كيف أقنع زوجي ؟؟

[نكهة القهوة]

( السلام عليكم ورحمة الله وبركاته )

بنات بدخل بالموضوع على طول هذا الله يسلمكم جوالي له سنتين ونصف معاي وهو هدية من أخوي والحين أبغى أغيره وطلبت من زوجي يشتري لي بلاك بيري فرفض رفضاً قاطعاً وأقول له ليه يقول لا لا يعني لا وأحاول أقنع فيه مافي فايدة وهو في الثلاثين بس دقه قديمة مدري كيف أتصرف معاه وأخواتي وحريم أخواني اللي معاها بلاك بيري واللي معاها جالكسي واللي معاها أيفون إلا أنا

[رحيق القلوب]

اهلين ياعسل
حتى انا مع ان زوجي متفتح وصغير ومعاه بلاك بيري واخواتخ معاهم بس راااااااااااااااااااااااااااااااااااااااافض هذا الكلام اول كل فتره وربي ارجع وافتح السالفه يقول لااااا ويقول اجيب لك ايفون اغلى واحسن انا اقول لا بلاك يعني بلاك قال والله ما اجيب لك اياه بس ارتاحي يقول انا اعرف ايش فيه وابغ احافظ ع زوجتي ومن هالكلام انا واثق فيك بس اللي تراسلينهم لا ولما تخرجت جاب لي ايفون هديه وتبين الصراحه قمت اضحك ع نفسي لان الايفون مافيه مقارنه بينه وبين البلاك روووووووووعه
اقنعيه بالايفون سمعته كويسه ههه ومؤدب
لكن ترانا بالهوا سوا جلست اقول اثول بالاخير قال لاااااااااااااااا وطفشت
اقتنعي ترا الرجال اذا قال لا يعني لا خصوصا اذا حاس انه فيه ضرر عليك
اقنعيه بالايفون
مووفقه

[احلى من العسل]

كل الرجال عندهم فكره سيئه عن البلاك بيري عشان القربات ومدري ايش
وبصراحه البلاك صارحاجه قديمه فيه اجهزه جديده واحلى واكشخ مثل قلكسي اس او اي باد ايفون اشوفها احلى لاني ماهضمت البلاك ولاالخدمه حقتهم على فكره حتى انالمن جيت اغير جوالي قلت لزوجي جيب لي بلاك بيري ورفض وجاب لي جالكسي تاب بصراحه ماره حلوا بس مشكلته لازم تكلمي من السماعه بس انا مخليته للماسنجر والنت والمكالمات من جوالي القديم ههههههههههه يعني قديمك نديمك ولواالجديد اغناك بس القالكسي اس ماااااااره روعه

[أم رزاان]

البلاك بيري صار حق المراهقين اللي بالإبتدائي والمتوسط !! :)
خلاااااااااااااااااص صار طقة قديمة :)

خوذي ايفون وعلى ضمانتي نظيف وحلو وكل المميزات فية
تبغي نت فية ماسنجر فية البريد تفتحية منة
اللعاب .. برامج مفيدة
بصراحة الأيفون مايعلى علية حاولي تقنعي زوجك فية
وإن شاء الله يقتنع ويجيبة لك !

[سحآبة فجر]

والله يا قلبي انا ما انصحك فيه انا عن نفسي من يوم طلع ما هضمته والله
رغم ان اخواتي عندهم ويمدحوه وصديقاتي كمان الا انا لا ماا حبيته ابداً
وعسى ان تكرهوا شيئاً وهو خير لك يمكن في رفضه مصلحه لك

[سيدة الغرام]

انا انصحك لاتشترين بلاك بيري والله انه قديمه وعلى قولت اختي
صار حق الراهقين خذي الايفون او الجالكسي تاب وعندك اي باد مرره
حلووين وش تبين البلاك بيري هههههه حق المتوسطه على قولتهم

[*قلب(H)حبيبي*]

من زينه البلاك بيري عاد هههههه
انا أصلا ما هضمته
و صحيح صار طقه قديمه
خذي لك آي فون جالكسي تاب آي باد
بس عموما انا أنصحك جلكسي تاب <<< زوجها اشتراه لها هدية قومتها بالسلامة هي و البيبي و مرتاحة عليه هههههههه

بس من جد روعه
و عادي أكلم ببرنامج التانقو و النيمبوز بالسماعات
حتى أحسن من الآي باد شكله حتى هو طاح سوقه هع
و أحسن من الآي فون لأنه برامجه بفلوس أو مدري في وشو تشتركين و تنزلين برامجك مجانا


وبث

[محد كسر رأسها]

دامه رفض البلاك بيري وهو خايس وبسيط
أجل الايفون رفضا بات لان الايفون علي حد علمي فيه برنامج حق السوالف اللي مو زينه واللي يستخدمونها يقدرون يحذفونها ويستردونها بسرعه
اشوف انك تجمعي وتعطي احد من اهلك يشتري لك بلاك ويقول هديه منه

[نكهة القهوة]

الله يجزاكم خير على الردود الحلوة مثلكم بس انا بالأول لمحت له على الإيفون رافضه تماماً لأنه على قولته في برامج تجسس وفضايح وبرامج مالها داعي يعني شكلي بأنسى انه يشتري لي من الأجهزة الحديثة الذكية <<<
وأمس يقولي أختاري من نوكيا أحسن لك مو معقد شكله هو اللي بيعقدني كل شىء لااااااااا

[ياورد]

خخخخ يارب يشتري لك احدث موديل
شوفي الزن يفك الحااام زني عليه
والبلاك بيري يكرهونه عشان الدردشه مايدرون ان الدردشه في كل الجوالات حتى نوكيا في برامج دردشه
والايفون صراحه ابو كلب >تخاف منه
فيه برامج تفك لك الكميرا وفيه برامج تجسس يعني تعرف مكان بيتك بالضبط وفيه برامج مايك يعني حريم يكلمون رجال والعكس خليعه
وفيه وفيه وفيه لاكن الله يستر
واذا عيا وقال بجيب لك من نوكيا افضل شي خذي نوكيا n8افضل شي
ويمكن عشانه غالي مايبغا يشتري قولي له مابغاها ذاحين اذا ولدت جيبه هديه >افضل حل عشان يستوعب
وانا ذاحين ابغا ايفون يقول زوجي اذا ولد ابشري اذا بنت بجيب اي شي ضحكت قلت ليش البنت من وين جبتها وضحك قال لابس الولد غير قلت الحمدلله عندي اولاد حنا نبغا بنت ومره قلت له هنا قبل اسبوع متى بتجيب جوال ترا مابولد الا بالجوال واذا جاء وقت الطلق مابطلعها اذا قالت الدكتوره دفي يالله بقول جيب الجوال واطلعها ههههههههههههه قال احسن عشان تموتين خخخخخخخخخخخخخخخخخخخخخ
لاكن الله كريم ان شاء الله يجيب لك يارب