أتمنى أحد يفيدني ..

[Auosh_17]

السلام عليكم و رحمة الله و بركاته

أخباركم .. أن شاء الله بخير ..

حبيت اسال للي عندها خلفيه عن مستشفى المواساة بالدمام

أنا اراجع عندهم و سمعت كثير يذمون فيه و و خفت ..

انا اراجع عند دكتوره حنان هي مره حبوبه و طيبه و ارتحت نفسيا عندها بس للاسف

تقول ماصارت تولد اللي تولد المناوبه عاد على الحظ

اللي تتعالج عندهم اتمنى تفيدني ريحوني الله يريح قلوبكم

و بس متشكرين

[دلوعة بالحيل]

ما اعرف انا من جده
بس حبيت ادعي لك
ربي يتمم حملك و يسهل عليك
و يرزق كل منتظره الحمل

[Auosh_17]

المشاركة الأصلية كتبت بواسطة دلوعة بالحيل

ما اعرف انا من جده
بس حبيت ادعي لك
ربي يتمم حملك و يسهل عليك
و يرزق كل منتظره الحمل

مشكوره حبيبتي ماقصرتي

اللهم امين

[إحساس إمرأة]

حتى انا ما اعرف عنة شيء
ان شاء الله الاخوات يفدونك
ربي يتمم حملك و ييسر امورك يااا رب

[إحساس إمرأة]

و هذا المعلومات من عم قوقل
ان شاء اله تستفد يفيدك



بصراحه زي ماهو واضح من العنوان حبيت اتكلم عن مستشفى المواساه بالدمام واللي عندها اي استفسار عنه ان شاء الله اقدراساعدها لاني بصراحه يوم كنت حامل ادوشت قوقل معي وانا ابحث عن مستشفى المواساه بالدمام وللاسف اغلب المواضيع قديمه ويادوب القى فيها معلومه او معلومتنين فمن هناحبيت اني احط موضوع عن المستشفى بحكم اننا قراب منه فلازم اولدواتعالج فيه واجاوب عن استفسار اي وحده متوهقه مثلي زمان

عاد اذا كان هناك بعض الاشياء الي مااعرفها لاتلوموني تراي والده من سنهخخخخخ ،، يمكن يكون فيه عضوات عندهم خلفيه بس ان شاء الله احاول اجاوب قدر المستطاع واذا ماكان عندي خلفيه عن السؤال بحاول اسأل ان شاء الله..

طبعا ياطويلات العمر انا مثل ماقلت لكم والده من سنه الله يحفظ لي بنوتي وهذا الموضوع ببالي من يوم عمرها 3شهور بس سبحان الله ربي مايسر لي كتابته الا الحين ،،،اهم شي الفايده والاخلاق وحب الوطن>>>وش جاب ذي..

تعرفون مشاغل الدنيا الله يصلح الاحوال..

ماأطول عليكم

بالنسبه للنظافه تقريبا كانت ممتازه بس لاني ولدت ع الساعه12ونص مساء رحت ع غرفتي متاخر فماكان فيه احد ينظف>>>الناس نايمه ،، بس ماجات الساعه 6الا تقولين خلية نحل ماشاء الله الي جايه تنظف والي جايين يشوفون الوظائف الحيويه والاخصائيه جات تسالني اذامضايقني شي وبعدها جت الي تشرح اشلون ارضع البيبي وتكلمت عن اهميت الرضاعه الطبيعيه بس بصراحه كان ودي اطردهم كلهم لاني مانمت باليل من الالم احس الطلق لسه معاي حتى بعد الولاده وطلبت من الممرضه انها تعطيني ابره مسكنه لان دقيت عليها يمكن الساعه2 وقلت لها تجيب لي حبوب مسكنه وقالت لي يبغى ابره قلت لا وع الساعه 5 زاد الالم واستسلمت للامر الواقعوخليتها تعطيني ابره..

