ساعدوني الله يساعدكم

[أنثى دفينه]

بسم الله الرحمن الرحيم
كيفكم ان شاءالله بخير.. انا اول مره اسجل بمنتدى حوامل ..
وعندي مشكله ابي اعرضها عليكم واخذ رايكم ومشورتكم لعل وعسى
ان شاءالله القا لها حل وان شاءالله ماراح تبخلون علي بنصايحكم ..

اعذروني لو طولت شوي بس انا جدا محتاجه مساعده..
السالفه ومافيها انا متزوجه من خمس سنوات وحياتي مع زوجي الحمدلله
ماشيه امورها مع بعض المشاكل اللي تصير بين اي زوجين**
وقبل سنه ربي رزقني ب بنت وانا وزوجي مبسوطين فيها والحين انا حامل لي شهرين..
في الفتره الاخير لاحظت ان المشاكل بينا زادت وغالبا مايكون السبب تافه
لان زوجي انسان مزاجي وعنيد.. والمشكله الاخيرره اللي صارت بينا جدا ماتستاهل
وهو انه كان يوم خميس وزوجي ماكان عنده دوام وزعل ليش صحيت اسوي الغداء
بوقت متاخر** تقريبا ع الساعه 1 الظهر وانا والله العظيم بالعاده اصحى بدري
ولا احب يشوفني نايمه اذا هو موجود بس لاني في بداية حملي صرت احس بخمول
وكسل وزياده شوي في النوم .. وقتها عصب وقام يسمعني كلام جارح بس انا سكتت
ومارديت عليه..وجلسنا اسبوعين متزاعلين ما يكلمني ولا شي بس كل شوي يسمعني
كلام يابقره يا عاجزه ياكسوله يامدري ايه واكثر كلمه كان يرددها يابقره يابقره ..
اسبوعين على ذا الحال وانا ساكته ماحبيت ارد عليها وتكبر السالفه اكثر وكل يوم
اقول ان شاءالله تهدى الامور ويحس بغلطه ..وفيه وحده جارة أمي وتقريبا صديقتها
تتعامل في العقاررات والبيع والشراء ومتعوده تكلم الرجال وتسالهم عن هالامور
وبما ان زوجي موظف في البنك ..استاذنت من امي انها تدق على زوجي وتساله
عن موضوع يخص شغلها ودقت ذاك اليوم على زوجي في الدوام وصارت تستشيره
في موضوعها .. بس زوجي حط في باله اني رحت اشتكيت لها عن مشكلتنا بما اني
كمان اعرفها وقام يقول لها لا انتي مادقيتي عشان موضوع شغلك قولي يلا وش عندك
وش تبين تقولين ..والحرمه ماتدري عن شي اصلا وانا بعد ماادري عن شي..
بس هو كذا حط في راسه اني رحت اشتكيت للحرمه وهي دقت عليه تبي تعرف السالفه..
كذا كان تفكيره .. ورجع من الدوام معصب ويصارخ ويقول يابقره رحتي تشتكي لأم فلان
وتطلعي اسرارنا ومدري ايه ..قلت له حرام عليك والله العظيم ماشكيت لاحد حتى اهلي
مايدرون عن شي .. ولو ابي اشتكي كان شكيت لامي الله يحفظها .. عيب عليك تتهمني
.. بس ماصدقني وصار يسمعني كلام وقال يلا بيت اهلك واخذني لبيت اهلي ..
ومن يومها ماعاد شفت وجهه والحين كملت شهر ونص في بيت اهلي لا يسال ولا يتصل
ولا شي وحتى بنته ماجاء يشوفها الامرتين بس ولا عطاني مصروف ولا شي..

