ارجوكم الحقوني ابغي رايكم

[مجنونة زوجي1]

السلام عليكم ورحمة الله وبركاته
انا ذكري زواجنا بعد شهر ابغي حركات شي بالبيت وش اسوي البس فستان زواجي واروح لي كوافيرة وابغي حركات ع السرير كيف اسوي مفرش اسوي قتوة وش احط الله يخليكم اللي تعرف تقولي ولا اللي سوت قبل كذا تقولي انا هذي اول ذكري زواجنا تمر الله يخليكم لاتبخلون علية وش الهدية مااعرف شي قولوا لي كل شي

[المنتظرةبشارة ربي]

يسعدني اكون اول من يرد عليك شوفي مكان يسوي قتوهات عليه صورته اما الهداياء ع حسب ميزانيتك اما بنسبه للغرفه النوم لاحاف جديد ومكتوب عليه اسمه مثلا وكلمه احبك بالورد الطبيعي ولا تنسين الحمام فواحه وشور جل بالبانيو اذا عندك مع ورد منثور وتدرين ايش المهم انك تشوفي السعادة بعيونه والدهشه
وييييييييياااااارب يخليكم لبعض

[أإأم ع‘ـــزُوـوزُ]

خليهـآ ليله حمرآ لآ يروح بالك بعيد يعني خلي كل شي أحمر باحمر إلبسي أحمر وقميص نوم أحمر

وقاتوه أحمر ومفرش أحمر وورود والإضـآءه والشموع احمر ومكياجك احمر سوي شكل قلب على السرير بالشموع او الوردد

إعمي عينه بالأحمر خخخخخخخخخخخخخخخخخخخخ

أو إطلعي إعزميه على عشا رومنسي بمطعم رومنسي وجيبله هديه معهـآ كرت الزوآج كذكرى

الله يسخرلك زوجك ويخليه ليك...

[قلب مزقته الجراح]

انا اقولك انو يكون في فندق احسن تغير وفي بعض الفنادق يزينون الغرفه لك والهديه ممكن اذا ماعنده لاب توب او جوال ايفون بما انو هو الدارج هالايام للرجال او ساعه او مساج او بجامه او بدله او قلم وكابكات ولله يوفقك ويسعدك يارب

[مجنونة زوجي1]

مشكورين ياحلوين

[طبيبة القلوب]

بنات ,,,,,,احلى شي الاحتفال بمناسبة الزواج الاولى خصوصا ...
ماراح ازيد ع كلام البنات افكارهم حلوة .......

انا اول ذكرى ززواجي ويوم ما حجزت مع الكوافيرة واشتريت فستان ... تتوقعوا شو صار
؟؟






انكسرت رجلي العصر ورحنا جبصناها وقضينا هاليوم بالمستشفى
ههههههههههههههههههههههههههههههههههههههههههههههههه



الله يهنيكم كلكم

[ملكه بعيون زوجي]

حبيبتي انا اول ذكرى لزواجي كانت مميزه جدا رغم انها بسيطه انابيتي قبل غرفة النوم ممر طويل شوي اشتريت قماش ساتان احمر المتر بخمسه ريال ومديته في الممر الى الغرفه وعلى طوله حطيت شموع مع الاطراف ووزعت الشموع في الغرفه وعند الشموع وزعت صور زواجنا يعني خليتها ورا الشموع على كل شي صوره التسريحه والشانزليه والكمودينات ووزعت معاها ورد مجفف وطالع خيال مع الشموع والصور طبعا شيلي كل شي كان عليه عطورات وماكياج وكل شي
وجهزت طاوله وفرشت عليها من القماش وحطيت عليه بشكل مايل قماش نسيت اسمه لكن فيه فتحاااات صغااااار ويلمع ووزعت عليه ورد مجفف وشموع حطيت القاتوه بالوسط وكاستين عصير فيها ثلج مضيء ووزعت شموع في كل مكان في البيت يمر منه وفي الصاله على الطاوله كتبت بالشموع احبك وكان مررررره تجنن على فكره كانت الشموع اكثر من مية شمعه تعبت وانا اشغلها لكن انتي خذي من شموع الفواحات لانها كثيره وممكن تكلف عليك والهديه حطيتها على طاولة القاتوه في الزاويه وكانت قلم وكبك وسبحه مغلفه وفي صندوق ومعاها ورقه رسااااله مني اشكره على الايام الحلوه واعتذر عن اي تقصير مني
ونفس اليوم الصباح ارسلت له رسالة جوال تجنن
وقبل الحفله ارسلت له رسالة دعوه
اذا تبغين الرسايل من عيوني بس الان مافيني اكتب تعبت لانها طويله شوي لكن وعد اذا تبغيها اكتبها لك

[نبع الكوثر]

مبروك عليك عقبال الميه
البسي نفس فستان زواجك
ونفس قميص النوم ونفس العطر والمكياج والتسريحه اذا امكن
وحطي المكان شمووووووووع
وغرفة النوم اشتري قماش ستان او حرير ابيض وحطيه على السرير
وخليه نازل الين الارض
حاولي تكون القطعه كبيرة
وانثري فوقها ورد احمر على شكل قلب كبير
وداخله اول حرف من اسمه واول حرف من اسمك
والرساله عطيه شهادة شكر وتقدير مثل مال المدرسه وتوقيعك من تحت مديرة الحياة الزوجيه
اذا عجبتك الفكرة بعطيك محتويات الشهاده هههههههه
عن جد عجيبه

وعلى الهديه شوفي اهو شنو يحب اذا جواله قديم خدي له جوال سامسونق جلكسي 2 رهيييييييب واغلب الرجال هالايام طايحين عليه
منافس الى الايفون ونص سعرة تقريبا رهييييييييب مجربته

او عطر عندك عطر الف ليلة وليله عود وبخاخ
صحيح قديمين بس حلووووووووين حطيهم بصندوق مفتوح وفيه ورد مجفف
مع سبحه او دبله او قلم شيك

واذا كان يحب الرياضه اشتري له بدله مع الحداء الرياضي الله يكرمك
او نضارة شمسيه او ساعه او محفضه

والله يوفقكم وانشاء الله تنبسطوووووووووون باليله

[حبيبة توفي]

البنات كفوو ووفوا

اتمنى يكونوا افادوك