أهلا وسهلا بك إلى منتديات حوامل النسائية. |
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا |
|
منتدى تجهيزات وهدايا المواليد و ألاطفال يختص كل جديد عن ملابس ومفارش وأسرة المواليد والأطفال والهدايا والتوزيعات |
![]() |
المشاركة رقم: 1 | ||||||||||||||||||||||||||||||||||||||
|
المنتدى :
منتدى تجهيزات وهدايا المواليد و ألاطفال
![]() أخواتي .. الغاليات على فؤادي .. عضوات منتدى حوامل الرائع .. السلام عليكم ورحمة الله وبركاته بداية أسأل الله عز وجل أن يبارك في حملنا وويسره والولادة لنا ويرزقنا بالأطفال الجميلي الخَلقة والخُلق .. وأسأله تعالى أن يمن على كل محرومة بالحمل السليم المعافى عاجلاً غير آجل ... اليوم حابة أستعرض معاكم تجهيزات مولودي الأول .. ربي يجيبه بالسلامه .. طبعاً الهدف من الموضوع هو إنكم تخبروني لو ناقصني أشياء أو تمام على كدا .. وكمان أنا كتبت أماكن الشراء لكل قطعه عشان ساكنات جدة ( الجدد ) لا يتعبوا في التجهيز ( زيي ) بس قبل كل حاجه خلوني أعرفكم على آدم .. روح الماما ... هذي صورة التحليل المنزلي وأول فرحه لي .. كانت بعد موعد الدورة بخمسة أيام على ما أفتكر .. وزوجي ما اقتنع عشان الخط خفيف لكن أنا انبسطـــــــــــــت بيه ولله الحمد والمنة .. ![]() هذي صورته في الشهر الثاني ![]() وهنا في الثالث فديته مسدوح .. طبعا إللي تفهم في السونار حتشوف المثانه - الله يكرمكم - فوق البيبي ملياااااانه .. ههههههه الدكتورة تقلي ليه حاشره نفسك كدا ؟؟ قلتلها مدري بس كل الناس قالولي كثري مويه قبل السونار عشان البيبي يبان .. قالتلي دا بالأول بس كل ما كبر كل ما بان لوحده .. ![]() وبعدها خلاص بان مره بالخامس وماعادها .. حجمه كبر ومسوي فيها مكسوف حاطط يده على وجهه فما طلعتله ولا صورة زي الناس .. نجي دحين للملابس .. طبعا أنا راح أولد بجدة وأجلس عند أهل زوجي أو أختي كم يوم وبعدها بروح الطايف عند مامتي إللي ماشفتها من 3 شهور عشان السفر مررررره يتعبني ... يعني ملابسي وملابس البيبي نوعتها بين صيفي وشتوي ويارب ما أكون نسيت شي .. وماحبيت أكثر عشان هذا أول بيبي وما أعرف بيكبر بسرعه زي - بعض - أولاد عيلتنا ولا عادي .. ما أبغى أجيب وأكوم وأرمي عالفاضل ،، هذا غير الملابس إللي بتجيني هدايا .. كل شي بوقته حلو .. وكمان اهتميت مررررره بموضوع الأرواح .. تعبت ومشورت وحفرت بين الرفوف واستغنيت عن موديلات جنان بس عشان ما أحرم ولدي من وجود الملائكة حواليه .. والله يابنات البيبيهات مسئوليه كبيــــــــــــره .. تصدقو إنه أول شعور حسيته لمن عرفت إني حامل مو الفرح .. لأ المسؤوليه !! قلت لازم آكل كويس بالحمل عشان تكون صحته تمام .. ولازم أتشمس بنهاية الحمل حتى لو انحرقت عشان تقوى عظامه وما يجيه صفار .. وجبت آيبود حملت عليه المصحف كامل عشان أشغله طول الوقت جنبه بعد جيته بالسلامه يمكن ربي يبارك فيه