انسى كثير ماآخذ مثبت الحمل 👎⏰

[أم مـــاريا]

صباح الخير ..



بنات انا وصفولي الدكاتره مثبت حمل دافستون من أول حملي هذا ..
وحبتين في اليوم ،
أنا لي شهر تقريبا اخذ حبه والثانيه انساها
و اوقات يدق المنبه حق الحبوب "وبااغلب الوقت اكون في سباتي الشتوي" اطفيه و اقول شوي واقوم آخذ ، بس انساها ..!
لي شهر اغلب الايام فيه اخذ حبه وحده بس ..


ماعمري نسيت حبة الصباح اللي بعد صلاة الفجر لان ذاك الوقت دايما اكون صاحيه
بس الثانيه لا ، شهر الظاهر لي مااخذها




هل ذا الشي ممكن يضر حملي .. ؟

[Am Fatmai]

لا ان شاءالله مافي ضررر لانه دخلتي الشهر الرابع وماشاءالله بعدين لاتنسين الحين المشيمه تفرز مثل هرمون الدفستون بالكثرررررررره بكميات كبيره عشان جذي لاتخافين امورج طيبه ان شاءالله انا لما كنت حامل وقفت المثبت من شهر الرابع

[حياتي توأمي]

مثل ماقالت ام فطامي هالفترة المشيمة تفرز هرمون يحمي الجنين

ولاتخاافين مافي ضرر بإذن ربج ان شاء الله

بس نصيحة لااازم تحاولين ماتنسين تاخذينه مرتين باليوم أضمن لج

يعني حااولي ماتنسين اضبطي المنبه
أو خلي الحبوب بجانب سجادة الصلاة لأنج قلتي ماتنسين تاخذينها وقت صلاة الفجر
فخلااااص خليها بجنب السجادة عشاااان ماتنسين تاخذينه بوقت آخر للصلاة وبهالطريقة بتاخذيينها مرتين باليوم ان شاء الله

ربي يتمملج ع خير ان شاء الله

[سفن بارد]

بسم الله عليك والله يحفظ جنينك ماعندي خلفيه بس احرصي تكفين ووصي زوجك يذكرك

[أم مـــاريا]

ام فطامي طمنتيني الله يسعدك

لي فتره متخوفه و ؤوم اذكر و يومين لا


بس ان شاءالله ماعاد انساها

انا مشكلتي يا حياتي توأمي ان الوقت حق الحبه الثانيه انساه لانه مو وقت صلاة وقت الغفوه حقتي
حتى قد فكرت احطهم كلهم بوقت صلاة عشان ماانسا و اجباري بكون صاحيه ذاك الوقت


ان شاءالله ماعاد انسى لين المستشفى يقولون لي وقفيه
و الحمدلله طمنتوني ان اذا نقصت باالغلط او نسيان حبه مافي اثر


الله يجزاكم خير حبيباتي

[أم مـــاريا]

انت عيوني❤ سفن بارد


اللهم امين
الله يحقق مناكم جميعا و يرزقكم اللي تتمنون

[بحــ العيون ــــــــر]

ما قصروو البنات معك الله يعطيهم الف عافيه
الله يسهل امرك يا رب
ويتمم عليك وتفرحين بشووفته

[أم مـــاريا]

اللهم آمين



الله يسعدكم و يرزقكم كل خير جميييعا

[سفن بارد]

المشاركة الأصلية كتبت بواسطة عـهود

انت عيوني❤ سفن بارد


اللهم امين
الله يحقق مناكم جميعا و يرزقكم اللي تتمنون

تسلم عيونك ياحبيبتي انت😘😘❤
الله يفرحك بتمام حملك وانت ومولودك بصحه وسلامه ويرزقك يارب ماتتمنين❤❤

[أنوار الولاية]

اختي لكي لا تنسي اعملي مثلي ..

وحدة لما أصحى من النوم وتكون مكان تواجدي في المطبخ

والحبة الثانية وقت النوم ووضعت علبة ثانية للمثبت في غرفة النوم لأن تعرفي بعد معاناة من وصولنا للسرير نتكاسل نقوم فاتكون بجانبي أريح لي وحتى ما أنساها او اتكاسل اقوم للمطبخ ...