السلام عليكم خواتي
انا اليوم جايبه لكم قصت ولادتي
ماراح اطول عليكم
طبعا هذا كان اول حمل لي بعد سنه من الزواج وموعد ولادتي كانت على 20 رمضان
امي واختي جاو عندي لاني انا برا السعوديه علشان يطلعوني من النفاس .,,,,,,وزوجي كان برا المدينه اللي انا فيها
المهم يوم دخلت الشهر التاسع وبالتحديد في ثاني اسبوع كان التاريخ 1 من رمضان كام عندي موعد عند الدكتور ..وفحص وسالني لو عندي اي الام وقلت اني بطني لها اسبوع تتحجر ..وقال لي هذا عادي بس الحين راح تحسين بالام لما راح تتحجر ..وقال خلاص ولادتك قريبه لان البيبي نزل عند الحوض ...
ومن يومها كل مابطني تحجرت احس النفس صعب يطلع وخصوصا بالليل ..ويوم 3 ماقدرت انام ابد ونفسيتي صارت زفت ...ويوم 4 ظليت مواصله كله وجات عندي صديقتي واختها وقعدو لحد الساعه 1ونص بالليل وانا كنت لابسه وكاشخه وحاطه ميك اب ...وراحو وانا اتالم من تحجر البطن امي قالت لي الساعه 2 روحي نامي وارتاحي
المهم رحت للسرير ما اقدر انام الوجع يزيد عندي صرت احسب بين كل الم والثاني والتاريخ دخلنا يوم 5 رحت عند امي كانت تحاول تنوم اختي الصغيره ..المهم امي قالت اخاف تكون عندك ولاده ...قلت لا تخافين توني بدري باقي 15 يوم على ولادتي ويمكن اتاخر لاني بكر
المهم رحت عند السرير وامي الله بجزاها خير عطتني منشفه لو احس باي شي ينزل وانتو بكرامه وكان يوم جمعه وزوجي كان جاي يوم السبت ..
المهم وانا في السرير الا وجيني ذاك الالم ..والدنيا كانت تمطر لاني في ماليزيا وكل شوي مطر ..الا وارفع يدني لربي ..يالله سهل علي
ماهي الا ثواني وتنزل المويه وانتو بكرامه ..طرت من على السرير
ويلا اروح على امي واقولها ...وهي دقت على صديقتي في نفس العماره وجابو السياره ...وامي رحمت حالها ماتدري وش تسوي تشيل شنطتي ولاتفتح الباب ..المهم انا خذيت شاور ولبست جلابيه كشخه ...وجات صديقتي وكلمت لي واحد ساكن معانا هو اهله وجاب سيارته ..لان الساعه 3 بالليل ومافي تاكسي ..المهم طرنا على المستشفى ...المضحك ان صديقتي وهي معاي في السياره تقول لي ادفعي وتنفسي وبطريقه مضحكه وانا ادمع من الضحك ...وهم يبكون امي واختي وصديقتي ..والشباب كانو قدام اللي يسوق واخوه ...مو عارفين وش يسوون ..لما وصلنا المستشفى نزلوني وبغيت اطيح لان السياره كانت عاليه ..المهم اول مادخلت الغرفه قاست الممرضه وتعحبت وقالت لي انتي من متى وفيك الام قلت لها من امس بالليل ..سالتها قلت لها في شي
قالت طبعا انت غبيه الرحم فاتح 3 ونص والمويه نزلت هاوشتني
قلت لها وش دراني اصلا انها ولادت ..كنت احسب انها الام عاديه
وما اخبي عليكم خواتي الناس يكبرون سالفه الولاده انا كان فاتح ولاحسيت وباقي المويه نزلت في المستشفى
المهم وصلت الساعه 5 وفتح 6 والساعه 6 جاالدكتور ..وقال خلاص نستى لحد ماتوصل على الاقل 7 ونص او ثمانيه ..
وجات الساعه 7 الصبح وامي معاي في الغرفه طبعا ماقلت لزوجي
مع انه راح يجي السبت ...المهم
انا حسيت اني خلاص ما ادقدر استمر الالم يزيد مع كل دقيقه
يمسكني لمده دقيقه ويفك لمده ثواني .ولما يمسكني الالم كنت اقول يارب سهل ويسر ولاتعسر المهم .قلت للممرضه تعطيني مخدر
وانا مسكينه كل شوي اسالهم وين الدكتور يقولون في الطريق يوقع اوراق وانا ما ادري ان عنده ولاده ثانيه جنب غرفتي وبدل ما يعطوني مخدر عطوني منوم ويلا نمت الابعد دقايق قالو يلا بوووووش
البيبي نشوف راسه ..وانا ادفع شوي وانام شوي الله ياخذهم
وبعدين جا الدكتور ...وقال ولاده الا يرفعون رجولي ويخلوني امسك مقابض حديد على جوانب السرير ...وطفشوني بوووووووووووووش
بوووووووووووووش بوووووووووش وانا اقول خلااااااااااااص
وكل مادفعت شوي الا انااااااااااااام وامي والممرضات يصحوووني
اخر شي قال لو تدفعين زييين راح يطلع بدون ما نشق ..قلت ما يهمني شقو ...شقو ......وكل ما تنفست امي تدفع معاااااااي تقول انها اهي اللي تولد مو انا خخخخخ
كلها دقايق وطلع حبيب امو ياسر
طبعا لما كان يسحبو كنت نايمه وامي تصور ما حسيت فيه ولا قومني الا صرااخ ولدي ...وعلى طول حطووه على بطني وانا خلاص حسيت اني فرش من جديد ولاكاني كنت قبل دقايق اولد وولدت الساعه 8 ونص
وبعدها طلعو المشيمه والله اني حسيت ان جزء من جسمي طلع
وسوا لي خياطه اول مادخلوني الغرفه حقتي سبحان الله الازوجي يدق واختي اللي ردت وتقول اني ولدت وهو مو مصدق وبعدها كلمني ...كانت الساعه 10الصيح طبعا اللي خلاني ما اقول له انه كان بيدخل امتحان علشان ياخذ الباسبور الاسترالي وماحبيت اشتت افكاره
والحمد لله وصل زوجي وانا في المستشفى مع البيبي بس صار عندو صفار وخلوه 5 ايام في المستشفى وبعدها طلعنا
معلومه افيدكم اياها من ولادتي
1عمرك لاتفكري ان الولاده صعبه
2 لاتصدقي اي وحده تقول لك ان الدفع اصعب من الالام الولاده
3 عليك بالاذكار تراها تنفع
4 انا في ولادتي مالقيت وقت اصارخ وابكي صح دمعتي على خدي بس كانت من الخوف ما كانت من الالم فلا تصدقي الافلام وصاراخهم
5 عليكي بالمشي الكثير وخليك من خرابيط الاعشاب والخلطات
6 لاتخافي من الخياطه والشق ترا ما راح تحسين
7بعض الناس الام الولاده تجيهم بالظهر والبعض الاخر البطن والرحم
8 وقت دفع البيبي اسهل بكثير من الالام الولاده بس راح تتعبي في النفس اما اعراض او الالام جسميه مافيه وقت الدفع
وهذي قصه ولادتي بكل بساطه وولدي الحين عمره شهرين الا ثلاث ايام
والله يرزق كل محرومه ويسهل على كل حامل
10-01-2011, 12:15 AM
قصه ولادتي بابني ياسر
سمرة الوادي 
جديد منتدى إستفسارات مرحلة الولادة
العرض العادي
