نفسيتي تعبانه ةالسبب... الله يسامحهم

[ام منتظره]

بسم الله الرحمن الرحيم
السلام عليكم ورحمة الله وبركاته

كيفكم ان شاءالله بخير؟؟

انا نفسيتي تعبانه من زوجي واهله انا كتبت لاني ابغا نصيحه او تووجيه انا متزوجه من سنتين وعمري 20 وعندي ولد وحامل الله يخليهم لي ..

المشكله بدت بعد ماولدت ونفست عند اهلي رجعت لقيت اوضاعنا مقلووبه انا وزوجي ..كنت انا وياه سمن على عسل صح ان اوقات يكون فيه تحريض علي من اهله بحكم اني ساكنه عندهم وهو يداوم بمكان ثثاني بسبب ظروف العمل وما يجي الا كل نهايه اسبوع لكن كانت حياتنا مستقره متفاهمين يعني..
رجعت من نفاسي لقيت عنده شروط غريبه مايحق لي اطلع انا وياه لحالنا مع انها 3 ايام بس يقضيها معي ولا ناكل لحالنا ولا اقوله نطلع نتعشى او نتغدى برا لحالنا وتناقشنا عالموضوع وزعل لمدة اسبوع وانا مليييييت اه على فكرا الحين هو ماعاد يعترف بالنقاش يبي كلمته هي اللي تمشي بسس صح او خطا وانا تعبت ودي اكل انا وياه مثل اول ونطلع زي زمان حتى السفر وتغيير الجو مافيه الامعهم اذا مايبغون مافيه انثبر معهم وانا سمعت مره ابوه يقوله لاتعطي الحرمه وجه تمشيك على كيفها ومدري ايش.. والمشكله هو مدلع اهله بزياااده والله حياتي جحييييم ودي يرجع زوجي الاولي ولاعاد يقضي للبيت مهملنا مرره يقول تبين شي خذي من عندهم مع اني في شقه لحالي فوق وانا عارفه ليش يسوي كذا عشان انزل اكل معهم وانا عندي طفل صغيير توه 3 شهور واسهر معاه ويزعلون اذا مانزلت اكلت معهم او جلست يوم مانزلت انواع التهزئ والتحريض لزوجي ويجي هو يكمل الباقي ياربي رحمتك وشكلي بديت اتوحم ومو طاايقه احد وللحين محد يدري بحملي وش الحل الله يخليكم نصيحه او دعوه لحد يردني ..

[ام منتظره]

شدعوه ياحبوبات مافيه حتى لو دعوه

[ام منتظره]

الله يسامحكم ولا نص رد حتى والله اني على نار انتظر الردوود لحد يكسر بخاطري اكثر ماهو مكسوور

[نبع المحبة]

الله يكون فعونج خيتوو
ما يصير جي خيتوو انتو متزوجين كيف ما يطلعج وما تاكلو لحالكم
لازم يكون لج راي وشخصية
وكلمي قولي له انج تبينه يرجع مثل قبل وحسسيه انج متضايجة بالوضع اليديد
واذا ما نفع تغلي وروحي بيت اهلج كم يوم وقولي له ما برجع لين ما انت ترجع نفس قبل ووو
وحاولي تقنعيه بأسلوبج يعني
والله يعينج على أهل ريلج
الله يألف بينج وبين زوجك يارب

[كوافيرة ريم]

الله يعينك ويكون معك الظاهر انو اهل زوجك لهم كلمتهم عنده
طولي بالك وادعي رب العالمين يسخرلك زوجك
وفي طريقة تانية اذا بتقدري اول فترة سوي متل مابدهن وحاولي تكسبي ودهم
وفهميهم انك تغيرتي واتحبيهم لانو شكلك مارح تقدري تعيشي الا اذا سويتي هيك والله يفرجها عليكي يارب

[أم ميوري]