ويحفظ القرآن بدري ... يعني باختصار اعتبرت نفسي زي أم السيدة مريم العذراء إللي وهبت مافي بطنها لله ... لأنه الدنيا ما تسوى شي .. وكل ما ربيتي ابنك عليه وهو صغير حتلاقي آثاره لمن يكبر ويهنيكي إن شاء الله .. وبعد عمر طويل أي خير علمتيه لولدك وعمل بيه حتآخذي أجره وإنتي بقبرك .. والعكس صحيح .. هذي بربتوزات حجم صغنطووووووط تلبس 2.50 كيلو جبتها من مذر كير .. والله مدري ليش جبتها لأنه أولاد عيلتنا بينولدو حوالي 3 كيلو ماشاء الله .. كانت معاي أخت زوجي وجبناهم أول شي ومن فرحتنا ما انتبهنا عالمقاس .. بس رجعت قلت عالأقل يلبسه أسبوع أو اتنين يطلع شكله كيوت وبرئ فيهم .. من مذركير ![]() وهذي الداخليات .. صيفي وشتوي والشتوي واحد منهم قماشه زي المنشفة خطيــــــــــــــر .. من سنتربوينت ![]() ![]() وهذي المرايل والطواقي والشراريب والكفوف كلها من سنتر بوينت ![]() وهذي الكوافيل .. جبت معاها مشابك لأني أحزن عالطفل إللي مربط بالحبل أو اللفة الخاصة .. أحس المشابك كيوت وأرتب .. ![]() وهذا ملف صوف .. حلو للمشاوير الخفيفة وشكله كيوت للبيبي .. من الهرم الكبير إللي في شارع الأمير سلطان .. ![]() وهذي بطانيه ثقيله وقمـــــــــــه بالنعومة .. من سنتربوينت .. ![]() وهذي شوية مناشف أنشف بيها الولد بعد غيار الحفاظ أو أحطها على كتفي لمن أكرعه بعد الرضعه عشان أحافظ على ملابسي وملابسه لو استفرغ .. من الهرم .. ![]() هنا جبتله بربتوزين شتوي مقاس 0-3 .. الأزرق من مذركير والزيتي من سنتربوينت .. ![]() هذا الطقم نفس المقاس بس حسيته كبير يعني حيمشي معايه فترة .. بس باقيله شراب حليوة زيه .. من الثريا ( محل جنب الهرم الصغير إللي في التحلية فيه أطقم جنااااااااان للبيبيهات ) ![]() وهذا اللبس إذا سويت لمه في العقيقه بلبسه إياه .. كمان نفس المقاس .. من سنتربوينت .. ![]() وهذا لبس جابته أخت زوجي والله مدري إيش المحل بس هي مالها إلا بالماركات .. مقاسه 3-6 ![]() وهذي الشنطه إللي بجهز فيها أغراض المستشفى .. ماجبتها مكلفه أو ماركة لأنه في ناس خوفوني وقالولي ممكن تنسرق منك !! جبتها من محل اسمه برافو في أشياء حلللللوه .. قدام مستشفى العيون .. لفتني بالمحل أطقم النفاس بصراحه أروع من الرائعه ويفصلوها على حسب مقاسك .. طبعا الموديلات والأقمشه موحده .. بس الفرق في الكلفة تقدري تختاريها ( ذهبي - فضي - أزرق - وردي ) .. الشي الوحيد إللي ماعجبني فيها القميص نفسه كأنه قميص نوم بس الروب إللي عليه دانتيل وحركات مرررره حلو .. ![]() وهذي أغراض الشور والغيار .. من مذركير وسنتربوينت وبرافو .. ![]() كنت بجيب سله أنيّم فيها البيبي كم شهر بعدين أجيبله سرير لكن أهل زوجي الله يسعدهم قالو بيجيبولي سرير من بيبيز آر أس ( محل دوبه فاتح وأشياءه روووعه جنب تويز آر أس إللي بالروشان مول ) وإن شاء الله أول ما يجيبوه بنزل صوره .. والبيبي بجيبله من