لازانيا باللحم

[υм вtℓαα]

التحضير راح ياخذ منا شوية وقت ، وبثلاث خطوات .



1ـ تحضير الحشوه .



2ـ سلق اللازانيا .




3ـ تحضير الباشميل .




تحضير الحشوه :






مقادير حشوة اللحم :



الصينيه تقريبا حجمها 30 في 15










كيلو لحم مفروم .




فلفل رومي مقطع مثل مو مبين بالصوره تقريبا حبه او نص الحبه حسب ذوقك.



جزره كبيره مبشوره .



بصله كبيره او اكثر .




ملح ، و فلفل اسود وهيل وقرفه مطحونين .



ملح صيني ( جي ني موتو) .










كيلو طماطم يندوره مطحونه .




صلصة طماطم إذا احتجنا( استخدمت نص البكت واحيانا استخدمت بكت كامل) .



الطريقه :






بالمقلى نسخن شوي زيت نباتي .







نضيف اللحم وعلى طول حطي الفلفل الاسود والقرفه والهيل عشان نقتل رحية الزفر <= متعقده الاخت بزياده .










نقلب شوي










نقطع البصل والفلفل الرومي ونبشر الجزر













ونضيفهم للحم ونقلبهم
















لين يذبلون شوي












( يتبع) ....



نضيف الطماطم البندوره المطحون للحشوه










نخلط بهالوقت وونضيف الملح العادي و الملح الصيني .











لاتقولون كيلو كثير أحيانا ياخذ مني اكثر لان الحشوه لازم تصير مثل الإيدام







ونخلي الطماطم ينضج على نار هاديه لين يحمر والحشوه تشرب الماء .















لاحظو شلون نشفت وأحمرت .


انا احب اللازانيا حمراء و طماطهما كثير يعطيها حموضه وطعم حلو بنفس الوقت .




لذلك اضفت نصف علبة الصلصه ولازم تضيفين ماء بهالمرحله .










بعد إضافة الماء










وهذا شكلها النهائي .










(يتبع) .....




مقادير الباشميل :



صراحه السر دائماً في الباشميل وبعدها الحشوه .



انا اكره البيض لذلك دائماً استخدم الدقيق فقط .



وبقولكم الشغله المميزه في طريقتي بالبشميل .












أصبع زبده أو 100 غرام



ثلثين كوب دقيق = 160 مل



12 ملعقة حليب بودره مع الماء بتكون 4 كاسات حليب ( لتر حليب)




مكعب مرقة دجاج ماجي .



فلفل ابيض ، عشان مايأثر على لون الباشميل , ومايمنع تحطين فلفل أسود.




كوب كريمة خفق , ممكن استبداله بعلبة قشطة التاج .



جبنه سائله استخدمت خمس او ست ملاعق أكل .




مقادير الماء اللي يخلط مع الحليب









جزره كبيره .





عيدان قرفه وهيل .




الطريقه :





اول خطوه نغلي الجزر والقرفه والهيل مع كوب ماء .











نخلط الحليب مع الماء الفاتر ونضيف 3 أكواب .






















نصفي ماء الجزر ونضيفه للحليب يعني المجموع بيكون 4 أكواب











( يتبع) ........




نذوب الزبده مع مرقة الدجاج














نضيف الدقيق وهذي اهم مرحله لازم تخلطينه على طول ولا بيتكتل ، انا اخلطه بالخفاقه اليدويه






















نضيف الحليب وراعي انه يكون فاتر وبداية حطيه على شوي شوي .











نصب باقي كمية الحليب مع الاستمرار في الخلط











نخلط حتى يثخن البشاميل











نطفي النار ونضيف الجبنه و القشطه











نخلط وركزوا على الباشميل كيف ثقيل من غير مايكون قاسي










( يتبع) ..........



سلق اللازانيا :



هذي صورة اللازانيا ، وهي افضل لازانيا جربتها اسم الماركه ( بيتسيلو) احسن مافيها انها رقيقه ، صراحه اذا جربت أي نوع ثاني احس ان اللازاينا سميكه ومو عالمزاج .













هالخطوه اصلحها اثناء تحضيري للباشميل .



طبعاً سلق اللازانيا يبيله حرص شوي غير عن المكرونه العاديه لانه بسرعه تتقطع وتلزق ببعض .




لذلك افضل طريقه لسلقه ، اغلي ماء بالقدر وخليه ومن ثم أملحيه واضيفي ملعقة زيت نباتي .



وسقطي اللازانيا حبه حبه عشان مايلزقون انا احط 5 حبات لكل دفعه عشان ماتعب ويلزقون علي وأحوس











اخليها ثلاث دقائق واشيلها .












شخصيا مافضل اللازانيا قاسيه احبها طريه نسبيا ً



واحب اول مانزلها احطها بماء بارد عشان تنفش شوي لانها اذا صارت قاسيه تنفش في الفرن اثناء الطهي وممكن تحوس بالصينيه . وايضا عشان ماتلزق اثناء التحضير .وايضا عشان ماتلزق الحبات بعض بهالشكل.











نجي لترتيب اللازانيا :



نحضر كل الشغلات اللي صلحناها قبل .








شخصيا احب اصلح اللازانيا اربع طبقات .


وعشان اسهلكم الوصف


مكرونه

بشميل

لحم

مكرونه

بشميل

لحم

مكرونه

باشميل

لحم

مكرونه


بشاميل .



احب ادهن الصينيه قبل بباشميل .











نرص اللازانيا بالعرض او حسب صينيتك










وبعدها الباشميل











( يتبع) ....

اللحم









وسوي السطح





ونرص طبقه لازانيا ، نكرر لين اخر طبقه .












راح تطلعلك الطبقات بهالشكل وحلو لو تكونين كريمه باللحم والباشميل عشان تصير لازانيا بنت عز ولذيذه














وهذا شكلها النهائي بعد ماحطينا طبقة الباشميل ، ونرشها بالاورجانو ، والبابريكا ، وبودرة الثوم و البارميزان




















الحين ندخلها الفرن .




على حراره متوسطه وتاخذ تقريبا من ثلث الى نصف ساعه . ونشب عليها من فوق عشان تطلع محمره بس آخر شي يعني بعد الاستواء.











انتبهوا لما تنزلونها من الفرن ترى حاره مره يعني احرصوا تشيلونها بشغله سميكه .




مقطع عرضي بعد الذبح خخخخخخخخخخ












وبالعافيه عليكم .

[حياتي توأمي]

يعطيكي العافيه عالوصفه يسلموو

[jojo 123456]

مممممممممممممممممم شهية يسلمووووووووووو

[Marrram]

موضوع في قمة الخيااال

[nour karim]

روعة وبالتفاصيل الله يعطيك الف عافية حبيبتي