شكلها راح توصل للطلاق؟؟ ساعدوني الله يخليكم

[جنوني فنوني]

السلام عليكم ورحمه الله وبركاته...

كيفكم حبايبي طبعا انتو عارفين بالمشاكل اللي مريت فيهامع زوجي واهله..

بس هذه المرره شكلها راح توصل للطلاق وانشالله ما توصل لكذا.. راح اقولكم اش صار معاي

دي المره وانتو احكمو.. الله يخليكم مالي بعد الله الا انتو..

دي المره زووجي وابوه كانو ما سكين اوراق رسميه تخصني وابوي كان محتاجها ضروري

عشان يخلص معامله ولازم ورقي تكووون موجود..كلمت زوجي انوو ابوي يبغاها مارضي

يعطيني هي وابوي رسله ورسل لابو زوجي رساله انوو محتاج الورق ضروري..

بس لا حياه لمن تنادي .. جا ابوي للبيت عندي وحضر ابوي زوجي بس زوجي مارضي يقابل

ابوي ولا احترم دخلته للبيت عنده ..كان ذا الكلام يوم الاحد ابوي قال لابو زوجي اش الحل

ابو زوجي قاله يوم الاربعاء تعال وخذ الاوراق واذا ما اعطيتك هيا رووح وبلغ..

طبعا يووم الاربعاء رحت عند اهلي عشان امي كانت تعبانه وكالعاده زوجي ماخلاني اخذ بنتي

وصلت لبيت اهلي الا ابوي يقولي ابو زوجك كلمني وبروح اخذ الاوراق ..


تخيلوووو..

لما ابوي راح عندهم طبعا مارضي يدخل بيتهم ابو زوجي قاله ما اعطيك الاوراق الا لما تكتب

ورقه انووو بنتك ما تبغى ولدي ابوي قاله هوو موو بكيفي بعدين اش دخل ذا بذا...

الا شويه وصل زوجي ورفع صوته على ابوي وتخيلووو شال حجره وكان يبغى يضرب ابوي..

انا لما جاني الخبر ما صدقت ... وقلت والله مالي رجعه له كل شي سواه وصبرت بس يرفع

ايده على ابوووي كبيره..


على طوووول رحت اتصلت على خالته انسانه فاهمه وواعيه وكلمتها بالمشكله من طقطق

لسلام عليكم وقلتلها كلمي ولد اختك واختك انووو انا ما ابغى ارجعله...

طبعا جلست لاه اسابيع عند اهلي وبنتي بعيده عني بعدين كلمت خاله الكبير والحمدالله جبلي

بنتي واخذت عفشي كله...


زوجي اتصل علي وحاول يتفاهم معاي انا قلتله مالي رجعه لك الا بشرطين..

تاخذيلي بيت بعيد عن اهلك مرره ما ابغى اسكن جنبهم واني شرط محد له دخل في عيالي

بذات امك ولا يدخلووو في حياتي.. خاله وخالته قالو شرووطك من حقك ونحنا معاك ..

وقلتله تجي وتعتذر من ابوي على رفعت يدك عليه ..


حتى خالته وخالته قالو نفس الكلام له..

رفض يقووول انا مستحيل ادخل بيت اهلك يقوول انه حالف دخووله لبيت ااهلي بطلاقي

وحكايه البيت يقوول صعبه وما عندي ماده حاليا...


انا الحين ليا شهرين تقريبا عند اهلي يجي كل ربرووع ياخذ البنت عنده ويرجعها لي الجمعه..

انا قلت ذي المرره حكوون مصره على راي وماراح اتنازل زي كل مرررررره ..

بس ماراح اكذب عليكم الوحده ما ودها بيتها يتخرب بذات انوو عندي بنت وحامل..

وطووول ما ابوووه يعبي راسه ما اتوقع راح يتفاهم..

