نزول دم او نزف وكثرة وصعوبة التبول فى الحمل!!!!!!!

[sally22]

السلام عليكم اخواتى
من منكم بيحصلها حاجات اثناء الحمل والداكترة مش لاقين سبب فى حدوثها او بيردوا ويقولوا عادى.وفى النهاية تحدث الكارثة ويكون كل دة ماكنش عادى زلى ماالداكترة ماقالوا.

تعالو نستفيد بتجارب بعض وكل واحدة فينا تكتب الاحاجات اللى كانت بتحصلها مش طبيعيه فى فترة الحمل . ويا ريت كل واحدة تجاوب على الاسئلة؟؟؟؟؟

1- من فيكم حصلها نزيف فى نهاية الشهر الثالث واستمر معها يجى ويروح طول فترة حملها؟
2_ لو نزل عاليكى دم فى الحمل هل الكمية كبيرة وماهى المدة اللى استمر فيها وهل توقف ولا فضل معاكى؟
3_ من حصلها نزف هل استمر الحمل طب ولدتى فى اى شهر واية تفسير الداكترة لحالتك؟
4_ هل عندك مشكلة فى التبول بدخلى الحمام كتييييييييييير بطريقة مش طبعية بتسعرى بضغط على المثانة طب استمر دة طول فترة الحمل ولا ؟

لو فى اى مشاكل اخرى غير المذكورة يا ريت تكتبوها عشان كلنا نستفيد.
ونصيحة منى لكل حامل لا تتهونى فى اى شىء بمجرد ماتحسى انك فى حاجة غريبة اجرى على الطبيب على طول ولا تكتفى بالسؤال فى التليفون.

[sally22]

هاكون اول واحدة تكتب.
انا بحمل عن طريق الحمل المجهرى
1_ جالى نزيف فى نهاية الثالث تقريبا.
2_اول نزف كان كتير اوى غيرت فى 10 دقائق 4 فوط
استمر معى طول الاسبوع بس ماكنش نزيف كان اكنى عندى الدورة فى يومها الثالث وكان بيخف يوم بعد يوم.
بس كان بيتوقف لاسابيع ويرجع تانى طول فترة الحمل.
3. الداكترة كلهم مالقوش تفسير للنزيف لان الحمل ماكنش فى مشكلة والمشيمة تمام وكل الاسباب اللى ممكن تسبب نزف فى الحمل مش عندى.
بس ولدت ولادة مبكرة فى نصف السادس وكنت حامل بتوائم.
4. من بداية الحمل وانا بدخل الحمام كتير اوى احيانا كل خمس دقائق وماكنتش بعرف انام باليل من كدة بحس انى مزنزقة اوى ولما بدخل الحمام الكمية قليلة بس ماكنتش بستحمل ازنق نفسى
والحكاية دية فضلت معايا الى الشهر الخامس وخفت شوية فى السادس بس كانت كتير اوى فى الشهور الاولى.
عملت مزرعة بول ظهر فيها انى عندى املاح وصديد بس نسبة بسيطة اوى الدكتور قالى مش محتاجة دواء ونصحنى بشرب الماء كتير.
5. فى الشهر السادس كان بنزل عاليا افرازات كتير اوى فضلت 10 ايام بدايتها كانت بنى اللون وبعد كدة شفافة بس دة ماكنش التهاب لانها من غير ريحة ومش مصحبة بحكة
بعد مافرازات اختفت بقيت احس بغص رهيب اسفل بطنى مع وجع فى جنابى الاثنين اسفل ظهرى
كان بيجى ويروح كل 10 دقائق.
ولما رحت المستشفى كان كل التحاليل والاشعات زى الفول والبيبى بصحة جيدة وماعرفوش سر المغص.
بس المغص فضل اسبوع مافيش مسكن بقى يعمل حاجة معايا ولما رحت وكشفت نسا الدكتور قالى انى فى ولادة ولدت بعتها على طول يعنى الافرازات دية كانت الافرازات الامخاطية اللى بتسد عنق الرحم عشان البيبى ماينزلش والمغص دة كان طلق.
ربنا يعوضى يا رب ويرزقنى بالحمل السليم انا وانتم يا رب

[sally22]

وان لله وان الية راجعون واللهم اجرنى فى مصيبتى واخلف لى خير منها انك ارحم الرحمين

[moon-flower]

ربي يعوضك بالطفل السليم البار بوالديه

اغرب شي حسيته وغز اسفل البطن وبرضو بيقولو عااااااادي

[بدون نك]

الله يسهل عليكن

[sally22]

------------------------------------