اناشيد للبيبي

[حبيبه]

مثل ما احنا عارفين ان الامهات ينشدون للبيبي اناشيد رائعه مليئة بذكر الرحمن والقرآن وبعضها اناشيد خاصه للنوم وبعضها خاصه لبعض الاسماء المتكرره مثل محمد وعبدالله وفاطمة واحمد وووووغيرو من الاسماء اللي دايم الناس تسمي عليها
وبصراحة من خلال هالموضوع حبيت ان نتشارك في الاناشيد الخاصه للمولود (للبيبي) حتى نجمع اكبر عدد من الاناشيد
وحابه ارددهم واحفظهم من الآن علشان ما يجي البيبي الا عندي كم كبير من الاناشيد اللي انشدها له وانا العبه من وهو في الامهاد

تكفوووووووووون لا تبخلون علي بالاناشيد كل اللي تعرفونه كتبوه
وإن شاء الله احاول اسأل واكتب لكم

[الشوق عطري]

هلا وغلا

غااليتي اني اعرف انشووده اذا صااح البيبي نقوولها


سنور تت ما عندنا الا ....... اسم البيبي

تصيح وتسكت

اتمنى تكووون حلوه

واذا سمعت بااي جديد جاايه هناا اقولك

[حبيبه]

هلا وسهلا
منورة ياقلبي
ان شاء الله ما تنسينا من اناشيدك الحلوه يا لشوق عطري


وهذي وحده وراجعه

لتنويم الطفل

" يا الله تنام ، يا الله تنام ، واذبح لك جوزين حمام "

تهاليل للطفل

"لآآ اله الا الله محمد رسول الله..
يفنى الخلق ويبقى الله لآآ اله الا الله..."

غنية استفاقة الطفل من نومه

"صباحك صباحين صباح الكحل في العين"

"صباحك بدري احبك وانت ماتدري"

"صباحك صباحك ...... لولو البحر مسباحك
عسى البين ميندلك ...... ولا يسمع اصياحك"

"صباحك صبحنـاه والشـر عنـك زحنـاه
والخير لـك نتمنـاه واحنـا ويـاك نتلقـاه
صباحـك الـورد والخيـر كلـه والسعـد
على جبينك ينعقـد وابعيـد عنـك الحسـد"

[حبيبه]

يالله تنام يالله تنام
يالله يجيك النوم
يالله تحب الصلاة
يالله تحب الصوم
يالله تجيك العوافي
كل يوم بيوم



يالله تنام يالله تنام
لاذبح لك طير الحمام
روح يا حمام لا تصدق
بضحك على ....فطومه...."تذكر اسم الطفل" لتنام

[أم ياسمين]

لولووا.....لولووا
تنام نومة هنيه
نومة الغزلان في البريه
لولووا....لولووا

[حبيبه]

وين التفاعل

[همس الخيال]

انا كنت انوم ولدي على هذي مع انها للبنات:
يلا تنام ريما
يلا يجيها النوم
يلا تحب الصلاة
يلا تحب الصوم
يلا تجيها العوافي
كل يوم بيوم

يلا تنام يلا تنام
لادبحلا طير حمام
روح يا حمام لا تصدق
بضحك عا ريما تتنام

ريما ريما الحندقة
شعرها أشقر منقى
ولي حبك بيبوسك اللى
بغضك شو بيرتقه

يا بياع العنب والعنابية
قولوا لأمي
قولولا لأبي
خطفوني الفجر من
تحت خيمة مجدلية

التشتشي التشتشي
والخوخ تحت المشمشية
وكل ما هب الهوى
لاقطف لريما مشمشة

هى هى هى لينا
دستك لكنك عرينا
تا نغسل ثياب ريما
وننشرهن عاليا سمينا

[حبيبه]

مشكورة اختي الغاليه
وعقبال باقي الكروشات
ينزلون لنا كم انشوده او هدهوده حلوه وجميله

[طير الحب]

أبوك رجال أجودي وأصل أمك ماهو ردي حيي الجدود جدودك وتمر الخنيزي خدودك ويلي مايقول لك عيني يعمى بالثنتيني ويطلق أم عياله ويكثر عليه الدين ويلي مايقول لك مرحبا لاعاش ولا ربى ولاعيد يوم عيد ولالبس ثوب الجديد ويلي مايقول لك ريته يعمى وآنا دليته

[FoOoFoOo]

رفع رفع رفع..