قصة ولادتي بحبيبي طلال

بنت القطان · 10-20-2012, 01:39 AM

بسم الله الرحمن الرحيم

شخباركم ياحلوين
اليوم بعد ما نام طلال وبمناسبة لابتوبي جديد قلت اكتب قصة ولادتي

طبعا انا دخلت الشهر التاسع وخلصته ودخلت العاشر وعطوني موعد للطلق الصناعي اكيد
لاني خذيت عشر ايام بالعاشر
طبعا كنت متخوفه نفس كل بكريه من موضوع الطلق الصناعي
من الخوف صرت امشي دبل وزودت السرعه قلت يمكن اولد طبيعي وبسرعه بس للاسف مافاد شي
لين جا هذاك اليوم يوم الاربعاء تاريخ 2 رجب الفجر
وحسيت بألم يجي ويروح وكل شوي يزيد طبعا انا مااتفاهم ع طول قعدت اصيح
لين رحت مريت على امي وابوي ومعاي زوجي ورحت الطواريء
كشفوا علي لقوا توسع 2سم قالوا انتي معديه التاسع دخلي تنويم

طبعا من الخوف قلت لا ماابي خلاص مافي الم وطلعت هههههه
ترا صدق راح الالم بوقتها

المهم طلعنا من الطواريء ورجعت بيتي ويرجع المحروس اللي هو الالم
ويستمر يجي كم ساعه ويروح
واتخيلوا انا اطلق من يوم الاربعاء لينزاد الالم يوم الجمعه تاريخ 4 رجب خلاص ماقدرت اتحمل ورحت ع المستشفى
هالمره اختي معاي خخخخخخ

شافوا عندي طلق منتظم ودخلوني تنويم طبعا لاحظوا ان طلقي حار وانا بس متوسعه 1سم
جاو ابوي و امي هالوقت وكانوا بالبحرين ماادري شلون جاو بنص ساعه

لبسوني وحطوني ع الكرسي ودخلوني يلاحظوني لان الضغط بدا يرتفع عندي
وكالعاده اختفى الطلق هههههه

وخلاص قرروا يعطوني تحميله توسع الرحم
وتجيب الموت بصراحه
عطوني اياها الساعه 12 الظهر يوم السبت
وبدت الازمه الساعه 5ونص اللي هو وقت الزياره والله يا بنات مت من الاحراج
تخيلوا في ناس وشباب واطفال غير زوجي وابوي وامي كانوا جايين يزوروني
انا بوقتها مااشوف احد بس صراخ والم قوي
طبعا صار الطلق حار وكله مرتفع ع الجهاز حتى تفاجأوا الدكتوره والنيرس
وجاني تشنج واغمى علي اربع مرات وتطريش والمصيبه كل هذا وانا متوسعه بس واحد سم هههههه اكشن
وكل هذا بنص ساعه

زوجي قعد يصارخ عليهم شافني تشنجت خاف ههههه
وابوي وقف بزاويه ومتكتف وخايف والله مايتكلم ههههههههه

المهم بعدها صعدوني غرفة الولاده وانا مازلت اصارخ واصيح والبكريات خافوا قعدوا يصيحون واتذكر الدكاتره كل شوي يجون يقولون بس يحبيبتي خوفتي البنات خخخخخخخخ

وانا مطنشه واتوسل بالممرضه اللي عندي اقول لها انا اسفه مااصارخ مره ثانيه انا احبج بس دخلوني قيصري ههههههه وبديت اسب بنفسي بعد
ما رضوا يدخلوني قيصري عطوني مهدي بسيط ما يسوي شي بس هديت دقايق وقعدت اقول حق الممرضه احنا دفعنا القدرات حق اختي هههههههه

واستمريت على هالحال من المغرب يوم السبت الى يوم الاحد مع اذان الفجر دعيت ربي اني اولد لاني تعبت والحمدلله بس خلص الاذان توسعت 10 سم وقعدت ادفع وطلع ولدي اللي مع شوفته نسيت كل الالم والله
حتى وقت الخياط ماحسيت فيها

اسفه اني طولت عليكم
نصيحه يابنات مستشفى الولاده والاطفال بالدمام كلمة روعه قليله عليه تعاملهم مره حلو
والولاده ماتخوف ولاشي والله بتكون احلى ذكرى يعني لاتخافون يالبكريات
ويا بنات احذروا تدعون شي غلط وقت الولاده لان الدعاء بوقتها مستجاب
انا دعيت لاختي بالحمل والحمدلله بعد 11 سنه الحين حامل ادعوا ربي يثبته ويقومها بالسلامه

محبتكم ام طلال

النوري84 · 10-20-2012, 02:26 AM

حمدالله على سﻻمتج...والف مبروك..

راما الدلوعه · 10-20-2012, 02:49 AM

الف الف مبرووووك والحمد لله على سلامتك وسلامة العريس

ملكتني بهمسك · 10-20-2012, 11:33 AM

مبروك ويتربى بعزكم والله يثبت حمل اختك ويفرحها زي مافرحتي بظناك

om aseel · 10-20-2012, 12:24 PM

الحمد لله على سلامتك ياقمر وعلى سلامة طلال ...~

sama7douce · 10-20-2012, 08:48 PM

مبروووووك يتربى في عزك و يا رب يثبت حمل اختك و يفرحها

solaf · 10-20-2012, 09:18 PM

الحمد لله على سلامتك و مبروك يتربى بعزكم
والله يثبت حمل اختك ويفرحها

جمره غضى · 10-20-2012, 09:30 PM

ماشاء الله
الف مبرووووووك

مخاوية الهم · 10-21-2012, 10:09 AM

الحمدلله على سلامتج ويتربى بعزج
بس ليش مدخلة ابوج و انتي تطلقين و تتألمي

ماحسها حلوة !!

سسارونه · 10-21-2012, 10:09 PM

ههههههههههه ياحلوك أنتي وقصة ولادتك -- الله يخليلك طلول وتفرحين فيه

يااااااارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اضرار طلاء الاظافر علي الحوامل ، طلاء الاظافر للحوامل ، مخطار طلاء الاظافر للحوامل	نفسي احبك	منتدى حوامل الطبي	0	09-01-2012 02:45 AM
قصة ولادتي بحبيبي بسوووووول	مبتسنة رغم الالم	إستفسارات مرحلة الولادة	26	07-07-2012 02:11 AM
قصة ولادتي بحبيبي ♥ وسام ♥	شموخ امرأة	إستفسارات مرحلة الولادة	32	06-14-2012 08:20 PM
قصة حياتي عفوا ولادتي بحبيبي مراد	فطومة	إستفسارات مرحلة الولادة	10	12-10-2011 07:27 PM
قصة احلى يوم بحياتي ولادتي بحبيبي قصي	ليلاااس	إستفسارات مرحلة الولادة	30	05-18-2011 02:34 AM