قصة ولادتي بيوسف الصعنون

[ام يوسف الصعنون]

بسم الله الرحمن الرحيم
كيفكم ياعضوات حبيت اقولكم قصة ولادتي المرعبة بيوسف الله يحفظه
كنت جالسة ببيت اهلي من الشهر الثامن وكنت اروح لبيتي على حسب مره او مرتين
بالأسبوع ومرتاحة لأن زوجي عسكري ويستلم ويسلم ومرتاحة من طلعة الدرج
لشقتي وكنت داخلة الأسبوع الاول من التاسع لسه ماكملته ودق علي زوجي قال
انا ماتعشيت وش رايك نروح للبيت تصلحين لي عشاء؟ قلت خلاص طيب ورحت
وصلحت عشاء خفيف ودخلنا ننام ولما جت الساعة سبعة ونص الصباح بالضبط
حسيت شي نزل مني احسبه مويه لأن كا بين فترة وفترة تنزل مني موية الا صحاني
زوجي قال قومي شوفي دم ينزل منك وانا افتح عيوني الا بركة دم تحتي قسم بالله يابنات ان كل السرير امتلى دم واجلس ابكي وخفت وقلت اتصل على اختي تروح معنا وقمت حطيت مناديل ابي اوقف الدم ولبست عباتي والدم يصب وننزل والله شقتي كلها دم والسيارة امتلت يوم رحت للكشك الولادة تدخل الدكتورة وتدس علي الا وتطلع كتل دم متجمد بيدها وانا ابكي قالت هذي المشيمة نزفت عندك بندخلك العمليات ويجهزوني للعمليات وويبصموني على اوراق مدري وشي وقالو لازم متبرع بدم ويروح زوجي يتصل ويدور وانا انزف بسرير ماوقف الدم
وحصل متبرعين
طيب حسبي الله عليكم ولدوني بعدين شوفو سالفة التبرع المهم مادخلت العمليات الا الساعة حدعش الضحى الا خلاص انتهيت وسويت قيصري وانا بالعملية اسمع الدكتور يوشوش عن الرحم خفت يشيلون رحمي بغيت اقوم من السرير الا حطولي البنج بسرعة والحمدالله قمت بسلامة ولدي طيب
بس حطولي 3 اكياس دم من كثر مافقدت بس انتهبو يابنات من نزف المشيمة انا ماتوقعتها تنزف عندي لأن وضعي كان تمام مراجعتي مع الدكتورة مستمرة وماحسيت بأي تعب او مغص جاني النزيف فجأة اكشفو لارحتو للدكتورة واسالوا عن المشيمة ووضعها تحسبا لأي طارىء والله القميص الي كنت لابسته ان الدم واصل الى صدري كله صار احمر من وراء وقدام كاني مذبوحة بس قدرالله وماشاء فعل والحين انا بنفاس
حبيت اذكر تجريتي واسفه على الأطاله بس ماتمنى لأي وحده تمر بالموقف الي مريت فيه ابد والله يسهل عليكن يارب ولا يفجعكن اللهم آمين.

[na3ooma]

الف الحمدلله على سلامتك
ربنا قدر ولطف , اتصدقي عنك وعن طفلك والحمدلله على انها جات على قد كدا
والله فجعه طبعا لما يجي الشي فجأة
الحمدلله على السلامة والله

[ملكة المشاعر]

الحمدالله على سلامتكمـ ..

يتربابعزكمـ ..

[زوجي حبيب قلبي]

الحمدلله على سلامتج وسلامه يوسف ... مو زين والله نزفتي وعمليه لازم تتصدقين عليج وعلى النونو ...
ومشكوره على النصيحه

[ام اسكندر]

حمدلله ع سلامتك
ومبروك ماجاكي
والله يحفظ لك يوسف وابوه

[وصاايف]

الحمدلله على سلامتك

[فليك]

الله ستر و حماكم انتي و جنينك ....
الف الحمدلله على سلامتك و سلامة ولدك يوسف .
اجر و عاااافيه يارب ....

[سرووءة]

الحمدلله عسلامتك
والله قدر ولطف
متل ماقالو البنات لازم تتصدقي عنك وعن البيبي لو بشي بسيط
والف مبروك ويتربا بعزك يارب

[ام يوسف الصعنون]

اشكر للجميع مرورهم وتواجدهم العطر
وفعلا الصدقة تدفع البلاء الله يجزاكم خير على النصيحة
منورين والله ،،،،

[أم ح ــنونـہ]

مبروووووووووووك حبيبتي
والحمد لله على سلامتك
ويتربى بعزكم ان شاء الله