انا ولدت وجبت احلا دانه

[قمر جده]

كان يوم الاربعاء يوم جمعتي مع اهل زوجي قبل ولادتي بيوم رحت امشي ممكن لمدت ساعه وكنت ابغا اولد خلاص تعبت من الثقل وطبعا مشيت ورجعت البيت وكانت اختي عندي عشان تساعدني المهم نمت الساعه 12 بليل وصحيت عساعه 3 على الم خفيف وهذا اول مره يجيني الم في ظهري زي الم الدوره جلست شوي ابغا اشوف اذا كان الام يروح ويجي بيكون طلق المهم دخلت عند اختي وقلتلها شكلوا فيني طلق قامت مفجوعه طبعا جالسه علبيبي وماسابت احد الا وكلمته المهم رحت اتروش وقلت خليني اروح انام شويتين طبعا انا بكريه مااعرف شي رحت غرفتي وابغا انام احس الام زاد شويتين بس محتمل يعني بسيط بسكل ماله يقوى المهم ماقدرت انام خفت وجلست ابكي وصحيتت زوجي وقلتله قوم شكلي ولاده حبيبي كان خايف مره وكانت السعه 4ونص الفجر دقيت على اخته لاني متفقه معاها اذا جاني طلق علطول حكلمك عشان هيا ادرى كلمتها قالتي هذا طلق حاولي تمشي في البيت المهم جلست ابكي ابكي واقلها لسا في الم اكثر من كذا جلست تهديني وتقولي كل ماقوي الام كل ماقربت الولاده المهم صلينا الفجر وخرجت انا وزوجي واختي للحديقه امشي وعلى الساعه9الصباح زاد الالم واخذ زوجي اخته واختي الكبيره جات وكانت معاي المهم رحت المستشفى وقالتلي مفتوح 1سانتي وجاني اكتاب هذا الام وفاتح 1سانتي قالتلي روحي وارجعي في الظهر الممهم اني امشي رجعت ركبت السياره ومارجعت على بيتي رجعت على بيت اختي الكبيره لان بيتي رابع دوره ومتشاقيه الدرج المهم وصلت بيت اختي وهناك الام شد معاي وكانو يقولولي كل وانا مااقدر خلاص بشوف الموت والله الام كان مره قوي ولسا ماشفت شي رجعت ودوني المستشفى عظهر وقالت مفتوح بس3 ساني وانا روحي بتطلع وجلست ابكي ورجعت من المستشفى لبيت اهل زوجي والمشكله كانو كلهم مجتمعين وكانوا متساعدين معايا وجلست امشي ببيت عمتي واعظ هاذي واكسر يد ذي لما تجيني الطلق وربي اموت من الضحك واقولهم خلاص انا بموووت حرام عليكم ودوني المسستشفى ابغا قيصري المهم خلاص كان الام هنا غير محتمل ورجعت رحت المستشفى كان في ولاده الحرمه تصيح وانا اموووت من الرعت كشفت علي قالت فاتح5 سانتي وانا ابكي الم قوي والله كان هذا المغرب والمهم جات دكتورتي ربي يسعدها وين ماتكون وربي مره كانت متساعده معايا كانت تهديني وصابره علي قالتلي امشي وانا خلاص هالكه اشوف الدنيا الوان جات عساعه 9 الليل وقالتلي خلاص ولاده جات رفعت رجولي لما نمت على ظهري احس هدي معاي الطلق وكانت تقلي كل ماجات الطلقه ادفعي وانا الطلق خفيف والله كنت ادفع حتى والطلق خفيف المهم ولدت عساعه 10 في الليل والحمد لله ربي عانني كان طلقي بارد وعقبال كل الكروشات ان شالله ولاده ميسره