هل اترك وظيفتي عشان ما اتطلق ؟

[kawaiigirl]

حبيبتي والله لو انا مكانك مااسيب وظيفتي لو يموت مو انتي الي تصرفي اجل ايش يبي يحمد ربو مرتاح من الصرف
وشوفي هذا الفيديو لدكتور طارق الحبيب استشاري طب نفسي

" border="0" alt="" onload="NcodeImageResizer.createOn(this);" />


والله مافي غير وظيفتك الي تنفعك زوجك باين عليه يسمع كلام امو مرره اجل اذا سبتي وظيفتك عشانه وقلبت امو عليك وخلتو يطلقك الحين من جد تتشردي علي الاقل الحين معك راتب تقدري تعيشي في شقه وتصرفي علي عيالك اما بعدين مالك شي

بس انتي استغيري وشوفي

[ام ثابت]

اختي سارة
استخيري اول
واستغفري وادعي لان لقلوب بين اصبعين من اصابع ارحمان يقلبها كيف شاء
بعدين وظيفتك هذي هي امانك بعد الله
ودقي علي استشارات واستشيريهم وهذا رقم استشارات دقي عليهم 920000192

[mermaid]

الله يعينك يا قلبي .... انا كنت متفوقه في دراستي وكان عندي شهادات تقدير وتكريمات لكن للاسف زوجي خلاني اوقف عن الجامعه لمن اسلبت ولاراح قدم عذر وامه ماساعدتني بالطفله اللي محتضنتها اذا رحت اداوم اروح بتهزيء واذا جيت من الدوام بتهزيء وكل اشوي امي ما تقدر على البنت وامي تعبانه وتسبب بطردي من الجامعه والقهر اللي ذابحني ان اخواته يروحوا دواماتهم وعيالهم عند امه عادي جات ع الطفله اللي محتضنتها وعلى حساب دراستي
دحين اتحسر كل يوم على الجامعه وما اقول غير حسبي الله ونعم الوكيل .....استخيري وحاولي اذا المشكله في الاولاد توديهم حضانه واذا في البيت جيبي شغاله واذا على الطبخ جهزي غداكي من الليل لا تحاولي تحتاجيهم باي شي خاصة امه وخليكي دايما قويه وادعيلي لاني سحبت ملفي وبحاول ابدأ من جديد لاني تعلمت الدرس وعرفت ان الناس وقت حاجتهم يحترموكي ووقت شبعتهم يبيعوكي لا تضيعي مستقبلك ابدا وحطي ببالك ان وظيفتك كمان هي مستقبل اولادك عشان لا تكوني ام عاجزه في المستقبل فكري زييييين واستخيري يا قلبي

[همسة دفاء]

حبيبتي حاولي تشوفي حل يرضيهم

ولا تسيبي وظيفتج


دام هو ماخذها سالفة عناد وتحريض من اهله اذا خليتي وظيفتج وصار ش بينكم وتفرقتو وش بيصير فيج وفي عيالج

من بيصرف عليكم خاصه هو وضعه المادي صعب

انا اقول لا تركي وظيفتج دام وضعه المادي صعب

[عفوآ حبيبي]

اختي
لاتفرطي في وظيفتك دام مافي سبب مقنع

وترى الوظيفه اامنلك من الزوج الله العالم الايام ايش كاتبتلك معاه دام يسمح لتدخلات اهله
فالجاي الله يستر منه
واذا لا قدر الله وصار شي وانتي خسرتي وظيفتك عشانه من بيفيدك وانتي تقولي حتى اهلي مابيتقبلوني

الوظيفه امااااان واستقرار وكل شي راجعلك

الله يهديهم لك ويصبرك على مبتلاك

[لهفة حنين]

