السلام عليكم ..
حبيت اقول لكم مشاكلي الصحيه اللي كانت تمنع حملي وكيف تخلصت منها بدون علاجات .. و ادعوووووووولي الله يثبت حملي ويرزقني الطفل السليم المعافى ..
اول شي مشاكلي هي ..
1/ تكيسات عالمبيض الأيمن كثيره ..
2/ كيس مائي حجمه 7×4 عالمبيض الأيسر
3/ اضطراب في هرمون الغده الدرقيه يرتفع مره وينزل مره ..
4/ هرمون الحليب ارتفع بعد الزواج بشهرين
5/وطبعا الدوره غير منتظمه بسبب كل هالمشاكل ..
طبعا هالمشاكل معي من لما كنت بنت بس أهملت نفسي وبعد الزواج لما ماحملت خلال الثلاث الشهور الاولى قررت اروح اعالج .. ولما رحت قالوا كل هالمشاكل فيك وتبين تحملين ؟؟؟
لازم اول شي تاخذين مانع حمل لمدة 4 شهور ولازم كلوفاج ولازم بعده كلوميد وبعدين الابره و و و الخ
انا خفت لان المانع حلفت ما اخذهم وقلت لزوجي ماراح اعالج لان لهم مضاعفات وكذا .. و زوجي رفض لأنه مستعجل عالحمل .. قلت طيب عطني مهله شهر اذا حملت خير وبركه واذا ماحملت اوعدك اعالج .. هو كان يضحك ويقول كيف قلت ماعليك .. واتفقنا ..
صرت الح بالدعاء وبكل الا قات وخاصة اوقات الاستجابة و ادعي الله بلهجتي بدون ما ارتب الكلام ..
و لما اصلي احاول تكون الصلاة بين الاذان والاقامة عشان بأول سجده ادعي الله ( ربي لاتذرني فردا وانت خير الوارثين ) 40 مره
و صلاة المغرب بين الاذان والاقامة اشرب ماء زمزم وقبل اشرب اكون على وضوء ومستعدة لصلاة المغرب استقبل القبله و ادعي بالماء وبعدهت اسمي و اشرب على 3 دفعات .. وبعدها ادعي مره ثاني و اشرب ع شوي شوي و ادعي واشرب .. كنت ادعي يارب كما فرجت هم هاجر بهذا الماء فرج همي ... يارب ارزقني الحمل السليم المعافى .. يارحيم لاتذرني فردا وانت خير الوارثين ... يارب ياحي ياقيوم بشرني بالحمل كما بشرت زكريا بيحيى .. يارب انك على كل شي قدير .. يارب يامن رزقت مريم وهي عذراء ولم يمسسها بشر ارزقني الحمل يارب انه عليك هين .. وبين كل دعوه اشرب شوي و اكمل دعاء .... لين يأذن واقوم اصلي المغرب .. ومرات كنت امسح بطني بزمزم وانا ادعي هالادعية ...
وكنت اتصدق على العمال اللي بالشارع أي عامل اشوفه اطلع اللي معي مهما كان لاتقولين قليل مايسوى يعني اللي معك صرف حتى لو ريالين .. وكنت اسمع سورة مريم وانا اشتغل بالبيت ومرات ابكي لما استشعرها .. ومرات على حسب الاية اكلم الله يعني لما يقول هو علي هين .. اقول سبحانك ربي هو عليك هين يارب ارزقني كما رزقت زكريا يارب بشرني كما بشرته .. وعلى حسب الايه اسبح الله واحمده و ادعي .. ومن كثر ما اسمعها حفظتها .. و الحمدلله ما مر 3 اسابيع على هالاشياء الا حملت وكل شي اختفى وحتى الدكتوره استغربت وسئلتني كيف وجاوبتها ..
اسفه طولت عليكم بس حبيت اشرح لكم بالتفصيل و اذكركم ان الله قريب سميع وعلى كل شي قدير ...
الموضوع الجاي بيكون اعراض حملي من وقت التلقيح الى التحليل الايجابي .. الله يرزق الجميع الذرية الصالحه
ادعوا لي الله يثبت حملي