ممكن تساعدوني ... ولدي ماينام مثل قبل =(

[Water Lily 80]

السلام عليكم ...

اتمنى تساعدوني وتفيدوني .. هذا اول ولد عندي وانا من النوع الوسواسي بشكل غير طبيعي ... ولدي عمره بس اسبوعين .. في البداية نظامه كان نوم وحليب وتبديل وبس .. لكن الحين صار يقعد وماينام .. اشربه حليب من الثدي (واحسه مايشرب او مايشبع - وانا لين الحين اتعلم كيف ارضعه يعني لا انا ولا هو اتقنا الرضاعة الطبيعية) وينام على صدري ولما احطه في السرير ماتمر دقيقة الا وهو قاعد وساكت ومايصيح .. عادي يقعد ربع ساعة بهاذي الحالة .. وعقبها يصيح شوي .. وارضعه وينام واحطه على السرير ويقوم .. قعدت مع هاذي الحالة اربع ساعات .. مادري خايفة هل هاي شي طبيعي .. او لانه جوعان ؟! لو جوعان ليش مايصيح على طول ..

وسؤالي الثاني ... هل في العاب مخصصه لهاي العمر ...؟! انا بكرية وماعرف كيف اتعامل معاه وكيف العبه ..

اتمنى الكل يساعدني ..

[مستقبل]

لاتقلقي حبيبتي مادام ولدك شبعان ونظيف ومايبكي عادي انا ولدي ماكان ينام الا قليل وطول اليوم صاحي وياخذ قيلوله لمده ساعه ويرجع يصحى بس بعد ٣ شهور ماشاء الله صار ينام يصحى ساعه يلعب ويرجع ينام الحمدالله اما عن اللعب تكلمي معاه احكيله ابتسمي له لاتقولي صغير لانه يحب مررررررررررررره لما يشوفك تتكلمين معاه حتى لو ماطهرت في وجه اي تعابير

[Water Lily 80]

مشكورة اختي مستقبل ... ريحتي بالي ...

الله يوفقج ويخلي لج ولدج ..

[خيوط ملونه..]

حبوبه جربي ما تخلينه ينام من الساعه 8 لين 11 الصبح ..
ووقت الظهيره خليه يناام بالسرير والتلفزيون شغال ولا انتي وزوجك تتكلمون يعني تسون ازعااج شوي عشان يحس ان مب وقت نووم بس مجرد ياخذ قيلوله . .
ولما يجي وقت الليل لازم تكون الغرفه ظلام ونوور خفيف جدا وماشي ازعااج وهدووء عشان يحس وقت النووم حاولي تعلمينه ينام بالسرير اذا ما علمتيه من الحينه بيعذبك بعدين يعني حاولي ما تشلينه يوم يكون سااكت وبعد اذا بكى شوي مب على طول تشيلينه خليه اما اذا زااد بكى شيليه .. يعني مب يبكي دقيقه على طوول ركضتي عنده ههههههههههـ .. ترى اكييد انتي اول ولدتيه دلعتيه وهو تمادى .. والله يوفقك ^,^

[Water Lily 80]

المشاركة الأصلية كتبت بواسطة خيوط ملونه..

حبوبه جربي ما تخلينه ينام من الساعه 8 لين 11 الصبح ..
ووقت الظهيره خليه يناام بالسرير والتلفزيون شغال ولا انتي وزوجك تتكلمون يعني تسون ازعااج شوي عشان يحس ان مب وقت نووم بس مجرد ياخذ قيلوله . .
ولما يجي وقت الليل لازم تكون الغرفه ظلام ونوور خفيف جدا وماشي ازعااج وهدووء عشان يحس وقت النووم حاولي تعلمينه ينام بالسرير اذا ما علمتيه من الحينه بيعذبك بعدين يعني حاولي ما تشلينه يوم يكون سااكت وبعد اذا بكى شوي مب على طول تشيلينه خليه اما اذا زااد بكى شيليه .. يعني مب يبكي دقيقه على طوول ركضتي عنده ههههههههههـ .. ترى اكييد انتي اول ولدتيه دلعتيه وهو تمادى .. والله يوفقك ^,^

عجبتني طريقتج بس فديتج مو صغير على الجدول هذا ؟.. يعني توه هو عمره اسبوعين بس ويشرب حليب كل ساعتين .. وكلامج نفس كلام امي الصراحة اني لازم اتركه وما اشيله على طول .. بس قبل كنت اتخرع واشيله على طول لاني ما اعرف له وكنت دايما خايفة يكون صاير له شي ... الحين احاول اطبق هاي الشي واخليه لين يزيد بكاءه ...

[شموسه]

ههههههههههههههه

ذكرتيني بعزوزي
كل مااحطه يتحصر ويفتح عيونه كنه شبع نوم
تدرين انه تعود ينام على صدرتج
لانه تشيلي خليه في سريره

والعاب نووووووووووووو

مايعرف توه صغير

[Water Lily 80]

المشكله اختي شموسة انا اشربه حليب وينام .. بس لازم اخليه يتجدا علشان مايفرغ الي شربه ... وهو فديته يطول لين يهضم واتم نص ساعة اجديه وهو على صدري ويكون نايم .. يمكن علشان جذي تعود .. بس اول ما يتجدا على طول احطه على السرير ..