لاتستسلمين قولي اللي عندك وقولي مافيها شي نطلع مع بعض بس بعد من اطلع لوحدي وانفرد فيك وخلي عندك شخصيه الان الرجال اذا شافو ا الحرمه ضعيفه يستقوون عليها ويبرزون رجولتهم لكن اذا شافك جاده ومقاومه راح يستسلم وراح يعرف ان اهله هم السبب في اللي بينكم وبعدها يتوب يسمع لهم والله يجبر بينكم ويسخر زوجك

[رحيق القلوب]

بصرااااااااااااااااااااااحه شي ينرررررررررررررررررررررررررررررفز احس تنرفزت خير ان شاء الله وين حقوقي كزوجه قولي مابقي غير الحمام اذا دخلته ادخلهم معي او استشيرهم فيه معليش جالسه اكتب وانا معصبه ايش الاسلوب هذا
قولي حبيبي اذا هذا اسلوبك ولسا ماحسيت انك رجاااال متزوج ولك مسؤؤليه تجاهي وتجاه اولادك ولساتك عايش بحضن اهلك كان ماتزوجت وليش متزوج ان شاء الله عشان تصيرين خدامه عند اهله
بصراحه اااسفه ع الكلمه بس زوجك مو رجال وفاهم الدين خطا وفاهم الرجاله خطا ما اقول الا الله يعينك وليش ساكته له نصيييحه نصيحه يالغاليه بتقولين احرظك والا والا والله ما اتكلم الكلام هذا غير لمصلحتك لاااااااااااااااااااااااااااااااااااااااااااااتتنا زلي عن حقك وخصوصياتك لاتتنازلين والله غير تندمين بكره لازم يكون لك موقف فهميه ماني بنت جايتك من الشارع انا بنت ناس اذا ماتعزني وتحكم شرع الله في ماني بحاجه لزوج صوره وبكره بتصيرين حكي الناس شوفو كيف معاملها شوفو كيف كانها عبده
قولي الشي اللي مايرضاه لا الله ولا خلقه ولا شرع نص على كذا خذيه وحاججيه بالدين
قولي له واذا انت خالط بين حقوق اهلك وحقوق زوجتك وفاهم الدين ومسالة الحقوق غلط هذا شي ثاني خاف الله فيني انا مامنعتك من اهلك امك واخواتك وابوك وديهم مشيهم اصرف عليهم انت حر هذا برك فيهم وانت محاسب بذا الشي وهذا الشي واجب عليك
لكن انك تخلط حقوقي وتربطها مع حقوق اهلك معليش ايش الاسلوب هذا ولو سكتي ياقلبي بتنفجرين في يوم من الايام لان هذا الشي ماينصبر عليه فعلا
انتي بيدك الخيار اذا صابره وعاجبك الوضع اسكتي اما اذا العكس حكمي اهلك حكمي ابوك بينكم يفهمه يسنعه يخليه يفهم يا ادمي انت منت بزر عشان كل شي لازم اهلك يمشون معك والا يشاركونك بطل شي
انت متزززوج رجال لك حياتك الخاصه لازم يفصل ذا عن ذا قولي انا ما اقولك عق اهلك وامك وابوك لا ياعيوني مادخلني فيهم اما سالفة الزام الطلعات ومدري ايش الا معاهم انا ما ارضى ذا الشي لاي انسانه شلون ارضاه لي انو ينهضم حقي وين الخصوصيه الزوجيه اعطيني دليل من القران والسنه يثبت انه لازم الزوجه تشارك اهل زوجها بكلل شي حتى يمكن بدخول الحمام وانتي بكرامه او دليل يثبت ان المفروض مايكون للزوج والزوجه خصوصيه وحياه خاصه فيهم
معليش طووولت بس وربي شي ينررررفز
الله يصبرك ياقلبي بس لازم تاخذين موقف وتوقفيه عند حدوده وتكون شخصيتك قويه انتي تطالبي بحقك والحق مو عيب
ولا انتي غلطانه بطلبك بحقوقك عشان يعرف انك بنت رجال وعندك شخصيه اخاف يتمادى اكثر واللي مايعزني ويدافع عني واهم شي يخاف الله فيني ما ابغاه
موفقه ياقلبي الله يهديه ومصيره بيعقل وبيندم لان مافي رجال كذا يرضى يصير طرطور عند اهله وماله شخصيه شكل من تربية ابوه الله يهديه بس

