تجمع لحوامل شهر جمادى الأولى 1433

[متغربه]

هلا بكم يالغاليات وحده وحده

سروؤه اشتقنالك والله كيفك يا عمري وبنوتك الحلوه

أنا خلصت من اغراض البيبي خلاص الحمد لله وشريت اللي اقدر عليه

انتم عارفين ما عندي استقبال هنا بأمريكا وهذا احسن شي ابفتك من التجهيزات الثانيه

همسات الله يعينك.. بس انتي تاخذين حبوب فيتامين وحديد وكالسيوم ولا ما تاخذينها؟

لأني كنت مثلك ومن داومت على الحبوب ارتحت كثير وما تشوفين شر

أم رزان.. انا والله ما اعرف هذا الكريم ولا قد جربته.. بشريني عنك وشلونك الحين؟

[أم رزاان]

صباحك راحة وهدوووء متغربة
أنا بخير ياقلبي
تجيني تقلصات بس الحمد لله مو منتظمة

والله تصدقي نفسي اخلص التجهيزات
بس قلت ادخل الثامن عشان لو حصلت ولادة اضمن اطول مدة للحمل

الله يعين يااااارب

[سرووءة]

ام رزان الله يكتبلك الخير يارب..
وعقبال لما اقلكم راح ادخل الثامن هههه مستعجلة
وهالكريم اول مرة اسمع فيه ...

[ذبلت ورودك]

هلا بنات اخباركم ..،؟
سروؤه إحنا بخيير انتي كيفك ،،؟
انا بحساب الدوره دخلت الثامن 
ام رزان
مااعرف الكريم بس كأني سمعت فيه عند التاجرات
وبيني وبينك مااحب احط شي ع وجهي الا الماسكات الطبيعيه
بالنسبه للتجهيزات اخذت من بيبي شوب ومذركير
اشياء روعه وكلها كم طويل بس باقي آخذ لها بطانيه
اخاف يكون اول شهر 5 برد
وباقي الرضعات كمان وخلاص ،،
ياليت اقدر اوريكم صور الفساتين اللي أخذتهم لاتقولون بدري
بس مرررره أعجبتني وكمان صيفيه من 0-3
حتى ابوها لمى شافها انهبل عليهم وتحمس معايا
بحاول ادور جهاز نوكيا وارسلهم بلوتوث ع الاب واحملهم
وكمان شريت من لايف ستايل شنطه بحط اغراضي واغراض
البنوته فيهم وتكون جاهزه عالتاسع
،،،،*

[نبض المشاعر]

كيفكم وحشتوونى
بدت الاجازه وبدت الطلعات وجا البرد
قضيت اغراض البيبي من سنتربونت قبل التخفيضات
بس لسا بكم وما ادري ون اروح ابغا اشياء حلوه ورخيصه ابيها للبيت

[رنووومة]

مسا الخير سروووءة حبيبتي كيفك هلأ وشو نويتي تنزلي للشام

ذبلت وردوك مباركين الغراض والله يتمملك على خير يا رب

نبض هلا فيكي انا وياكي ماشين بنفس التوقيت بدي اسألك بين معك شو جنس البيبي

[سرووءة]

اهلين رنومة
والله ياحبيبتي اخركلام اني نازلة على سوريا
بعد ماعملت الاستخارة وارتاحت نفسيتي
ومابتعرفي يمكن من هون لانزل تكون الاوصاع فرجت انشالله

[همسات قلبي]

هلا وغلا
كيف الحلوات الكروشات


متغربه
مااعطتني الدكتوره فتامينات بس حديد وكالسيوم ماناسبتني
ع الرغم غيرتها لي بس عندي الترجيع مايوقف
تركتها لان مااستفيد منها أخذها وتطلع


بس الله معانا ويساعدنا ويكتب لنا الأجر ويعطينا اطفال
معافين سليمين فيهم الصحه

[أم رزاان]

مساء الخير يالغاليات

أنا سألت عن الكريم
لأن زواج بناتي بعد الأربعين
وسمار الحمل مايمدي يروووح مني " مع انة خف كثير مع الخلطة اللي استخدمها "
والخلطات الطبيعية حلوووة بس يبغالها وقت لتبان !
عشان كذا قلت ابغى استخدم كريم في فترة الأربعين
واول ما اطلع من الأربعين اوقفه واستخدم اشياء طبيعية !


بنات سبحان الله كل ما اروح مع زوجي بشتري سرير للبنوتة
اتراجع .. مدري ليش يجيني إحساس غريب واطلع من المحل
وأنا في حالة صمت رهيب ومخنووووقة وما ابغى اكلم احد نهائياً والدمعة بعيوني
ما ابغى اقووووول ايش احس فية ..!!!
بس هالإحساس ملازمني هالفترة وماذيني مررررررة !!
حتى زوجي مرة مستغرب مو اول مرة تحصل معي !!

اللهم لا تكلنا إلى أنفسنا طرفة عين .. ولا تضيع لنا تعب يااااااارب

[سهاد-الروح]

مرحبا قلووووبات شخباركم ...
ام رزان مايوحشك غالي يالغلا والله الغيبة بسبب ضرووووف النت ..
باقي البنات كيف الحمل معكم طمنوني عنكم ,,,
صرت احس حركة البيبي قليلة واحس بحشو فضيع في بطني حتى ما اقدر المس الكرشة احسها بتنفجر يارب اكتب لنا الاجر واكتب لامهاتنا وارزقهم جناتك جنات النعيم ياااااااااااه عن جد الوحدة تعرف قيمة امها صح مع هذا التعب عسى الله يرزقنا بر اطفالنا يارب...