مطلوب مشورة كل سعودية ويمنية !

[Omm Adam]

السلام عليكم ورحمة الله وبركاته

حبيباتي السعوديات واليمنيات
أنا فلسطينية مقيمة بالسعودية .. وصاحباتي 99٪ سعوديات ويمنيات .. وطبعا الكل عارف عاداتكم في النفاس ... لبس ومفرش وحركتات .. وإحنا العكس تمااااااااااما ماعندنا شي من هالأشياء ...
وعشان ما أحس نفسي غريبه .. أو ما ألاقي انتقاد حبيت آخذ رأيكم ..
أنا إن شاء الله بولد بجدة وبجلس كم يوم لين ما أرتاح وبعدها بروح لأهلي بالطايف عند البررررررررد ...
وسؤالي هو : لو زرتي وحدة نفاس لابسه بجامه بس حليوه وشيك عادي ولا حتبدئي تقتقري مع نفسك وبعدين مع غيرك وغيرك لغير غيرك وبالنهاية أطلع ماني مهتمه بنفسي .. وهذولا الفلسطينيين ما يعرفو النفاس الصح .. و و و و .........
طبعا أنا باسأل لأنه صاحبتي صار معاها نفس المشكلة بس مو عاللبس على شي تاني .. والكلام صار قدام الكل بس على شكل تلميحات .. والله لو أنا مكانها أسبوع أبكي ولا يكفيني ،،

رأيكم ألبس شي يدفي ولا أغامر وأتحمل روب النفاس وقت الزيارة ؟
ولا تجي وحدة تقلي البسي تحت الروب لأني ما أحب أكثر لبس ( أنكتم ) وكمان كيف حارضع لو لابسه داخلي شتوي ؟!؟!؟!؟!

[نبع الحنان المفقود]

يَ قلبي عليك يَ أم آدم
الله يتمم لك ويحط حملك على خير
أنــآآ يمنيه وعــآآيشه عمري كله في جده
بقولك كيف العــآآدــآآت اللي بتمشي هنــآآ والله يعينك لو كــآآنوــآآ من النوع اللي يدققو بكل شي
أول شي جوـآبي على سؤــآآلك الأول / ع البيجــآآمه
بتلقين وقتهــآآ إنتقــآآدــآآت كثير
أنـآآ بنفــآآسي الأول مَ كــآآن يجينــآآ ضيوف كثير يعني في الأسبوع كله يوم الربوع والخميس بس
فَ كـآن أكثر لبسي بجــآآيم لأنهــآآ بيني وبينك مريحه
ومره كنت لآبسه بجــآآمه ودخلت علينــآآ جــآآرتنــآآ وهي بحسبة أمي ومن أهل البيت
فَ قعدت بلبسي .. قــآآمت تتفلسف علي
إنتي مَ يفنع تلبسي بجــآآيم .. إنتي نفــآآس ولآزم على طول لآبسه أروــآآب ومدري شنو
فقعت لي قلبي بصرــآآحه
ومن يومهــآآ حرمت البجــآآيم طول فترة النفــآآس
وبمــآآ إنه كــآآن أيــآآم برد .. رحت شريت أروــآآب نفــآآس أكمــآآمهــآآ طويله وقمــآآشهــآآ حلو للبرد
طبعــآآ أنــآآ مَ رضعت لأن ولدي توفى لكن الأروــآآب هذي فيهــآآ فتحــآآت للرضــآآعه بتريحك كثير
أنــآآ خيطت الفتحــآآت وقلت في ولآدتي الثــآآنيه بفتح الخيــآآطه وبتنفعني كثير
وإذــآآ كــآآن الجور بــآآرد مره ممكن تلبسي الشلحــآآت الطويله الخــآآصه بِ النفــآآس
لآن قمــآآشهــآآ حلو وفيهــآآ فتحــآآت ع الصدر للرضــآآعه
صدقيني بتفيدك كثير
ونصيحه أخويه ..
لآتقعدي متحمله البرد قدــآآم الضيوف عشــآآن لبسك
مَ حد بيتعب غيرك وإنتي عــآآرفه البرد مو زين للنفــآآس لأنهــآآ بتكون معرضه لأي فــآآيرس في الجو .. والنفــآآس مَ عندهــآآ منــآآعه فَ رــآح تتعبي كثير
والله يعينك :)

[فليك]

اهلا عيوني
الافضل انك تلبسي ارواب لانك مع الخياطه ما رح تتحكمي كتير و البجامه ممكن تكون ضيقه عليكي بعد الولاده على طول .
اشتري تياب من قطيفه تكون ثقيله و تنفع للجو البارد و ب نفس الوقت مريحه لكي .
الله يقومك بالسلامه ياااارب .

