ساعدوني في تنظيف بيتي يالسنعااااااات

[ممنوع شباب]

كفوووو والله شفتي انه المساله سهله مررره

الحين يوم بديتي تنظيف وش كان احساسك مو تحسين انك مرتاحه ومبسوطه ع الاخر

خليك كذا لاتتكيسلين لين كل شي ينظف وحاولي تمسحين شبه يومي عشان مايتراكم عليك وتبتدين من جديد

وبقولك شغله بعد اانا اسويها وزوجي ضحك علي يقولي كل هذا كسل بس اهم شي تريحني

الحين الزبايل الله يكرمك تحطين كيسه زباله وحده بكل زباله

شوفي طريقتي احط 6 اكياس يعني الرول مااقطعه كيس كيس لا 6 مع بعض واحطه بزباله وحده بحيث لاامتلت اشيل الكيس الاول ويتبقى عندي كيس مايحتاج اروح واجيب كذا اسهل

والله اني مرتاحه من هالطريقه

وزبالة المطبخ اول ماتمتلي اربطها وع طول ع الحوش علشان ارتاح وزوجي يطلعها برى سوي حركتي وبترتاحين بس ان شاء الله تكوني فهمتيها

وعساك ع القوه حبيبتي

[همسة ذوق]

عجبتني فكرة الزبايل حلوة ومريحة👍 الله يسعدك جاري التطبيق😉

[اجاتا]

الله يهديك ... يمكن انتي ما كنتي مو متعودة في بيت اهلك ع الشغل ..

والله يعينك

انا بقترح عليك انك اتجيبي خدامة ليوم واحد تنظفلك البيت ومن بعدها انتي لا تراكمي نهائيا..


ولما يكون بيتك نظيف هذا يعكس على نفسيتك وثقتك بنفسك .. ديري بالك

االله يكون بعونك

[وفوووشه]

ما شاءالله انجزززززتي

تصدقين حتى أنا جاني نشاط من موضوعك هههههههه نظفت اشياء كنت ماجلتها الى اجل غير مسمى
لكني الحمدالله اشتغل واتعب واهم شي الغسيل ملابس زوجي وولدي
اما الكوي ما أكوي كل شي بس الي بيلبسه زوجي اليوم مثل الثوب والغتره والبدله وحاجات زي كذا لأنو والله صعب علي وانا حامل أوقف مده طويله وانا أكوي اتعععععععب غير شغل البيت والطبخ ومصالات الولد

الله يقوينا ويقويك ويعينا واهم شي يقومنا بالسلامه ان شاءالله


همسه من قلب ( وانتي تشتغلين شغلي سورة البقره احرررررصي عليها لان القران اقل شي له اثر نفسي على الشخص حتى لو كان مايشتكي من شي )

[Didi]

اذا انتي ما تنظفين لأنك مستصعبه التنظيف عندي لك كم نصيحه :

انتي كل يوم فيك فيك توقفين بالمطبخ نص ساعه عشان تغسلين صحون الغداء والملاعق
وفيك تنظيفين الفرن بجيف < يجنن هالمنظف ! وكلها في فترة قصيرة من نص ساعه الى 45 دقيقه وانتي منتهيه ..
وخصصي لك فوطه للفرن وفوطة لطاولة المطبخ وفوطه لتنشيف المواعين ..

انتهينا من المطبخ روحي الصاله نظفي زبالة الصاله وشيلي الوسخ ان كان فيه قراطيس طايحه ولا مناديل ورتبي كنبه الصاله وان كان عليها مخدات صغيرة وعطري الكنبه بعطر للأثاث وتلقينها في هو سنتر ..

هالحين بعرفك على صديقي المفضللللللل أسمه Pledg بليدج البخاخ اتعب وانا اقووولك يلمع لك الاثاث ويشيل الغبرة ويخليها تطول على ما تتجمع الغبرة مرة ثانيه . وفيه منه منظف للسيرراميك سائل خطيييييير جداااا جدااا ويخلي السيراميك يلللق وريحته تههههبل !!



طريقته : جيبي سطل ماء وعبيه للنص وحطي مقدار غطاء واحد من بليدج السائل و جيبي فوطه وامسحي فيها ارضيه كل الطابق ..


