مشاركتي في مسابقة القصة المضحكة .. مواقف مضحكة

[-قطر الندى-]

هاد يا سادة يا كرام .. تعددت المواقف المضحكة مع اختكم قطر الندى .. رح احكي اللي متذكرته





- طبعاً انا آخدة زوجي عن حب شي 6 سنين .. المهم مرة كنا عم نحكي عالهاتف العادي و أنا متعودة نام بكير .. و هو مسترسل بالحكي و عم يقص كل قصة أطول من التانية .. قلت لحالي بحط الهاتف معي بالسرير و بتسطح عادي .. المهم تاني يوم فقت لقيت السماعة مفتوحة جنبي بالسرير .. هههههههه ما رح

قلكون كم يوم قعدت راضي فيه لحتى سامحني هههههه



- مرة كنت سهرانة كل الليل عم ادرس و كان عندي فحص .. و اجت امي بالسيارة ودتني للبيت .. لما وصلنا البيت من كتر ما كنت مسطلة و محششة ههههه عطيتها مصاري مفكرتها شوفير التكسي ههههههههههه
اتوقعوا كيف كانت ردة فعلها هههههههههه

- مرة من زمان كنت بدي اشتري هدية للفلانتاين و كنت عم خطط روح على محل معين .. المهم رحت انا واختي لعندو لقيتو مسكر .. قعدت سب عليه و فجأة بلاقي اختي متغير لونها و عم تضحك .. اطلعت ورايي لقيت الزلمة صاحب المحل و عيونه عم تقدح شرر هههههههه طبعا اتمنيت الارض تنشق و تبلعني هههه

- لما كنت اشتغل مدرسة في احدى روض الاطفال كنت اتفاعل معهم كتير .. مشان هيك كانوا يحبوني .. مرة اشتريت من هدول النجمات اللي منحطون على جبين التلميذ .. حطيت لكل التلاميذ و حطيت وحدة على جبيني كمان ههههههه المهم خلص الدوام و نسيتها و طلعت بالمكرو و كل العالم عم تتكركر و تضحك و انا مو عارفة شو القصة هههههههه

- أول لقاء بيني و بين زوجي كان بناءً على موعد في إحد الكافيتريات .. المهم .. بتعرفوا انا رح كون بكامل اناقتي و ع ال 24
طلبنا ليمونادة بناءً على رغبتي .. و يا ليت ما طلبتها بتعرفوا يعني فيها سكر و بتدبق .. اجى الجرسون اتفركش و طااااااخ دلق الصينية و الكاسات كله عليي ... و صرت فرجة لكل اللي بالمطعم و انا عم شرشر ليمونادة .. و الخجلة قدام زوجي .. من كتر ما خجلت صرت ابكي و بهدل الجرسون و زوجي يهديني هههههههه و هداك الجرسون يا حرام رح يبكي معي

- كمان مرة لما قدمت على الوظيفة اللي انا فيها حاليا ( بشركة محاماة ) و قبلوني المهم كان في موظف ادراي عم يعلمني على الملفات .. قلت رح اعمل حالي فلهوية قدامه و اسأله عن شركة من الشركات اللي بيتعاملوا معها اسمها شركة ......... المساهمة المغفلة ,, قمت بدل ما قول المُغْفَلة قلت المُغَفَّلة هههههههههههههههههههههه

اتمنى يعجبوكون

[ميمي 17]

ههههههههه والله كل موقف احلى من الثاني يالله شو عجبتني قصتك

[-قطر الندى-]

المشاركة الأصلية كتبت بواسطة ميمي 17

ههههههههه والله كل موقف احلى من الثاني يالله شو عجبتني قصتك

تسلميلي حبيبتي بشكرك عالمرور الحلو ,,

[ريحانة الجنة]

هههههههههههههههههه
هههههههههههه

ربي يسعدك قطووورة

احلا تقيييم مع الستارز
وفالك الفوز

موفقة

[-قطر الندى-]

المشاركة الأصلية كتبت بواسطة ريحانة الجنة

هههههههههههههههههه
هههههههههههه

ربي يسعدك قطووورة

احلا تقيييم مع الستارز
وفالك الفوز

موفقة

نورتيني يا قمررررررررر
شكرا عالفايف ستارز

[jojo 123456]

ههههههههههههههههههه لك انت حكاية

[-قطر الندى-]

المشاركة الأصلية كتبت بواسطة jojo 123456

ههههههههههههههههههه لك انت حكاية

هههههههههههههههههههه جوجو و انت قصصك مو قليلة ( رواية ) ههههههههههههه
شكرا عالمرور الحلو ,,

[-قطر الندى-]

ههههههههههههه نورتوني

[سوسهs]

هههههههههههههله الله يسعدك يارب

قصتك مع امك كثييير حلوه

اتمنى لك التوفيق يارب

[-قطر الندى-]

المشاركة الأصلية كتبت بواسطة سوسهs

هههههههههههههله الله يسعدك يارب

قصتك مع امك كثييير حلوه

اتمنى لك التوفيق يارب

تسلميلي حبيبتي
شكرا لمشاركتك
انبسطت فيها
,,