[H&H]

هلا والله بحبيبتنا الغالية omm adam
والله شوفي ومن باب النصيحة لااااااااتلبسي بجايم الا اذا مافي ضيوف
قبل لا تنامي البسي البيجاما المريحة ولما تصحي وقبل ما يبدأ وقت الزيارات
غيري
تدري وحدة من قرايبي وقت نفاسها كانت تلبس بنطلون واسع قماش وبلوزة
طبعا اللبس شكله مريح لها بس انا أول وحدة انتقدتها وغيري كثير
ابدا شكلها ما كان حلو ولا حسيت ببهجة نفاسها .. زيها زي باقي الضيوف
بس للمعلومية وانا كتبتلك قبل كدا ضروري يا أم آدم تحافظي على نفسك
من البرد لا يدخلك انتي نفاس جسمك وعظامك ورحمك ما التمت لسه ،
يعني اذا لبستي روب لازم تحته سروال طويل يدفيكي واتحمليه بلاش تلبسي
بدي طويل على قولتك عشان الرضاعة
كنت اشوف جدتي دايما تخاصم خالتي لأنها اشترت ارواب نفاس قصيرة
وتقولها مايصير الهواء يدخل جسمك يضر الرحم والعظام..
أخيرا ياقمر ما ابغى اطول عليك اكثر من كذا بس ما انصحك بالبجايم للاستقبال..خاصة لو أهل زوجك من النوع اللي يدقق في هذي الأمور
*

[Omm Adam]

نبع الحنان المفقود
ههههه الله يسعدك ذكرتيني بوحده حضرميه تقول ربوع وخميس من كثر الضيوف ألاقي الحجات باسطين بحوش بيتنا يحسبوا في مهرجان ..
أختي الكبيره جابت ماشاء الله 6 وماكانت تعرف شي من هالأشياء .. تولد وتلبس عادي وتجلس ببيتها وتعيــــــش الحياه وما أحد يتكلم ..
أما أختي الثانيه جت بتسوي زيها وأول ما انتقدها حرمه كبيره من جماعتنا تقلها لازم تلبسي وتنامي ماتجلسي و و و و ........
ودحين دوري .. أعز صديقة لي يمنيه وحضرت ولادات أخواتها وأعرف نظامكم تماااااااام .. والحمدلله كل صديقاتي لسانهم زي السكر ماعدا كم وحده اتعرفت عليهم من جديد ما أعرف خيرهم من شرهم ..

أول مره أعرف إنه في شلحات للرضاعه !! أنا جبت نص لأني حسيت القميص شوي خفيف ..
عموما خلاص بلبس روب وبشغل الدفايه وألبس بنطلون داخلي وطرحه ثقيله .. وإذا مره برد باخذلي جكت من لون القميص .. إيش أسوي أكثر من كذا .. كله عشان الناس
ومره وحدة أحس بفرحة البيبي الأول

ربي يعوضك عن ولدك ويجعله شفيع لكي يوم الدين .. آمين



flake
لا لا لا البيجامه جدا مريحه وواسعه جبتها خصوصي للنفاس .. وأنا كذا ولا كذا حالبس بنطلون داخلي تحت الروب ..
لكن خلاص ما بلبسها إلا بالبيت .. وباتحمل الروب للضيوف ..



H&H
أهلين قلبو الله لا يحرمنا من الطيبين أمثالك
نبهتيني لأهم شي .. فرحتي بأول طفل وإحساسي بالنقاس والزيارات الخاصه إللي ما بتتكرر كثير .. يؤ يؤ شوقتيني أولد !!!
ولا تشيلي هم أهل زوجي أبــــــــدا تراهم مو عرب أصلا ولا يدروا عن هذي الأشياء ههههههههه .. بس همي أفرح وأفرّح أهلي وبالذات أمي
خلاص بلبس روب للضيوف وأشغل دفاية .. والحمــــــــدلله إنه ضيوفي مو كثار ..

[Om KHaled]

أختي أم آآآآدم
ماشاء الله البنات ما قصروو
الله يقومك بالسلامة

[أم رزاان]

والله أنا بلبس الشي اللي بيريحني ويدفيني ومالي في كلام النااااااس !!
ومن قريب وجدت بجامات نعوووومة مرة والوانها رااائقه واكمامها طويله
ولها فتحة للصدر مرة اعجبتني واخذة منها 3 ابغاها للنفاس

اما الأرواب بصراحة والله ماوجدت ارواب تفتح النفس :(
كلها عفشة مررررة ماناسبتني !!

عشان كذا أنتِ لو بترتاحي بالبجامات البسيها
وخليك بسريرك لا تقوووومي
وماعليك من كلام الناس .. وافرضي عاداتك على الناس
مثل ماغيرك بيفرض عاداتة عليك !
اهم شيء ترتاحي وتدفي نفسك وتستمتعي بنفاسك :)

[مهرة فارسها]

ههههههههههههههههههههههه

رضى الناس غاية لاتدرك

الله يقومك بالسلامه حبيبتي

[غلاامي]

شوفي ياقلبي زي ماقالو وقت النوم ومافي ضيووف البسي بيجامه ترا كلنامو متعودين على البيجامات بس لازم وقت النفاس والله وقتها بس يتكلمو اختصري الموضوع والبسي ارواب وقت الزيارة

[ام اسكندر]

انا اشوف ان الجلابيات والارواب مريحةللنفاس
واذا كانوالضيوف ناس تعرفيهم وصاحباتك البسي براحتك اللي تحبي
اما لو كانو ناس رسميين خليكي بالروب حتى لو مجرد روب عادي
والربوع والخميس البسي روب لانك تكوني متوقعة ضيوف ايام الاجازات

الله يسهل لك وللجميع يارب