وهذا كل اللي صار .. والله العظيم كل يوم ابكي وكل يوم دموعي على خدي لانه اتهمني
ظلم وطنشته طول هالفتره مع اني قلبي محروق وكل لنفسي ماراح اكلمه ولا ارسل له
ولا شي لانه جرحني وقهرني .. بس لاحظت ان فترة شهرين ونص ماحركت فيه شي **
ولا حتى فكر يقول لي كيف حالك برساله ..والبارح ماقدرت اتحمل راسلته ع الواتس اب
وقلت له حرام عليك اللي تسويه فيه تراك ظلمتني وانا ما سويت لك شي ترا عندك خوات
متزوجات خاف ربك .. رد علي وقال انا كذا مرتاح وانتي خليك في بيت اهلك ومصروفك
بيجيك انتي وبنتك .. قلت له حسبي الله ونعم الوكيل .. وماعاد رد **

واهلي قالوا خليه وطنشيه الين يجي عندنا بعدها حنا نتصرف معاه ..
بس انا مقهوره وقلبي محروق لاني احب زوجي وكلما طولت احس اني بموت من القهر
لانه مطنشني بمعنى الكلمه وانا حامل ونفسيتي تعبانه وكل يوم ابكي ..

بليز انصحوني وشورو علي لاني تعبت ونفسيتي جدا منهاره**

[حياتي مهمه]

والله موضوعك صعب
فيه حاجات بين السطور

[مشاعل الدوسري]

السلام عليكم ...


حبيبتي انا ما ابي اشعللها بينكم .. بس ايش يعني يقولك يابقره و تسكتين ماهي مره بلعصبيه لا ل فترة طويل يقولها لك معناتها بجيح في كلامه ما يهتم اي شي يقوله يجرح مشارعك مشاعر اهلك ما تفرق معاه ..

الصراحه الوضع مره صعب لكن الامر جدا بسيط في اتخاذ القرار و صعب في تنفيذ القرار ..

يعني يا حبيبتي انتي قلتي السالفه من وجهة نظرك ...
ماندري ايش هو من وجهة نظره هل انتي مقصره بشي معين لا تقولين البس و اكشخ ...
و و و و اهتم ..

كم وحده متزوجه تقول البس و اكشخ لكن لما تشوفينها مع زوجها يا ختي العاملة اللي في بيتهم ارتب و انظف و الخ ..

فا ما يندرى هو شنو متضايق منه لكن عموما ..

انتو تزاعلتو هوكبر الموضوع و وداك بيت اهلك ما ناقشتيه ما سالتي و لا شي شهر و نص فترة طويله ...


انتي صفطتيه بما فيه الكفايه بعد اسبوع كلميه و يفضل انك تروحين البيت تقابلينه عشانن تتكلمين معاه و تقولين له ..
خلني اا الغلطانه و اللي ما افهم و و وو و عيوب الدنيا فيني لكن فهمني ايش الغلط اللي سويته معاك ..
و يخليك توديني بيت اهلي ولا تسال عن بنتك و تهتم بصحتها اكلت اشربت محتاجه شي لا مصرف ولاشي الحمدالله مومقصرين اهلي لكن ليه كل هذا ابي اسمع منك شنو اللي مضايقك مني ..

حاولي تخلينه يتكلم
بلمختصر المفيد قوليله يا ابن الناس فهمني يمكن اني مو فاهمه مو حاسه بغلطتي ..
قولي اللي بخاطرك الامور اللي تضايقك احكي معاي فيها ..


لازم تسمعين له ..

ما قدرتي تتكلمين معاك لازم ابوك يناديه او اخوك الكبير و يجيكم البيت و تكلمو على رواق خل يقولون له هذي بنتنا و انت ولدنا و اذا هي اغلطت عليك مانرضى بلغلط و اذا انت غلطة عليها بعد هم ما نرضى الحياة صبر و تفاهم في امور تضايقك مها قولها زوجتك سترك و غطاك و انت سترها و غطاها ..
يعني خلي اهلك يسون له يا دهينه لا تنكتين هههههههههههههههه

و اسمعي له و لو فيكعيوب محد خالي منالعيوب عندك انا شخصيا اول ما تزوجت كل يوم فستان و احلى كشخه و و و و التزين بلبيت و وو الخ حملت قل اهتمامي وبعد ما ولدت حملت مره ثانيه و قل اهتمامي اكثر ..