وبالنسبه للغسيل المتراكم ارسلي اللي تقدرين ترسلينه للمغسلة و ابدأي وحددي لك يوم بالأسبوع خليه خاص للغسيل والنشر و يوم للكوي ..
واشتري مكواة بخار سررررريعه جدا وسعرها مناسب تلقينها في اكسترا وهي احسن شيء لكوي ثياب الرجال . وتقدرين تكوين وانتي تطالعين تلفزيون .

هذة المكواة مناسبه وسريييعه في كوي الملابس الداخليه تقدرين تحطين اكثر من قطعه بنفس الوقت !



وهذة المكواة حلوة لفساتينك الحرير وجلابياتك وثياب زوجك مررة تجنن ومريحه ولا فيه اسهل منها .




واذا رحتي سنتر بونت لا تنسي تشتري :



فواحة ..




ابجورة , تعطي البيت جو رومانسي جميل .



حبيت اقولك شيء اضافي , اذا اهتميتي في بيتك اكثر زوجك بيحب البيت وراح يحبك اكثر ..
اذكر مرة قال لي زوجي ان ه صار يكرة يروح الاسراحه لأنها ازعاج ويحب يلجس في البيت لأن الجو هدوء وفيه اريحيه و ريحه حلوة كمان ..
حاولي تحسسيت زوجك انه حياته بعد العزوبيه تغيرت وصارت مرتبه اكثر و جميله وانتي بكسلك هذا ماتحسسينه ان فيه فرق كبير بين الزواج والعزوبيه من ناحيه التنظيم والتنظيف. !

[أم نايله]

الله يعينك ويوقيك

انتي حببي نفسك بالشغل انا لو بترك نفسي بصير مثلك لكن لا

اهيئلي جو انيم عيالي وابدء غرفه غرفه وارتاح بين كل شغله وشغله

واكافئ نفسي بعد ما اخلص بايسكريم حلى او عشوة كدا صرت اتحمس بس السر انو يفضل نظيف هوه

انك ماتهملي يعني كل يوم شيكي على الغرف ومسحي لا تكومي المواعين ابد ابد لو اتكومت تتكاسلي بقوة اول باول

وحبي بيتك لانو مملكتك حببي نفسك فيه اشتريلو اكسسوارت زبطيه هيئيلك جو فيه راح يعورك قلبك بعدين لو تركتيه وسخ

والله يعينك ويعيننا

[قلبي يهواك]

والله البنات ماقصرو مافيه شي اقوله
كل شي قالوه بس اشاءالله تولدين وتقومين بسلامه وتهتمين بيتك والبيبي وزوجك الله يسخره لك

[memaya]

المشاركة الأصلية كتبت بواسطة lilian

شوفي حياتي انتي عندك نقص حديد
لان المديد اذا قل بيجيب خمول وكسل
افحصي وشوفي

ااااااااااااااااه والله انا كنت بعانى من نقص الحديد وكان مسببلى كسل مش طبيعى بس الحمد لله كان الهيموجلوبين 7 والمفروض يكون 12 بس دلوقتى بقيت 11 والفرق فظيع نشاط ورجعت مثل اول والحمد لله

وبالنسبه لصاحبه الموضوع حبيبتى تعوذى من الشيطان و خلصى غرفه غرفه يكون افضلك

[انثى من زجاج]

قرأت قصتك واتذكرت نفسي انا بأول زواجي كنت كده صح اني مو لدرجتك مستحيل اكوم زبالة بس انا ماالومك ولا اضحك عليك لأني لو زوجي ماسمح لي اجيب شغالة كان كنت اخس منك بس بدلك على شغلة يمكن البنات نسيوها الأذكار صباح ومساء تعطيك نشاط مو طبيعي وقراءةورد من القرآن او شغلي القرآن وانتي تشتغلي وكبري في الصباح 34واحمدي الله 33وسبحيه33مرة وخذي دش بارد في الصباح ينشطك والله رح تذكري كلامي وربي لوجاك طفل وانتي على ده الحال اقسم بالله لاتكرهي نفسك دعواتي لك وقلبي معاك

[عمري فداء ولدي]

الحمدلله واخيراااااااااااااااااااااا خلصت من البيت وصار يلق ويلمع وريحه حلوه ومرتب وكل شي كل شي يهبللللللللل وختمتها ببخور عوود .. ااااااه ه ه والله تعبت وانهد حييللييييي .. بس الحمدلله ومشكوووووووووووريييييييييننن ع المساعده حبيباتي والله مااااقصرتوا .. الله يسعكم ويعطيكم الف عافيه ..