سااعدوني- ابي حل مع شغالة اختي

[احساس حزن]

السلام عليكم ورحمة الله وبركاته

خواتي انا محتاجه مساعدتكم وبدخل بالموضوع بسرررررررررررعه

اختي دايماً تجينا كل اربعاء وتمشي الجمعه هي مع عيالها وشغالتها

وشغالتها من قبل اسبوعين قالت لأختي انها ماتبي تكمل تشتغل وتبي ترجع لأن ابوها تعبان وتبي تجلس عنده

المهم قبل اسبوع وتحديداً يوم الخميس كان في بوكي 500 ريال وانا من النوع اللي اترك شنطتي بأي مكان عادي لأني واثقه جداً من اهلي وحتى من شغالة بيتنا لأنها جداً امينه وهي نفس الشيء فلوسها عادي تتركهم بأي مكان ولها ست سنوات عندنا ونثق فيها جداً

المهم يجي يوم الجمعه ادور بشنطتي ومالقى الفلوس واسأل خواتي واسأل الشغالات وكلهم يقولون ماشفنا شيء, وانا متأكده ان الفلوس كانت موجوده وانا فتحت بوكي قدام الكل يوم الخميس بالليل وشفت الفلوس قيه

والله ويضيق صدري واجلس انا وشغالتنا ندور بكل مكان فوق وتحت مالقينا شيء.وانا دائماً مشهود لي بالأمانه اذا لقيت شيء مو لي ماارتاح الا لما ارجعه لأصحابه وهالشيء مخليني اتطمن شوي واقول ان الله بيردهم لي مثل مانا دايماً ارد الحق لأهله

يجي الأسبوع هذا وتجي اختي وشغالتها من الأربعاء ويوم الخميس اختي عطتني اربع ميه قدام شغالتها وقالت لي هذا فلوسك اللي متسلفتهم منك. خذت الفلوس وحطيتهم على طول بالبوك في الشنطة وتركت الشنطة وماهتميت لها ابداً بحكم انها بالبيت والدنيا آمان

ويجي يوم الجمعة وتمشي اختي بيتها كالعاده,, وانا ارتب شنطتي ادور الفلوس الاقيها ناقصين ميه!!!!!! واستغرب شالسالفه

اول مره بحياتي تنقص فلوسي بهالطريقه الغريبه

وبنفس اليوم اللي فقدت فلوسي من اسبوع

والمشكله لا طلعت ولا رحت اي مكان ولا اشتريت شيء

وكان الكل يقولي انها يمكن شغالة اختي وانا اقول حرام لا نحط بذمتنا لأنها كانت تدور معي

اللي خلاني يعدين اشك فيها اني ماافقد فلوسي الا بالأيام اللي هي تجي فيها

وبعدين اختي تقول ان ماعندها ابداً فلوس من رواتبها دايماً تحولهم على طول لأهلها

وبنفس اليوم اللي فقدت الميه الأخيره فيه قالت تبي تروح السوق عندها ميه وتبي تشتري لها اغراض فيها!!!!!

لكن لو كانت هي لييييييييه؟؟ تخيلوا انها لو تطلب او تشتهي اي شيء مستحيل ناخذ منها فلوس وانا بالذات اقول هم مستضعفين بالأرض اي شيء يبونه انا اجيبه لهم بدون ماخذ منهم ريال واحد

وشغالة اختي حيل معجبة فيني وبإهتمامي بأختي اللي هي كفيلتها وهي تقول لأختي كذا ,, لأني دايماً اجيب لأختي واولادها هدايا ومعتبرة اولاد اختي مثل اولادي

الحين وش الحل..

مادري وش اسوي بالذات ان اختي حامل وتعبانه كثير واخاف عليها منها واخاف على اولاد اختي كلهم صغار حيل ومادري شنسوي معها

للأمانه هي معاملتها مع الأطفال عاديه جدأ وحليوة بس لها شخصيه قويه من اول ماجات ,,ومن قالت تبي تمشي وهي دايماً كاتمه وساكته

وش تنصحوني فيه؟؟؟؟؟

[مشاعل الدوسري]

خلاص اسفطي الموضوع لكن حرصي اختك انها تنتبه حق شناطها و الحين اختك محتاجه للخدامه ..
بلذات انها حامل لو بتكلمون الخدامه الحين .. ممكن تأذي اختك او تأذي اولادها و ياليت اذا نويتو تسفرونها تفتشونها من قلب ..

من الاعماق و تخلونها تروح بللي جات فيه و حرصي على اختك لا تعطيها ثياب عيالها اللي ما تحتاجهم بكره تلعب في عيالها ..

اللي تسرق تسوي كذا شغله ما ينوثق فيها و عشان تثبتين لاختك المره الجايه حطي بس 50 بلمحفظه و اتركي الشنطه و و قولي حق اختك تلاحظها و تشوف بعينها ووووووو
بنفس الوقت ماودي تقولين حق اختك تدرين نفسية الحامل متقلبه ممكن تروح البيت و تهزأه او تطقها و من بعدها الخدامه تحقد و تضركم

الا اذا اختك اكتشفت انها مو امينه و بتسفرها ما تفرق احكي معاها ..

