انا وخوات زوجي

[دليل اخت غزيل]

السلام عليكم ورحمة الله وبركاته
مشكلتي مع أهل زوجي من قبل زواجنا لأنهم اصلا مافكرو فيني زوجه لولدهم طبعا احنا
أقارب يعنى من البدايه مو مهضومه هذا مايعني انى شريره او كارهين لسانى الطويل
بالعكس انا انسانه فى حالي ولا احب المشاكل المشاكل بدت وانا مالى الا شهرين يعني لسى
عروس المفروض اسمع من اهله كلام حلو بس سمعت الكلام اللى يقهر كلمته بأنه وصلنى
كلام من اهلك طبعا خواته بالتحديد والمفروض مايقولن هذا الكلام هو كلم خواته وواجهنى فيهن طبعا حطونى كذابه وانى ماحبهن ومن هالكلام جلسنا فتره وبعدها وصلنى كلام ثانى
الصراحه انزعجت وكلمت الاخت الكبيره انصدمت كيف وصلنى الكلام قسم بالله انها قلبت
السالفه علي وحطتنى الغلطانه وخلاني زوجي عند اهلى شهرين وهي السبب هاذى الكبيره الثانيه جلست اربع سنوات ماتسلم علي الحين رجعت تسلم بعد ماكثر عليها كلام الناس انه
ليش ماتسلمين اساسا مابينى وبينها مشكله بس كذا الاخت الثالثه الحالها حكايه هاذي بس تشوفنى كأنها شايفه جني بسم الله الرحمن الرحيم ماتجلس فى المجلس اللى انا
فيه لدرجة ان عيالى ماتسلم عليهم يقال بتقهرني او انى بأزعل ماتدري ان سلامها وعدمه
واحد لو كان فيها عقل من الاساس مأحط عيال اخوي فى السالفه تكرهنى أنا يأمهم عادي
بس تكره اطفال ولا تسلم عليهم الصراحه تخلف وهالحركه منها ماتحرك فينى شعره
الاخت الصغيره عادى علاقتى فيها سطحيه او رسميه سلام بدون سوالف او ضحك يعنى
ماشى الحال و الزوج يدري عن سوالف خواته بس عادي السؤال اللى محيرني هل هو مقهور
من تصرفاتهن ومايبى يقول شى عشان امه ماتزعل والا عادى عنده خصوصا هاللى ماتسلم
على عياله انا ساكته ماقلت له ليش هالتصرف من اخته انها ماتسلم على اطفال مالهم ذنب
علشانها مثل ماقلت سلامها وعدمه واحد ماتهمني والمضحك المبكي انها ماتسلم على عيالى
وتسلم علي طبعا مجامله قدام الناس مو لأنه السلام لله هاذى مشكلتي مع خوات زوجي هل من
تعليق ؟