السلام عليكم ورحمة الله وبركاته
والله أختي مدري إيش أقولك .. بس حبيبتي إنتي شايفه وضعك في البيت وأدرى بيه .. بصراحه الرجال مالهم أمان فلو إنه تعامله كويس ومايسمع كلام الناس فيكي وقايم بواجباته كامله ناحية بيته وأوﻻده .. فمافي مانع تسيبي شغلك عشانه .. لكن إذا كان العكس فلا تسيبي وظيفتك وتحتاجي الناس .. والله الوظيفه الأيام هادي مهمه حتى للمرأه .. وبصراحه أنا مدري بس عن تجربه ﻻقدر الله صار شي بكرا محد حينفعك حتى أهلك ما حيقدروا يتحملوا أوﻻدك .. والرجال يرموا أوﻻدهم وﻻ همهم .. والله أنا مررره ضد إنك تسيبي وظيفتك .. لكن في نفس الوقت أهتمي في زوجك وبيتك وﻻ تخليه يحس بقصور منك .. وقبل كل شي أستخيري الله وبإذن الله ربي يوفقك باللي فيه خير لكي ولأوﻻدك .. الله يوفقك يا عسوله ويسعدك دنيا وآخره ويسخر لك زوجك ...

[أم فروحة]

حبيبتي في هالزمن الناس تدور وظيفة مو تفرط بوظيفة
إياك ثم إياك تفرطين فيها هذي مستقبلك وسندك ووقت الشدة والأزمات تلقينها حتى لو زوجك ضاقت به الدنيا
تكون وظيفتك سند ماتدرين عن الظروف
ودام الموضوع عناد خذيهم بالمسايسة * بالإقناع* ذكريهم بالمستقبل* بهموم ومصاريف الأطفال* أعباء الحياة*
واذا العقدة من أمه فعليك بها* اعتبريها امك ودلعيها وكلميها وأهديها واقنعيها وش تسوين حكم القوي على الضعيف
والمثل يقول: من لم يكن له حيلة فليحتال وانت احتالي عليهم المهم لا تتركين وظيفتك
بعدين غريبة زوجك يخيرك ين طلاقك والوظيفة والله الرجاجيل يستانسون اذا حريمهم موظفات
خلاص انت اقنعيه بالعقل وان وظيفتك هي لمستقبلكم ومستقبل عيالكم لا كبروا وزادت مصاريفهم وطلباتهم
أو واجهتكم مشاكل أو أو أو
المهم زوجك بالاقناع وأمه خذيها بالعوتطف والدلال
والله يسخرهم لك يارب

[ساره 9999]

الله يسعدكم جميعاً ، واحمد الله ان ردودكم جات مطابقة لتفكيري خصوصاً اني استخرت كثير ودائماً أميل لوظيفتي
انا انسانة عاطفية ودائماً امشي ورا عواطفي وبالأخير أندم
لكن هالمره راح امشي مع عقلي ..
انا احب زوجي فعلاً ، واحب اطفالي
لكن الأمان في وظيفتي
يا ماحاولت افهمه وحاولت اقنعه ، لكن للأسف هو حكم الموضوع وانتهى وقرر
كمان هو يكرهني فأقدر مشاعره ... الشخص اذا كره احد يحاول ينتقم منه بأي طريقة
صح ان حصل فراق راح ابكي واتعب لكن انا راضيه بالمكتوب
ولا أنا ولا هو نقدر نرد شي ربي كاتبه
يارب اكتبلي الخير وارضني فيه
انا محتااااااااجه دعواتكم فاذكروني بدعوه في ظهر الغيب .

[سيدة العمر]

الله يعينك ياشيخة... هاليومين هدول لا اهل يفيدون ولا زوج يحس
ماحد بينفع حد غير نفسه

[ورده 2012]

السلام عليكم حبيبتي ،،، عليك بالدعاء في آخر الليل ،،، وعلى العموم اجازة التيرم قربت ،،، واذا اصر عليك خذي اجازه بدون راتب ،،،، وحاولي تكسبينه لصفك حتى الاجازه قبل لاتأخينها استخيري ،،، وشكل ام زوجك غيرانه الله يهديها ،،،، وحاولي معاه بالتفاهم وانك تبغين تساعدينه واصحه يلعب عليك ويشترط يأخذ راتبك ،،، الله يكتب لك الذي فيه الخير واسفه طولت عليك