مارايكم بالسفر للحامل بالشهر الثالث؟؟

[طفله ع ‘ـشرينيه "]

السلام عليكم ورحمه الله وبركاته

شخبـاركوم حبيباتي .. وش مسووين ..
والله محـتاره حيييل وفكرت وفكرت قلت مالي الا انتوا اجي اشاوركم لانكم عايشين وضعي اكثرركم طبعا ...
حبيباتي انا في الشهر الثالث بدايته ..

طبعا اهلي مسافرين ولا راح يرجعون الا نهايه الاجازه يعني بيتعيدون وبيصومون في جده .. وزوجي ظابط ويستلم ومو فاضي لي ..

ولا في احد هنا في الرياض والله تعبت وانا اورح لعمي وصديقات ماما بتقولون روحي لجدتك جدتي مسافره وخالاتي معها .. اهلى كلهم هناك يعني .. اللي هنا خالاتي اللي ساكنين ببيوت حمايل يعني صعبه اروح لهم ..

وانا نفسسيا تعبت مقدر اجامل وعارفين فتره الووحم :(
وكل مااروح لااحد ياالله ابي انام ابي اسووي ابي اكل ابي اروح للحمام الله يكرمكم ابي انسدح ابي اغير ملابسي وارتاح ..
وانتوا عارفين وقت اجازه والناس ببيوت بعض وماعمري رحت لااحد الا عندهم احد ومحد بيعرف نفسيتي غيرري .. والله تعبت مرررررررررره

كان موعدي عند الدكتوره يوم الاثنين هذا اللي قبل يومين وقلت للدكتوره حالتي وزي كذا وقلت لها ابي اسافر قالت لي الدكتوره المفروض امنعك بس بما انك انتي محتاجه السفر رروحي بس تعالي الاسبوع الجاي واسوي لك اشعه مو سونار واشوف وضع الجنين والمشيمه وكل شي واقوولك اذا اي والا لا طبعا عطتني موعد يوم الثلاثاء الجاي ...


للحين مافي مشكله
بسس .. زوجي موافق وقالي سوي اللي يريحك ومن قبل يسافرون اهلي وهو يقولي تبين تروحين معهم رروحي تعالي تعيدي عندي وبعد العيد نلحقهم انا وياك .. للحين زوجي مقتنع

بسس ماما وبابا منهبليــــــــــــــن
كل مااكلمهم يتشاامون .. لان زوجه بابا سقطت بالشهر الخامس لما سافرت بالطياره .. وصارت خلااص اي احد يركب الطياره وقت الحمل يعتبرر خطر عليه ..
امس ماما تكلمني والله صوتها خاايفه تقوول لي ياماما اصبرري ياماما لا ترجعيني عشانك خليك عند زوجك وانتبهي لصحتك لاتخسرين جنينك ..
وبابا بعد كلمني وهو يقول شوفي وش صار لخالتك " يقصد زوجته " وشوفي ومدري ايش ..

واقوولهم بس انا رحت للدكتوره
ويحاولون يخفووني

انا متوكله ع رربي حتى قلتها لاامي قلت من اليوم ليوم الثلاثاء الجاي اللي هو وقت الاشعه لو انا ماتغير تفكيري بالسفر بجيكم اذا صارت الامور تمام وقالت لي الدكتوره سافري بس الدكتوره والله ماخوفتني ابددد قالت اذا طياره عادي بس اهم شي يكون المقعد مريح وترفعين رجولك اذا عورتك لو تمشين شويا وترجعين طبعا 45 دقيقه مابين الرياض وجده ...


انا استشيرركم انتوا


لاتجيبون لي مواضيع من النت .. كل شي بالنت عن السفر بمنتداكم وغير منتداكم قرررريته

وانا مقتنعه ان ان شاء الله مافي خووف زي اول
بس كيف اقنع اهلي وكيف اريح ماما وبابا
ابيكم انتوا بخبررتكم تحاكوني وتقولون لي مابي مواضيع تنكتب ابيكم لو بدعوووه وانتوا تقولون اللي بقلووبكم كله عن السفررر من خلال تجاربكم سواء لكم اول لغيركم



ولكم تحياتي حبيباااتي وطلببببتك ردوا علي باقرررب وقت لاني مافيني اصبرررر