قضية اسم المولود

[احلى كرميلا]

الله يلين امخاخ رجالنا ويهديهم لنا كلنا نعاني بس ايش نسوي نهون على بعض

[شعوله العسوله]

يالبى عمرك والله..بس ضحكتني امخاخ ههههههههه

[جرح القوافي]

وعليكم السلام اول شي المهم انه الطفل يكون بصحه وعافيه وش ماكان اسمه عادي
هههههه امزح اكيد موعادي حيل والله انا تعقدت حيل من هل الموضوع
اول ماحملت قالي بسمي نجمة على امي وانا كنت حيل نفسي اسمي أيه كنت اموت في ذا الاسم
ولمى ولدته اول يومين اقتنع وخلاص سميتها أيه عقب 3 يوم جا وقالي انسي خلاص غير اسم نجمة مافي وربي حتى بكي بكيت ومافاد معه واخر شي اقتنعت وقالي لمى تحملي مرى ثانيه سمي براحتك والحين انا حامل بشهر الثامن ودي اسمي رنيم وهو معند غير أيه ههههههه اول لمى بغيت هل الاسم رفض والحين حلى بعينه عليكم حيل ههههه يا الله تقومي بسلامه يارب ويلين راس زوجك

[الجوري عبدالله]

والله كلامك صحيح اهم شي الصحة والعافية وعني صراحة زوجي معطيني راحتي في الاسامي كان ودي بغيدا بس صارت الجوري ماادري شلون بس ماعلية حلو اما ولدي فانا عاشقة اسم عبدالملك قبل لاجيب بنتي والحمد الله سميته

[حـ العين ـور]

اففففف اكره شي لي يصر الزوج على اسم قديم

وخصوصا لازم على اسم الاب
بس انا رافضه ان يسميه على اسم ابوه
وان شاء الله يقتنع ونسمي لي ولد محمد
بس متفقين باسم البنت ساره
بس للحين ماعرفت جنس المولود
لي عرفنه ان شاء الله مانعارض على اسم الولد

[نغم]

والله يا حبيبتي انا متفقه معاه ان الاولاد عليه والبنات علي وجبت بنوته وقلت بسميها آيه بس ابوي وعمي اقترحوا علي اسم علياء وحبيته موت حسيته اسم برنسيسه وراقي وسميتها علياء ربي يحفظها ويهديها

[ام النوني]

انا الاسم اللي كنت أتمناه عمر بس زوجي ماوافق وسماه مشاري واللحين انا حامل واذا كان ولد بسميه عمر لان خاطري وايد بهالاسم بس يااااارب مايغير رأيه

[ام مرااد]

مرحبا انا زوجي قبل لااتزوجه وهو ابو مراد وحبيت الاسم بس لما حملت وقالولي ولد صار نفسي باسم رافي قالي هاذا بنسمي مراد واللي بعده انشالله رافي بس ماحسيت انه متعصب للاسم يعني لو اصريت ممكن يغير ........

[شعوله العسوله]

فديت عمركم (جرح القوافي-الجوري عبدالله-حور العين-نغم-ام النوني-ام مراد) عسى الله لا يحرمنا من ردودكم العسوله..