[احساس حزن]

لا اختي مو من النوع اللي تخانق او تضرب
انا قلت لأختي وهي خافت كثير الصراحه لأنها دايماً تكون معها بالبيت بروحها اذا زوجها بالدوام
ومثل ماقلتي اختي حامل وحيل تعبانه
وانا لما قلت لها قالت لي انها شكت فيها ,,لأنها هي الوحيده الغريبه بالبيت
وقلت لأختي ماتكلمها ولا تقول لها شيء ابداً ,, وتعاملها مثل قبل
بس وين خذت فلوسي :(:(

[مشاعل الدوسري]

العوض على الله حبيبتي ..

انا يا ما انسرقت مني فلوس لكن بعد كذا ماصرت اسحب من الحساب اخليها بلبنك وقت ما احتاج اروح اسحب ..

[احساس حزن]

والنعم بالله

[][عروسه2008][]

اذا سالفتها سرقه بس ,, موضوع بسيط

نبهي أختك وحرصيها بشكل غير مباشر على أغراضها\\


لأن لو صارحتيها بتخربين عليها والشغالات مالهن أمان وبتزعل منك اختك


الله يعينك

[PinkCherry]

تخافون منها وتسكتون؟اللي يبوق يسوي كل شي اسالو مجرب هذي اليوم تبوق فلوس بكرا تسوي شي فيكم وفي عيالكم .. حتى لو محتاجينها مابتموتون بدون شغاله واجهوها وترجع الفلوس ومشوها بلدها لانها اليوم باقت وسكتو عنها بكرا راح تتمادى عن تجربه ما لازم تبقى عندكم ولا دقيقه واجهوها وترجع فلوسكم وحتى لو بتسامحونها فيهم مشوها بلدها اامن لكم ولعيالكم

[احساس حزن]

تخيلوا امس طلعناها بيت احد من الأهل وقلنا بنشوف وش موجود بغرفتها
والصدمه الكبيره ان احنا مالقينا الفلووووس لقينا بطاااااااااايق كثيررررررررره ماتتصورون شكثر
بطايق سوا على 50 و 100 وموبايلي وشرايح جوال كثيررره حتى فيه شرايح مابعد تفتحهم من البطاقه
شرايح مجمعين مع بعض وفيه شرايح خاشتهم بمناديل,, والمشكله احنا ولا مره جبنا لها شرايح هي عندها جوال واحد وشريحه احنا جبناها لها علشان تكلم اهلها بس البطايق والشرايح الثانيه من وين جابتهم وهي لا تطلع ولا تروح مكان؟؟؟؟؟

والأكبر من كذا لقينا سكينه تحت مخدتها هنا احنا نصدمنا حييييييييييييييييييييييل,, ليه هالسكين وخفنا على عيالنا والحين خلاص نبي نسفرها قبل تسوي لنا بلاوي

[أعشقه]

اي شكلها تبي تروح تتجار فيهم تبيعهم هونيك
الزبده ياختي زين سويتو ونبشتو في اغرااضهاا
وحتى قبل ماتساافر غيرو شتطتها بكبرهاا نصيحه
ترى يغيبون فيهاا اشياء ماتعرفين شلووون
وملابسها لا تشيلهم معها غيرو لها ملااابسهااا
الشغالاات مالهم امااان
وقبل ماتسافرونها ودوها بيت اي احد من اهالكم وروحو انتو وشرو لها ملابس وشيلو شنطتها
وشيلوها ع طول للمطاار
اضمن لكم ولو تنبشونها بعد هي افضل لكم
/
لا تزعلين مني بعض الاحيان الطيبه توصل لسذاجه يعني تلاقينها مكيفه عليكم
تسرق من اختك ومنك وانتو مساكين ومدري ايش والله انتو المساكين هم يجمعون وفلوسنا بعملتهم ملااايين والوووف
انتبهو واحرصو ع اغراضكم مالكم بالخدم اخدمو نفسكم بنفسكم
انا زوجي اكثر من مره يقولي اجيب لك شغاله تساعدك ع العيال وع الاقل بالملاابس وانا ارفض
لاني اعرف البلاااوي الي تجي منهم وسالفة السرقه بالعمدا حطي فلوس وحاولو تراغبونهااا
واذا سرقتهم ع طول مسكيها قولي لها ببلغ الشرطه وقولي لها انا صورتك وانتي تسرقين خوفيهاا

[شوق وحنين]

الشغالات وما أدراكم ما الشغالات..

أتوقع انها فلبنية صح؟

احنا تأذينا معاهم..

لا وآخر خدامة كانت عندنا شردت واكتشفنا من وراها عصاااابة تجر الخدم للعمل في مكاتب بالساعات.. والعصابة هاذي شغالة في سفارتهم وتحت حمايتهم والدولة خبر خييير قوانينها ما ترد لنا حقوقنا

شاقول لج من بلاوي الله يغربلهم مثل ما غربلونا..