بعد الاجهاض لتقيت مع زوجي ونزل دم هل بقاية دورة ولا

[حلمي امل]

السلام عليكم ورحمة الله وبركاته

انا دورتي دايما ست ايام ومنتظمه الحمد الله حملت وبعد مادريت باسبوع اجهضت ورحت للدكتوره وقالت رحمك نظيف بس فيه بقايا اذ ودك اسويلك تنظيف واما ماامصحك فيه لان توك اول حمل لك والرحم ينظف نفسه و انتظري الدوره وينزل معها كل شي بصراحه خفت لما قالت تنظيف رجعت للبيت وصرت اشرب كل شي دافي واهتميت بنفسي حتى زوجي منعته يقرب لي ونزل معاي دم لمده ثلاث ايام وانقطع رحت للدكتوره وقالت رحمك نظيف مررره نزل كل شي فيه الحمد الله جلست بعدها بشهر وبنفس يوم الاجهاض نزل معي دم سالت الدكتوره قالت هذي دورتك خلاص بترجعين زي اول دوره ست ايام كل شهر لحد ماتحملين

المهم دورتي قلت لكم ست ايام جتني يوم الاثنين 5 _11 لحد 10_11 وحسيت انها وقفت وجلست اشيل شعر جسمي واخلط من هالخلطات واتنقع بالحمام ساعتين هذا الكلام امس الصبح وتجهزت لزوجي بصراحه اهملته حيييييل ...جاء من الدوام ويعدها احم احم طفى النور<<< اخلصي


من بعدها نزل علي دم بني لحد هالوقت واحس بطني وظهري يعوروني حتى فخوذي كنها تو تجيني الدوره وزوجي زعل يقول ليه تقولين الدوره خلصت قلت وربي خلصت بس ماادري وش فيها ؟؟؟

وش اسوي...؟ حرام علي اني خليت زوجي يجيني بوقت الدوره مع اني طاهره من الدم قبلها يعني مو قصدي ...؟ وانا يصير لي شي ورحمي توقعون يتدمر والا لا؟؟؟
والله اني خاايفه ماادري وش السالفه متزوجه قبل ست شهور ماعندي ماعند جدتي

عطوووووووووووووووووووني حل تكفووون؟؟

[ريح المسك]

ماادري بس ممكن الجماع سبب نزول الدم البني
انتي طاهرة لأنك خلصتي ايام الدورة المعتاده
روحي اكشفي على الرحم عند دكتورة ثانيه واتأكدي للإحتياط

[Fuoonkh]

اممم اذا كان في الم , اتوقع جرح بسيط ,
اما اذا ماكان في الم بالمنطقه من تحت من جوآ ,
فـ اتوقع هذي الطهاره , يمكن ماتأكدي كويس انك ماطهرتي ُ
او انو مضيعه دورتك بعد الاجهاض ههههه ياحبيلك الله يعينك حبيبتي ويرزقك الحمل

[اقلام الابداع ^_^]

والله اتوقع انه الدم البني لانك مارستي الجماع انتي ورجلك يمكن كنتي مب مطهرة بالكامل وانا بعدني ماولدت انشاء شهر 11 بولد
يارب احفض لي جنيني

[أنامل أنثى]

شي طبيعي فقط كنتي مستعجله وانتي ماتدرين ان الدوره لسى ماخلصت وياعيني على اللقافه  هههههههههه

[حوريه السعوديه]

هذا من الجماع لسى باقي دم

[demoshka]

حبيبتي انتي قلتي انه دورتك 6 ايام وعم تقولي تحممتي يوم 5 من الدورة فهذه دورة
ومرة تانية اذا بدك تتأكدي من انتهاء الدورة لازم تنتبهي للافراز الابيض بعد الدورة بس ينزل يعني طهرتي وبيصير جماع عادي
واذا نزل دم بعدها بيكون دم خارجي من احتقان الرحم بسبب الاجهاض والاعشاب الدافية يلي اخذتيها