ازاى تعالجى الرز لو عجن منك او شاط

[زهرة ال]

معنى الرز يعجن بالمصرى يعنى الميه تزيد عليه طبعا مفيش وحده منا الا احيانا بتتحط فى الموقف ده البمهم تجيبى صنيه فرن كبيره وتحطى فيه كل الرز طبعا ده بع ما استوى ولفتيه كدة المهم تفردى الرز فى الصينيه وتدخليه الفرن وتابعيه هيا خمس دقايق او تزيد وتلاقى الرز بقى زى الفل وتطلعيه من الفرن طيب لو شاط الارز ومفيش وقت تعملى غيره اولا طلعيه من الحله الشايطه وانقليه فى حله تانيه وحطيله حته سمنه ورشه فلفل اسود واكيد مع الرز بتبقى عامله سلطه حطى ميه السلطه على الارز وقلبيه وسبيه شويه على نار هاديه لحد ما يتشرب ميه السلطه والله عن تجربه فى يوم زوجى كان عازم اصحابه المهم عارفين ربكه العزومات شاط الرز منى على اخر للحظه المهم قلت اعل ايه طبعا الحاجه ام الاختراع عملت الطرقه دى طبعا من غير ما اقول لجوزى على اللى حصل وبع اصحابه ما مشيوا سالته ايه اخبار الاكل عجبكم قالى حلو خالص وخاصه الز انتى عملاه ازاى علشان انا جوزى اصلا يحب يطبخ وذواق المهم قعدت اضحك وقلتله ده سر الصنعه