بسم الله الرحمن الرحيم
اما بعد راح احكى لكم قصة زواجى ثم من بعدها طلاقي والاحداث االى مررت فيها
انا تزوجت رجل متزوج وعنده اطفال ..وكنت بالبدايه واقعه تحت ضغط اهلى لاني كبرت وم تزوجت دخلت الثلاثين وباقي عانس ..
ومن هالكلام ..المهم اول رجل جاني تزوجته
وكانت حياتنا تمام بداية زواجنا الشهاده لله كان ممتاز في الصرف على بيته وعلى بالبدايه لكن لاحظت خوفه الدائم من زوجته لدرجة انه م يكلمني قدامها يخاف بالحيل :( وكنت انكت عليه
واضحك ي خواف وي وي وهو يضححك معى لين حملت بعد م حملت لاحظت تغير تجاهى كنت لاطلبت اجازه عند اهلى وافق ع طول واقعد عند اهلى بالشهور وعادى عنده .؟اعرف الرجل لاحب الزوجه يكون متمسك فيها لكن هو م كان يبين لي وكنت لاطلبت اروح لاهلى يقولى روحى لين ولدت ..المهم بعد نفاسي مريت بتعب وطلبت منه اقعد عند اهلى وكنت تعبانه مره مره المهم كنت اطلب منه يجي يقرا علي وكان بالفعل يجي يقرا علي وكنت ابككى بحرقة من التعب الى فينى المهم ويوم طلبته قال مقدر اجى حسيت انه بدا يمل منى لانى تعبانه وكانت شقتنا جنب اهلى وكان لا بغانى يتصل علي يقول روحى للشقه واروح خوفا من الذنب ويوم يطلبنى واروح ...قال احنا بنسافر انا واهلى بروح لينبع يومين ونرجع قلت الله يستر عليكم
المهم اخذ يومين م اتصل وادق عليه قلت وينكم قال في الشرقيه قلت وانت قلت بتروح لينبع
قال عاد بمشي عيالي انا وقتها انهرت تخيلو تعب على تعب وتخليه عنى وروحته للتمشي مع زوجته وابناىه وانا تعبانه ...على فكرة بشهر العسل زوجته تعبت وقطع الشهر علينا وراح عندها ..وم قلت حاجه سبحان الله وانا طالعه من الاربعين وما مشاني راح يمشيها المهم انهرت كنت ابكي بالليل وقلبي متقطع تخيلو من شدة الحره احس النار بكبدي والعه :( قلت لازم لازم اتخذ قرار يريحنى لان معى بنت لازم انتبه لها وبهالوضع مقدر ..لانه شكل بالنسبه لي ضغط ..وكان يخاف ع بناته منى حصل موقف انه كنا عند امه وكان ع الطاولة ربطات شعر لبنت من بناته وكنت عادى جالسه المهم دخلت الغرفة يوم طلعت لهو مخبي الربطات انا مقدر اضلمه يمكن الشغاله خبتها او يمكن هو ..بس م كان يثق في ع الرغم انى اصلي واقرا القران مدري متوقع انى اوذي بناته ليه ؟؟حسبي الله ونعم الوكيل المهم اخذت اجازة منه ورحت اتعالج
ولما رجعت بفترة لقيت رساله من زوجته ع جوالى تدعى علي وتهددني قلت خلاااااااااااااااااااااااااااااااااااااااااااااااا اااص طفح الكيل معهم ع كثر الظلم الى جانى وع فكرة زوجته دايم ترسل لي رسايل دعاوى وشتم وسب ....
انا هنا استخرت واستخرت وربي مولاى اختار لي الخيره وانفصلت عنه والحمدلله الحمدلله الذي لايحمد على مكروه سواه ..
الله يعوضني خير ويسامحه مهما كان ابو بنتي الله يستر عليه ويخلي له عياله وانا الله يشفيني
ويخلي لي بنتي واهلي اللهم امين