بالنسبه للاكل تجي وحده تسالني اذا ابي دجاج اولحم بس والله اني ماني معاها ،،وكانوا يقدمون لي طبق فاكهه هديه من المستشفى كل يوم..

الممرضات بصراحه أول ماجيت ربي سخر لي ممرضه عسوله هنديه اسمها ندى الله يسعدها وين ماكانت ،،
أنارحت المستشفى يوم الجمعه ع الساعه 7مساء وكان الرحم مفتوح 2 سانتي مع انه من يوم الاربعاء وهو مفتوح 1س فقالت الدكتوره بنكتب لك تنويم وكانت ندى هذي هي الي ماسكه حالتي الين ماطلعت من غرفة الولاده وكانت مهتمه فيني مرره وانصحكم انكم من تدخلون التاسع (تدعون الله انه يسخر لكم الصالح من عباده )هذي وصية أختي لي وبالفعل أحسها تحققت في هالممرضه..

غرفة الولاده دخل زوجي معي يسمحون أنه يدخل هذي كانت امنية حياته بس يوم قرب البيبي يطلع طردوه عند الباب عشان مايمديه يشوف شي خخخخ

الي ولدتني وحده اسمها منال اول مره اسمع فيها بصراحه شكلها بس تولد لان كان الشفت لدكتوره نجوى بركات وع وقت ولادتي قلب الشفت وكنت أول وحده تولدها منال
بس والله وناسه تكونين الاولى يابنات كانت الدكتوره مستانسه ورايقه..

الخياطه وآآآه منها بصراحه اول ماولدت استانست لان احسها خيطتني بقلبها عشان زوجي موجود ويمكن لان انا اول وحده ببداية دوامها لدرجة قالت لزوجي عملت لك خياطه لك وللزمن
عاد زوجي تشقق من الوناسه

بس تقريبا من ثالث يوم احسها مررره مشدوده وتعورني مااقدر اوقف اكثر من دقيقه،، وبعد اسبوعين ألمتني واجد واحسها التهبت ورحت لدكتوره نجوى لانها تعتبر هي الي استلمت حالتي اول مادخلت المستشفى ويوم كشفت علي قالت ان الخياطه زي الفل وعطتني كريم ميبو بصراحه مريح وقالت استمري ع الغسول وحسيت اني ارتحت اشوي ،،، بس كل مااتذكر احسه شي مؤلم

مممممممممممم بس هذاالي أتذكره وعموما أنا كتبت هذى الموضوع للي قاعده دور عن معلومات عن مستشفى المواساه ،،ولاتنسونا من صالح دعواتكم..

العذر والسموحه إذا كان الموضوع ملخبط بس أنامسكت الكيبورد وانطلقت الكلمات وكل امنياتي انكم تستفيدوا من الموضوع،،والله من وراء القصد..


دمــــــــــــــــــــ بود ــــــــــــــتم

الله يجزاها خير الاخت اللي كاتبة الموضوع

[Auosh_17]

مشكورة اختي إحساس على هالمعلومات الله يجزاك الخير

ماقصرتي

[دانة عبودي]

أنا من جددة ... بس ان شاء الله ربي ييسرلك امرك ويكتبلك الي فيه الخير يارب....

[lala1]

الله يقومك بالسلامة

اختي ولدت أثنين من عيالها الله يحفظهم قيصرية

في المواساة . وبصراحة مرره تمدحهم


إن شاء الله البنات يفيدوكي .

[أسيرة زوجي]

الله يتمملك بخير و عافية يا رب

ما عندي فكرة حبيبتي

ان شاء الله بنات المنطقة يفيدوك

[Auosh_17]

المشاركة الأصلية كتبت بواسطة دانة عبودي

أنا من جددة ... بس ان شاء الله ربي ييسرلك امرك ويكتبلك الي فيه الخير يارب....

اللهم امين و الجميع

مشكوره حبيبتي