يارب ارحمني ...

[آحسآس آنثى]

بدايه انا تزوجت و عمري 18 سنه و زوجي 30 سنه ملتزم كنت احبه و يحبني و عاشين احلى عيشه بحملي الثاني تعبن لان كنت مريضه بالمراره و عندي طفل عمره 6 شهور تغير زوجي لانه كان في باله ان انا تغيرت عليه وانا كان التعب ذابحني عملت عمليه و انا بشهر الرابع وتعالو شوفو التعب طفل و حمل و عمليه يعني اشوف الموت بعيوني من التعب
صار زوجي يطلع اول الليل لاخر الليل ماكان فيه حوار ابد صار يبعد عني كثير و لما اتصل عليه انتضار المهم بعد ماخلفت بنت ب اربع شهور عرفت ان زوجي كان مع بنت طالعين يتمشو طبعا في البدايه سكت و رفضت اروح بيت اهلي لان الكل ابتعد عن زوجي امه اخوانه اصحابه وقفت معه طبعا قبل ماينمسك كانت بنت تبي تتعرف علي و كانت من نفس المنطقه الي ساكنه فيها
و دلاختي تعرفت عليها طبعا صارت مشاكل كبيره لاكن من حرقة قلبي قررت انا اذوق زوجي حرقة القلب طبعا هالشي اكبر خطاء وللحين ندمانه على هالشي تعرفت على شاب عرف زوجي و طلقني و فضحني اخذت عند اهلي 4 شهور وبعدها رجعت بيتي بس بعد ماكسرني طبعا انا استاهل المهم الحين لي 6 سنوات و زوجي رجع لي و ترك البنت بعد 3 سنوات كان معها ويبي يراضيني باي شي وانا يوم راضيه 10 ايام مجنونه اصارخ ابكي ادعي عليها لان في ناس قالو لي ان زوجك كان في فندق معها و لما اساله مايجاوبني طبعا البنت الي تعرفت علي طلعت هي من جد قلة ادب المشكله ابي افهم ليش اخذت زوجي انا ماعرفها بس هي تعرف اهل زوجي و تعرف زوجي انسان ملتزم كل يوم ابكي و ينحرق قلبي خاصة اني شيدة الغيره على زوجي اخته الي هي اخته اذا ضمها انجن فما بالك بوحده من الشارع تعبت من التفكير ابي انسى الماضي و ارتاح ابي اعيش حياتي مع زوجي بامان المشكله انا واثقه بزوجي هي كثير تتصل عليه لدرجة ان زوجي كلم اخوها عشان تترك زوجي بحاله لما يطلع زوجي من البيت انجن اخاف تشوفه و تروحله وتسوي له شي لانها هي تعرف بيتنا وربي تعبت بعض الاحيان اقول بطلب الطلاق عشان ارتاح بس ماقدر لاني مجنونه زوجي و اولادي وربي حتى النوم مارتاح فيه اشوف وحده تاخذ زوجي مني و انا ابكي بحرقه و ربي اصحى من النوم و صوتي مبحوح من كثر الصياح بالحلم
اسال الله ان ياخذ هالبنت و يحرق قلبها مثل ماحرقت قلبي حسبي الله و نعم الوكيل فيها
ادعولي انقل من هالمنطقه الي ماشفت فيها خير ابد
تصدقون لما اشوف وحده في الشارع اقول يمكن هي و لما اشوف البيوت اقول بنفسي اي بيت هو بيتها تعبت يالله رحمتك ودي اعيش و استقر