[طال@عمري]

انا نفسي اعرف اهل الزوج هم مزوجين ولدهم عشان يرتاح
والا عشان يبدون يتمشكلون مع زوجته


خير مايصرف ع بيته
ويبيك تاخذين من اغراض اهله
لا احسن يطلعك من الشقه ويسكنك بغرفه


انا نفسي اعرف هم الشباب مايبون الراحه لنفسهم


اسمحيلي اللي كذا مو رجال وماعنده شخصيه


اهلك ع عيني وراسي واحطهم بعيوني اما يتحكمون فيني لا

[ام منتظره]

تعبت معاه وربي كل مااكلمه يقلب الدنيا علي لدرجه اني يوم رجعت من نفاسي اليوم الثاني طلعو يتمشون مع اختهم متزوجه وانا وياه جلسنا بالبيت عشان ولدي تعبان على اساس تنعشى سوا شوي الا ابوه متصل ومدري وش قاله واعتذر من وطلع كلمته وزعلت قاللي ماقدر اعصي ابوي يرضيك اني اعصيه واقوله لا والله تعبت منهم خلاص ماعاد فيني

[كشه ناعمه]

احس زوجك مغسسسوووول دمااغه
الله يعينك بس مالك الا الصبر والكلام الحلو والحركات عشان تكسبينه وتفتحين باب للنقاش وان شاءلله يرجع مثل قبل واحسن
شوفي خليك لاقال شيء قولي حاضر ولبيه مره ومرتين وثلاث وعشر عشان يعرف انك مره عاقله وماتحتاجين عين حمره ولا بطيخ لاتناقشينه سمعا وطاعا لحد ماتشوفينه بدا يرجع هذيك الساعه كلميه بلسان حلو من غير ماتقولي ليش قلت لي مافي طلعه ومافيه جلسه وو....
لا.. قولي شرايك نتمشى شوي خاطري اروح المكان الفلاني لا قال خلاص نبلغ الاهل قولي معليه ناخذهم مره ثانيه شتقت الطلعه معك انت بس "مو تقولين شتقت الطلعه لحااالنا انتبهي فرق"وكمليها انتي كلمه هنا وهنا
وصدقيني كل شي بيرجع بس انتي عطيه فرصه خلي يسوي الي براااسه كله ليييين يخلص ويطفش ولا تردينه بشي لا تخلين كلام اهله يطلع صح
عااادي ولا همك يبيك تجلسين معهم جلسي وسولفي وضحكي كنه عسسسل على قلبك يبك تطلعون جميع سبقيه وبيني له انه شيء عادي وانك مبسوطه خليه يحس ان صدرك مررره وسيع حبوبه وتقبلين كل شيء
اتحدا بعدها يسمع كلامهم بشيء ولا يصدق اذا قالو له زوجتك تسوي وتسوي
ولله مايصدق.. لانك بشطارتك تثبتين له انك احسن من كل الخرابيط وعقلك اكبر
انتبهي انتبهي تشدي معه في موضوع الاهل لان بالاول والخير هم اهله ومارح يتخلى عنهم
لاتخربين بيتك وتسود العيشه على شيء مايسوا
تركي عنك العناد والخرابيط الي تضر اكثر من انها تنفع
لمن تكسبينه بأسلوب حلوه وخفت دم
مستحيييييييييييييييييييييل ثم مستحيييييييييييييييييييييييييييل يسمع فيك
جربي منتي خسرانه
واذا مانفع سوي الي تبين
شيلي فكرت انك مهانه ولا مالك حقوق ومحرموه.... الي تبي بيتها وعيالها وزوجها يكون لها
تنسى الكلام الفاضي