ترتيب أدوات التجميل _ التسريحه

[بحــ العيون ــــــــر]

شلونكم يا حلوات

كلنا عندنا هوس بأدوات التجميل سواء للجسم/شعر/مكياج .. أنا شخصياً كانت الفوضى تعم المكان في غرفتي وهذا يخلي وقتي قدام المراية كله تناحه ودواره للأغراض ..

لكن بعد ما رتبت كل شيء و نظمت كل شيء صرت أستمتع بزاويتي البنوتية ..

أتمنى تستفيدون مثل ما استفدت بهذي الطرق البسيطة والسهلة في تنظيم أغراضك ومكياجك ..

أدوات التنظيم متوفرة في كل مكان، اللمسات التنسيقية هي اللي تسوي الفرق

***

طــاولــة الــتــســريــحــة

أولاً نبدأ بالأشياء اللي على الطاولة ..

سطح الطاولة ممكن تخلينه زي ما هو أو تقدرين تحطين غطاء سواء قماش أو بلاستيك أو حتى زجاج كحماية من الخدوش ..

من الجميل عرض فرش المكياج على الطاولة، بتخلي عملية وضع المكياج أسهل لأن كل شيء قدامك جاهز للاستخدام ..

نجي للتنظيم .. الخيارات واسعة جداً في هذا المجال، تقدرين تجيبين مزهرية عادية أو كاسة كبيرة وتعبينها ورد مجفف أو لولو أو حجر ملون وتغرزين فيها الفرش وبتوقف بشكل حلو، أو لو كنتي خايفة على الفرش من الغبار مزهرية لها غطاء ..

لسهولة الوصول لكل فرشة وزعيها على حسب النوع (الوجه مع بعض/العيون مع بعض.. إلخ) ..

نصيحة: ممكن تخصصين كاسة للفرش اللي تحتاج غسيل عشان إذا اكتمل العدد، تغسلينهم مرة وحدة ..

فيه في السوق أدراج بلاستيكية أشكال وأنواع مناسبة لجمع فيها المكياج وحجمها صغير تحطينها على الطاولة، برضو للي تبغى طاولتها فاضية عندك طاولة رفوف متنقلة (صورة: أعلى اليسار) ..

إذا عندك مساحة الطاولة صغيرة بإمكانك تجيبين ستاند تثبتينه وترصين أغراضك عليه (الصورة: أسفل اليمين) ..

***

خصصي كاسة لأقلام الكحل والمسكرا وكاسة للقلوسات ومحددات الشفاة، وبالنسبة للباليتات تقدرين تجيبين منظم الملفات من المكتبة وتحطينها فيها أو تخصصين لها درج ..

لإضفاء منظر أنيق للتسريحة حطي أعواد الاذن والقطن في حاويات زجاجية، وشخصياً أحس ضروري يكون عندك مراية صغيرة للمكياج (ايكيا عندهم أشكال حلوة) ..

نصيحة: الأدوات اللي تستخدمينها يومياً حطيها قدامك عشان يكون أسهلك الوصول لها ..

***

الأدراج

بالنسبة للأدراج يُفضل تحطين سلال أو مقسمات للأدارج عشان ما تصير فوضى في أدراجك، ايكيا فيها أشياء كيوت وأسعارها مناسبة، أو تقدرين تشترين من قسم أدوات المطبخ مقسمات الأدراج وتحطينها لمكياجك ..

بالنسبة للتنظيم .. خلي الأشياء المتشابهة مع بعض (الفاونديشن مع بعض/البرايمر مع بعض/البلش مع بعض.. إلخ) ..

***

دولاب إضافي

أذا التسريحة ما تشيل كل أغراضك جيبي دولاب رفوف (حق الكتب) وحطي المناكير وأدوات الأظافر كلها سواء زي ماهي أو تجيبين من العلب حقت الهدايا الكبيرة يكون شكلها حلو وتجمعينهم فيها ..

حتى أدوات الشعر (سشوار/فير) تخصصين لهم مكان محدد مع الأمشاط ..

بالنسبة لكريمات البشرة وأدوات الشعر أو العطور جيبي الأرفف الدوارة (الصورة: أسفل اليسار) ..

إذا عندكم بنات صغار بالبيت طبقوا لهم بعض الأفكار عشان يتعودون يرتبون قرابيعهم و عشان ما تضيع

*