اعاني من بعض الاعراض ارجو افادتي

[7o0or1100]

سلام عليكم احبتي

مابي اطول عليكم ابي اشرح لكم وضعي
واللي عندها خبره تفيدني
وياريت في دكتوره بالمنتدى تفيدنا اكثر .......


انا بالشهر الثامن ب الضبط الاسبوع الاخير من الثامن

وتاعبني الم ظهري وجنبيني الايسر والايمن خصوصا لاصحيت من النوم مااقدر اتحرك.

تثقل رجليني من الالم لازم اخلي زوجي يمسك يدي عشان اقوم

وتاعبني بعد الانتفاخ برجليني ويديني رحت للطوارئ قالت لي مافي خوف اذا الانتفاخ برجلينك الثنتين
يصير خوف اذا بس برجل وحده او يد وحده

بس الم يذبح مااقدر حتى اصلي الا وانا جالسه

وتقولي الدكتوره لاتتحركي كثير اذا منتفخه رجلينك
طيب حا فبالي سؤال كيف مااتحرك كثير وانا على وشك ولاده
مفروض امشي حتى تتسهل ولادتي ؟



واخر شي
فوق تعبي والالم اللي انا فيه جاني زكام
شسوي وشنو اخذ
مااقدر اتنفس عدل وانا نايمه اختنق





بليز. افيدوني

[إيـمـان]

الله يكون بعونك حبيبتي
و انا مثلك لسه بالسابع و بحس بهالأعراض اللي ذكرتيها
ثقل بالرجلين و تشنج بالرجل و اليد سألت الدكتوره قالت الألم عادي من الثقل و التشنج نتيجة نقص بالماغنيزيوم ووصفتلي حبوب ماغنيزيوم
بس انا الحمد لله ما عندي انتفاخ
بالنسبه للمشي و الله ماعندي علم ان شاء الله غيري يفيدي
الله يقومك بالسلامه يارب

[بحــ العيون ــــــــر]

الله يكون بعونك حبيبتي
والبااااااااااااقي ان شااااااااااااااااااااااااااء الله البنات مااااااقصرو يعطيهم العاااااااااااااااااافيه
وبخصوص الزكااااااااااااااام
اعصري برتقااااال مع ليمون وحطيهم على النااااااااااااار بس دفيهم مو تغليهم وحطي ملعقة عسل
وان شااااااااااااااااااااااء الله ترتااااااااااااااااااحين وتروح

[أم أحلى بنوتهـ]

ياماما هالمشكله ماتحتاج دكتوره

طبيعيه هالالام مع الثقل كل شي بيوجعك

يمكن الدكتوره قصدها لما تدخلي التاسع تحركي

لان الولادة الطبيعية تصير من اول اسبوع بالتاسع لاخر اسبوع،
الله يعينك ويسهلك

[نعيمة الجزائرية]

حبيبتي انا في بداية الثامن واعاني من نفس الالم ، ذهبت بالامس لطبيبتي فوصفتلي حبوب المغنزيوم 250ملغ قالتلي ستخفف عليك مع التدليك بزيت الزيتون ، واليوم احس ان الالم خف والحمد لله،اما بالنسبة يااختي للزكام اذا كان قوي فلابد لذهاب لطبيب يوصفلك دواء فالمضادات الحيوية القليلة التركيز مسموحة في الحمل مثل كلاموكسيل 1غ المهمل قبل اخذ اي دواءلابد من استشارة طبيبك

[&ارجوان&]

انا توني بالسادس واللم من بدايه القدم الي الحوض ورجولي الاثنتين احسها ثقيله ولما امشي فيها اللم يزيد والله يعين ويهون علينا يارب الحمدالله اهم شي نولد بسلامه

[إحساس إمرأة]

ماشاء الله الاخوات ما قصروا معك يالغلاا
الله يكون بعونك و يتمم لك على خير ياااا رب
و يسهل ولادتك و تقومين بالسلامة ان شاء الله .

[إحساس إمرأة]