الفرشات الصغيرة إللي تيجي بمخدتها وناموسيه مشبوكه فيها تنقفل تصير زي القبه عشان على الأقل أضمن البيبي ما تجيله حشرات .. حاجه شبه دي بس على أزرق طبعا هههههه ![]() أما بالنسة ليه فأنا جبت روب نفاس وطرحه بلونه مع شلحه نص لأني حسيته خفيف شوي ولحاف وبيجامه من الهرم.. ويمكن أجيب كمان وحده إذا لقيت شي طيب .. الروب بلبسه بجده وبالطايف للضيوف الرسميين فقط والبيجامات للضيوف المقربين والأقارب .. جبت سننتيانات رضاعه حبتين قماش و3مقوية لأني أرتاح فيها أكثر .. أحسها تشيل الصدر ( إللي كبرررررر مرررره مع الحمل والله يستر كيف بيصير بالرضاعه ) وتخفف ضيقة النفس .. من الهرم . وجبت كلوتات من سنتربوينت تنلبس لبسه وحده وتنرمي .. خفيــــــــــفه ومريحه بالذات ببداية النفاس والتعب مافيّه حيل أغسل وأنشر وووو ،، وجبت مشد مررره حلو من الهرم .. كأنه شورت رياضه .. بس ما بلبسه بالنفاس لأني أحسه ضيق مرررره يحبس الدم .. باعتمد على الشماغ وبعد كذا ألبس المشد تحت أي فستان عشان أبان رشيقه والنفسيه تتعدل ههههههههه يصير باقيلي بس شراريب ثقيله وعبايه مع خمار .. العبايه تكون مفتوحه بأزرار أو طقاطق عشان أعرف أرضع بره البيت والخمار عشان أحط البيبي تحته ومايبان مني شي .. وأشياء الصيدلية : ليفة بيبي ناعمة + رضاعه صغيرة للموية لأني إن شاء الله مابرضعه إلا طبيعي + موية مقطرة للأطفال .. وانتبهو تشربو عيالكم موية عاديه .. قريبتي شربت بنتها عاديه وجالها بكتريا بالأمعاء والدكتور قلها ياموية مقطرة يا زمزم وبس + بامبرز + مناديل معطره للغيار .. وما باعتمد عليها إلا للضروريات .. أول ما بولد بجيب صحن فيه مويه وقطن وأمسح للبيبي فيها عشان يكون طاهر وما يتحسس أو يتسلخ + قطن الرضاعه إللي ينحط بالسنتيانه + ( شامبو و لوشن أو زيت و بودرة ) جونسون للبيبي + فرشاة شعر وقصاصة أظافر للبيبي + شفره نوعيه جيدة لحلق راس الطفل + فوط نسائية ماركات منوعه .. عشان لا أقول النوع الفلاني حسسني ولا العلتاني تعبني + أعواد أذن اتنظيف أنف البيبي.. ما باستخدمها للأذاني لأنها تدف الوصخ لجوه وتلهب الأذن .. الدكتور يقول لفي طرف المنديل العادي ونظفي أذنه فيه أفضل + ميزان حرارة عادي ( زئبقي ) أدق وأفضل من الأوتوماتيك + غسول مقشر وعادي للوجه ومرطب مناسب ، وزبدة الكاكاو لبطني .. وبقية الأغراض : توزيعات + أكياس نايلون خفيفه ( تحطي فيها الحفاظ المتسخ وتربطيها عشان ما تسوي ريحه بالبيت ) + عسل + شبّه مطحونه للابط عشان الريحه والتبييض غير كدا مابجيب شي .. لا مرهم للخياط ولا أعشاب ولا حتى بودره أو مسحات طبيه لسرة البيبي لأني باعتمد اعتماد كلي على روشته الدكتورة وهي أدرى مني بحالتي وحالة ابني .. راجعوا موضوعي على الرابط : http://forum.hwaml.com/t83186.html#post1672790 وأخيرا عــــــــــذرا عالإطاله بس حبيت أعيشكم الجو إللي أعيشه الآن بحذافيره في أمان الله ....