يعني قبل اكشخ حتى بلبجامه تحسين انها كشخه لا الحين اكره اطالع نفسي بلمرايا لاني تعبت حملتين وراء بعض و زوجي الحمدالله متفهم الحمدالله ياربي لك الحمد لكن مو عشان هو متفهم اسفط الموضوع لا لازم اهتم ..

فا يمكن انتي يا بنت الناس مهمله في اموور و مو حاسه مقصره معاه و ما لاحظتي بسبب حملك و الى اخره عرفتي فا ابحثي عن المشكله و حليها ..بلصبر بلتفاهم..

[قــــــــــمر]

مدري بايش انصحك
بدعيلك ان شاءالله الله يهديه ويحس بغلطه الله يهديه
شكله طفشان من الحياة ويدور عليكي الزله !!
المفروض لما كان يتكلم عليكي حبيبتي طنشيه مره وحده بسس عشان مايتساهل في هذي الامور
ان شاءالله يعقل .

[basouma26]

الله يفرج كربك اختي و يفتحها في وجهك انشاء الله

[meso]

والله زوجك يبغى سبب بس
عليك بالصبر وانتظرى لين اهو اجيك عند هلك ولا تتصلين ولا شى لانك مو ظلمتية ومو غلطت علية اهو ظلمك * اذا اتصل خلية يجلك بيت هلك وافهمى منة السالفة
منشان يعرف وين الصح وين الخطأ
ولاتتركين زوجك يقولك بقرة!!! اهو عندما تزوجك مايدرى عنك شى
اهو اخذك من هلك معززة مكرمة اشلون يردك كذا؟
لاتعودية يسمعك كلام جارح ولاتسكين ما ابغى اخرب عليك بس الازواج بيتعودون على ابسط الاشياء اللى نسكت عنها
الله يهدى زوجك ويصبرك ولاتزعلين منشان الحمل
وترى الحمل يزيد الوزن اهو مايدرى عن الحمل شى؟؟
اسأل الله الهدى والرحمه والصبر والآجر لك إن شاء الله.

[الرحيق]

الله يفرج همك مالك الا الدعاء
ولا تبكي كثير عشان البيبي

[أنثى دفينه]

مشكورات خواتي على تفاعلكم ..
أختي مشاعل الدوسري تقولين سوى كذا عشان يمكن مقصره معاه**
بالعكس والله العظيم اني جداااااااااااااا مهتمه فيه ومهتمه بنفسي بعد لاني مااحب
يمسك علي او على بيتي شي.. من ناحية اللبس والكشخه الحمدلله دايما البس له
وارتب نفسي وشكلي باستثناء وقت تكون علي الدوره البس بجايم وكذا بس يكون
شكلي مرتب مو مبهذله** بس هو جدددددااا مزاااجي اسبوع اسبوعين يكون معاي
اوكيه ومافيه احسن منه.. فجأه كذا ينقلب ويسوي مشاكل واللي يقهرني باسلوبه
انه داايما يحب يحسسني اني انا الغبيه اللي ماتفهم وهو اللي ذكي ..
ماادري ليه كذا ..
الله يكون بالعون بس..

[مرهفة الإحساس]

حبيبتي والله الموضوع على حسب ما قريت انك ما غلطتي ابدا وكل وحدةفي بداية حملها كذا تناموتصحى على راحتها وروجها المفروض يراعي الامور
انا نصيحتي لك انك ما تراسلية ولا شئ وهووقت ما يحتاجك بيجيك بس انتي لا تقوليله كلام جارح او كدة حتى لا يمسك عليكي غلطة
الله ييسر الامور بينكم يارب

[روز بااريس]

انا بعد اقول خليك على موقفك لين يحس بغلطه ويحس بقيمتك وزين ان اهلك واقفين معك

لاتذلين نفسك خلييييه

ادعي الله يسخره لك وبس