميه (3 شمعات) وتجيبى الخله الخشب بتاعة السنان وتعلقى فيها ورقه مكتوب فيها اسم جوزك وترشقى الخله فى الشمعه ونوريها وواحده تانيه بنفس الطريقه وعليها اسمك ونوريها والشمعه التالته عليها ورقه مكتوب فيها(انا شمعه مطفييه حنور بعد 9شهور تحب تسمينى ايه؟). ******ممكن تيجيبى اى ورقه ماليه وتدبيسى فيها ورقه بيضاء وتكتبى عليها (بابا حبيبى متصرفش الفلوس ديه انا جى كمان 9شهور وفى طلبات كتيره ليه) وحطى الفلوس فى المحفظه واطلبى منه اى حاجه علشان يفتح المحفظه قدامك يارب اقتراحتى تكون عجبتكم ويارب كل اللى مستنيه الخبر السعيد ده ربنا يناولهولها ويرزقكم جميعا الذريه الصالحه. واللى عندها أفكار ياريت تقولهالنا وادينا كلنا بنستفيد ويارب ربنا يرزق كل مشتاقة بالحمل ويرزقنى انا كمان قولو امـــــــــــــين

[مدام نسنس]

موضوع حلوو جدا الله يبارك فيكي يارب حبيت الافكار كثير حلووة ونا كمااان حابة اعرف افكار وططرق اخرى من الاخوات ادا تكرمن بالرد

[قلبى ملك مشمشتى]

المشاركة الأصلية كتبت بواسطة مدام نسنس

موضوع حلوو جدا الله يبارك فيكي يارب حبيت الافكار كثير حلووة ونا كمااان حابة اعرف افكار وطرق اخرى من الاخوات ادا تكرمن بالرد

عيونكـ هى الــى حلوه حبيبتــى ,, ربنا يكملك الحمـل ع خير ياررررررررررب اللهم اميييييييييييييييين ,,
ياريت يدخلوا يقؤلوا افكـار جديده

[احساس أنثى]

أفكار جنان بس للأسف مع الفرحة ماقدرت افكر بأي شي

راحت عليا الأفكار هادي

[بنت النورر]

يسلموو افكار حلوه كتير

[جارة القمر]

هههههههههههه افكار حلوه
لكن فات الاوان
يعطيك العافية

[عسولة فلسطين]

يعطيكِ العافية
انا اول مرة هو كان عارف واتصل كان ع نار هههههههه
بس ماعملت هيك افكار
ان شاء الله ربنا يعوضني خير واعمل أحلى الأفكار
يعطيكِ العافية

[مدام نسنس]

يؤيؤ ولا وحدة عندها فكرة كلكم قلتو كشفتو انا بدي اصبر تقريبا اسبوعين حتى يرجع زوجي واخبروا وهو قدامي اشوف ردة فعلو اللهم ارزقني الصبر

[همسة ود]

يعطيك ربي الف عافيه على الموضوع الجميلّّّّ
والافكار الاروع ّّّّ
بأنتظآآر جديدك المشششوقّّّّ
ّدمتي بكل الودّ
تحياتي القلبيه,,,هموووسه,,,

[Nourelhouda]

و الله افكار كتير حلوة انشاء الله يرزقنا الحمل عاجلا يا رب و اطبق هذي الافكار شكرا كتير الك و الف مبروك على الحمل...