التعديل الأخير تم بواسطة Omm Adam ; 11-23-2011 الساعة 10:18 AM |
||||||||||||||||||||||||||||||||||||||
![]() |
![]() |
![]() |
المشاركة رقم: 2 | ||||||||||||||||||||||||||||||||||||
|
كاتب الموضوع :
Omm Adam
المنتدى :
منتدى تجهيزات وهدايا المواليد و ألاطفال
![]() الله يقومك بسلامة يارب |
||||||||||||||||||||||||||||||||||||
![]() |
![]() |
![]() |
المشاركة رقم: 3 | ||||||||||||||||||||||||||||||||||||||
|
كاتب الموضوع :
Omm Adam
المنتدى :
منتدى تجهيزات وهدايا المواليد و ألاطفال
![]() وعليكم السلام ورحمة الله وبركاته
|
||||||||||||||||||||||||||||||||||||||
![]() |
![]() |
![]() |
المشاركة رقم: 4 | ||||||||||||||||||||||||||||||||||||
|
كاتب الموضوع :
Omm Adam
المنتدى :
منتدى تجهيزات وهدايا المواليد و ألاطفال
![]() ماشاالله اغراضك حلوين |
||||||||||||||||||||||||||||||||||||
![]() |
![]() |
![]() |
المشاركة رقم: 5 | ||||||||||||||||||||||||||||||||||||||
|
كاتب الموضوع :
Omm Adam
المنتدى :
منتدى تجهيزات وهدايا المواليد و ألاطفال
![]() mr00m
|
||||||||||||||||||||||||||||||||||||||
![]() |
![]() |
![]() |
المشاركة رقم: 6 | ||||||||||||||||||||||||||||||||||||||
|
كاتب الموضوع :
Omm Adam
المنتدى :
منتدى تجهيزات وهدايا المواليد و ألاطفال
![]() يسلموووووووووو ياقلبي مره استفدت كتير من موضوعك ياعسسل ..
|
||||||||||||||||||||||||||||||||||||||
![]() |
![]() |
![]() |
المشاركة رقم: 7 | ||||||||||||||||||||||||||||||||||||||
|
كاتب الموضوع :
Omm Adam
المنتدى :
منتدى تجهيزات وهدايا المواليد و ألاطفال
![]() ماشاءالله اغراضك حلوين انشاء الله نولد بالسلامة ونفرح فيهم ..
|
||||||||||||||||||||||||||||||||||||||
![]() |
![]() |
![]() |
المشاركة رقم: 8 | ||||||||||||||||||||||||||||||||||||||
|
كاتب الموضوع :
Omm Adam
المنتدى :
منتدى تجهيزات وهدايا المواليد و ألاطفال
![]() ما شاء الله تقومي بالسلامه انتي و أدم إن شاء الله يا رب
|
||||||||||||||||||||||||||||||||||||||
![]() |
![]() |
![]() |
المشاركة رقم: 9 | ||||||||||||||||||||||||||||||||||||||
|
كاتب الموضوع :
Omm Adam
المنتدى :
منتدى تجهيزات وهدايا المواليد و ألاطفال
![]() حلوين يخبلون
|
||||||||||||||||||||||||||||||||||||||
![]() |
![]() |
![]() |
المشاركة رقم: 10 | ||||||||||||||||||||||||||||||||||||||
|
كاتب الموضوع :
Omm Adam
المنتدى :
منتدى تجهيزات وهدايا المواليد و ألاطفال
![]() مشالله تبارك الله ،،
|
||||||||||||||||||||||||||||||||||||||
![]() |
![]() |
![]() |
مواقع النشر (المفضلة) |
![]() |
|
|