امانه عليكم طالبه مشورتكم هل القرار اللي اخذه صح وهل اتمسك براي ؟؟

انا ذي المررره قلت له ولاهله انووو بايعه وموو فارقه لووو طلق بس عشان يحس شوووي

وعشان امه تتعرف انووو بنات الناس موو لعبه...

الله يسعدكم ويفرج همومكم ياااارب..

[ثقتي بربي تغمرني]

حسبي الله ونعم الوكيل
لاحول ولا قوة الا باالله العلي العظيم
ربي يصبرك ويفرج همك

[عاشقة زوجها]

الله يصبرك ويفرجها عليك صرراحه الله يعينك

[شتات أنثى]

حسبي الله ونعم الوكيل ..
اذا تتخلو الاهل بحياة عيالهم حتى بي أمور تافه
راح تخرب حياة عيالهم .. انا لي بعرفه ليه زوجك معاملته الولدك كذا مافي أحترام
وليه أخذتيه دام مافي راحه أبد .. بصراحه مستحيل تنسى الحركه لي عمله زوجك بوالدك ..
زوجك مافكر بحياته راح تخرب ليه تفكرين أنتي .. اشتري راحتك واذا على بنتك زوجك يتحمل مسؤليته ..
والله يفرج همك..

[اللؤلؤة اللامعة]

سبحــــــــــــــان الله

[دلوعـ زوجي ـة]

استغفري كتيرررررر وادعي من قلبك في جوف الليل وقولي يارب الجم فم زوجي لا اله الا الله وبرد قلبه بلا حول ولا قوهـ الا بالله
وان شاءاللع ربي يكتب اللي فيه الخير حبيبتي وقلبي معأكي

[meso]

الله يعينك حبيبتى
والله مهما حصل ترا البيوت كلها مشاكل ولايخلو بيت من المشاكل
بس الاحترام ووواجب مهما حصل الاحترام يفضل موجود
بفترض بعتذر لوالدك ايش ذنبة يعلى صوتة ويحاول كمان يضربة كثيييرة والله ماارضاها ابد
بس بقولك ادعى الله يهدى زوجك ويعتذر لوالدك وان شاء الله خير
مشاكل ام زوجك والسوالف عادى تحصل والله كريم ياقلبى وماينسى احد يمهل ولا يهمل
وصلى فى جوف الليل والله يفرج عليك كل همومك يااااارب
وانتى ياقلبى حامل روقى حالك عشان البيبى ممكن يتأثر وخلى بالك على نفسك
وقلب معاك حبيبتى رددى حسبى الله ونعم الوكيل

[جنوني فنوني]

مشكووورين حبايبي

امين الله يفرج همي باذن الله..

انا خايفه اهلوو يعبو راسه..

ويطلقني..مو حابه عيالي يتربو

بعيد عن ابوهم..

الله يسخر لي زوجي ويهديه يارب...

[ورردي]

لا حول ولا قوة الا بالله
الله يصبرك ياقلبي

[Aum Reda]

الله يصلح حالكم
اذا هو يقول انه حلف ما يدخل بيت أهلك الا على طلاقك يقدر يصوم ثلاث أيام و يدخل بيت أهلك و أصلا ممكن يكون حلفه من ضمن اللغو في الأيمان يعني كلام الواحد يقوله وقت الغضب المهم هذي السالفة لها حل و هو الصيام ثلاث أيام و يروح يعتذر لأبوك
و بعدين شنو قلة الأدب هذي يعني ما يحترم أهلك و تتوقعين يحترمك أكيد لا الا في حالة وحدة أنه يعتذر لوالدك عشان يتنازل عن كبريائه
أما بالنسبة للبيت يقدر يضغط على نفسه كم شهر عشان يدبر مبلغ لمقدم ايجار شقة و أصلا كلنا ما سوينا بيوت الا بالدين و القروض و الجمعيات يعني انتي عارفة وضع زوجك و تقدرين تقيمين اذا يقدر أولا