شوفي قصتي وقولي رايك

[بيرو المدينة]

تبين الصدق وربي لو انا مكانك لاسوي مثلك
مو رجال يسمع كلام خواته ومايصرف عليك
خليك قويه قدام اهله كلهم وخلي اهلك ينبهونه ع المصروف ويقولون له خواتك لايتحكمون فيك عشان الظفل اللي بينكم

[fo0fo0]

الله يكتب لك الخير ومافيه ..

[غادة9]

انتي اعرف بمكان راحتك .. المهم انك مرتاحه ونفسيتك مرتاحه مشان البيبي

*

الله يختارلك الافضل يارب

[مريحه نفسي]

انا ابي دعواتكم ..ان الله يكتب لي الخير ... واذا زوجي فيه خير ويحس بغلطته يرجع لي ..واذا ناوي بشر الله يشغله بنفسه لانه ارسل لي رساله يقول باخخذ الولد من المستشفى اول يوم يبي يقهرني بس.. وانا حامل....الله يعين

[مريحه نفسي]

يارب ... ارني طفلي امام عيناي سليم معافي ..سليما من غير عيب او نقص ... اللهم ارقه الصحه والعافيه ...واحفظه من شر ابيه .... واهدي والده واكفنا شره

[صبُر]

والله يااختي قريت مشكلتك
وحاسه فيك بشكل كبير
لانها نفس مشكلتي . .


كل الناس مدحوه بالبدايه
بس عشت معه ببيت واحد
8 شهور طلعت روحي
مايصرف ابدن ابدن
كل شي ابغاه اهلي يجيبونه لي . .


وغير كذا يدخل اخواته وامه بكل صغيره وكبيره بالبيت
لدرجة مره اسمعه يقول لاخته
انا ابغاها تسوي كذا وتسوي كذا < اشياء خاصه جداً
وحرام كمان !!


لا وازيدك بعد يدخلون بيتي متى مابغو
المفتاح معهم ويوم اقول له خذ المفتاح مايصير كذا
ولازم يكون فيه خصوصيه
يقول انتي منافقه تبغين تفرقين بيني وبين اهلي !!


وكانت اسوء ايام حياتي معه
و حللت وطلعت حامل
قال سقطي الولد انا ماابغاه
ههههههههههههههههه وربي من جد بلاهه
وخيرني اما الحمل او الطلاق
وتركت له البيت وطلعت


امه وابوه يوم جو يراضوني تخيلي وش يقولون
يقولون تحمليه ترا عقله صغير وهو مريض وماهو طبيعي
طيب مدام انه مريض وماهو طبيعي ليه تخطبون له !!
انا كنت ملاحظه عليه انه مو طبيعي وتصرفاته زي البزران
بس تحملت 8 شهور وكنت اقول بكره يعقل بكره يعقل


تركته ولا فضحته عند الناس سكتت وكل ماحد سأل
اقول ماحنا متفاهمين وماصار نصيب
وهو ماخلا كذبه ماقالها بحقي
وسكتت مارديت عقلي له لانه بشهادة اهله / ماهو طبيعي
وحتى اهله وهم عارفين انه كذاب
برضو يكذبون علي عند الناس
ويقولون اني وسخه ومطلعين كل عيوب الدنيا فيني


مااقول غير حسبي الله ونعم الوكيل
والله اني ماارتحت غير يوم ارسل لي :
روحي خذي ورقتك من المحكمه
وانا الحين بالشهر التاسع
وطوال فترة حملي اراجع على حساب ابوي


وطليقي مرسل لي قبل كم يوم :
الله يعين ابوك باقي كم يوم وتزيد مصاريفه
يبي يلمح لي انه مايبي يصرف على ولده
بس مع نفسه
الحمدلله ان ابوي موجود وماراح يقصر عني بشي . .

بس لاتخافي بموضوع البيبي وانه بياخذه من المستششفى
لانه مايقدر ابد
ومعروفه الحضانه للام اذا ولد يخير
والبنت حضانتها لين سبع سنين . .


وانتي كلمي زوجك
وقولي له كل اللي عندك وحطي شروط لرجعتك
لو مااوافق وبيمشي ورا اخواته وكلامهم
لاترجعين له ولا شي
الوحده اهم شي حالتها النفسيه تكون مرتاحه ومستقره
وإن شاء الله لو كانت رجعتك خير لك ولطفلك
انك ترجعي باقرب فرصه ويتعدل وضع زوجك
واذا كانت شر لك
الله يصرفك عنه ويصرفه عنك . .


ومعليش طولت عليك بس يوم قريت قصتك
مره قريبه مني وقمت افضفض

[مريحه نفسي]

صبر ... ما اقول الا الله يعوضنا بااولادنا ويجيبهم لنا سالمين...انا هالقصه كتبتها بهالمنتدى وماقلتها لاهلي بالتفصيل ..وفيه اشياء مخبيتها .....كانت اسرار بيننا مأبي اطلعها. خايفه يجي يوم يعايرون ولدي بعمامه و ابوه....الله يكفينا شر هالازواج ...و الله يهديهم..

[ام حلوومه]

هم يبكي وهم يضحك ههههههههههههههه الله يفرجها عليك

[ام sara]

الله يفرج همكم ويقدم الي فيه الصالح

[abrar]

احقريه بقريح هو واهله عيشي حياتك
الله يكفيك شرهم