ماذا افعل عشان اتجنب اللى بيحصلى دة؟ نزف طول فترة الحمل ولادة مبكرة دون اى سبب علمى!!

[sally22]

السلام عليكم

ازيكم يا رب تكون بخير واحسن حال يا رب

طبعا معظمكم عارفين قصتى بس هاكيها بالتفصيل عشان اللى معرفهاش يعرفها لعلة يستفيد
واتمنى منكم ان تفيدونى وتساعدوني عسى ان الاقى تفسير لحالتي عندكم املا من الله ان يرزقني بالذرية الصالحة ويرزق كل محروم باذن الله.
انا عندي 26 سنة متزوجة منذ 4 سنوات وزوجي عنده 33 سنة
منذ ان بلغت اعانى من عدم انتظام الدورة الشهرية ممكن تقعد ثلاث واربع شهور ماتجيش كل الدكاترة طمنونى انى لما اتزوج كل حاجة هاتظبط

بعد ماتزوجت بردوا ماذالت المشكلة قائمة وعدت 6 شهور من الزواج بدون حمل ذهبت لدكتور ماهر مهران قالى انى عندى تكيسات على المبيض بسيطة ولخبتة فى الهرمونات مشيت على العلاج دون جدوى وعملى اختبار مابعد الجماع طلع ان الحيونات مابتوصلش لجوةى ونصحنى انى اعمل تلقيح بس انا خفت .
وتنقلت من دكتور لاخر وكل واحد يقوالى حاجة شكل واخذت منشطاط كتير دون جدوى
زوجى عمل تحليل طلع ا عندة دولى من الدرجة الاولى ونصحنا الداكترة بالحقن المجهرى انة سبيلنا الوحيد فى الحمل.
زهبت لمستشفى وادى النيل للمخابرات عند دكتور اسمة حسين فى مركز الخوصبة هناك.
اخذ العلاج والحمد الله عملت العملية ولقح ليا خمس اجنة وثبت ثلاثة فقط

بس الدكتور نصحنى بانى اعمل عملية شفط وربط لان ثلاث اجنة كثير عاليا وهايكون احتمال كبير انهم يسقطوا ويموتوا.
من اول يوم عملت فية تحليل الحمل كان عندى قىء صعب اوى وبعد كدة نزف غزير وبنزل عاليا قطع دم كبيرة الدكتور قالى دول الاجنة اللى ماسبتوا

الدكتور كان منعنى من الاكل كنت يا دوب بشرب سوائل فقط ومع ذلك ماكن شفى حاجة بتستنى فى بطنى اتحجزت فى المستشفلى بسبب ان كان عندى قىء مستعصى وانزيمات الكبد عالية وكنت عايشة لمدة شهرين ونصف على المحاليل والسوائل وبرغم من ادوية اللى كنت باخذها عشان القىء ماكنش بيتوقف.
عملت الربط فى الشهر الثالث من الحمل وبعدها سافر الدكتور برة مصر
جالى نزيف رهيب اكنة فى شريان انقطع وماكنش بيقف وطبعا ماكنتش لاقية الدكتور اتصلت مساعدة وزودلى جرعات المثبتات وطبعا لكى يطأن قلبى زهب الى دكتور اخر ودية كانت المفاجأة
الدكتور وجد الثلاث اجنة بخير كاملين وبصحة جيدة وان عملية الشفط مانجحتش وقالى سبب النزف ان فى مشمة واحد من الاجنة هى اللى مسببة النزف وان الدكتور كان لازم يتابع حالتك كويس بس ربنا يسمحة باءة .
ولما رجع الدكتور من السفر قالى دية مشيئة الله.
استمريت انزف طول فترة حمل يتقف شوية مع افرازات مدممة وينزف بكثرة شوية

وفى الشهر الخامس من الحمل ارتفعت حرارتى وكان جسمى مكسر على الاخر وظهرى وجعنى اوى وكنت بلاحظ تكور الاجنة فى بطنى كل شوية
كلمت الدكتور كتبللى بانادول عشان الحرارة استمر السخونة اسبوع بتروح وبتيجى وفجاءة لاقيت سقط منى قطعة غريبة لونها بنى غامق ماما قلتى دية قطعة من المشيمة بعدها انفجر كيس الماء وزهب الى الطوارق فى المستشفى وادونى محاليل يوتوبار ومحاليل اخرى لاحظت تغير وجوه الداكترة وبعدها قالوا انى لازم افك الربط دخلت العمليات وفكيتة وتانى يوم بعد عمل السونار قررالدكتور انى يدنى طلق صناعى عشان ينزلوا اتعزبت اوى لاغية ماولدت .
وبعدها بسبع شهور ذهبت لدكتور اخر بمركز جنين د. حسام زكى بالمعادى بس عشان تكاليف الكشف وكل حاجة تبع د حسام كانت غالية اوى وكمان من تعقدى من الداكترة الكبار المشهورين انهم دايما يسفروا خصوصا ان حملى الاول دايما ماكنتش بجد دكتورى .
فققرت ان اتعامل مع د هانى المغربى وهو اللى بعد د. حسام فى المركز والكل بيشكر فية. وصحبتى مجرباة


طريقة العلاج كانت مختلفة تماما كل حاجة بتم عن طريق التحالى واللى جسمى بس محتاجة هو اللى باخدة ماحستش بمشوار العلاج ولا العملية كان كل شى ميسر الحمد الله .
نقلت المرادى ثلاث اجنة وفضل اثنين فقط.
والحمد الله الحمل كان ماشى سليم والاجنة بخير وفى الشهر الرابع من الحمل جانى نزيف جامد اوى .
كلمت الدكتور طمنى وقالى لا تقلقى وكتبلى دوفستون ثلاث مرات مع روتن سى ثلاث مرات واخذت حقنتين مثبت اخرى مع العلم انى استمريت على اخذ المثبتات اول ثلاث شهور وبعد كدة الدكتور وقفها .
زهبت وعملت سونار الدكتور وجد الاجنة بحالة جيدة وللاسف مالقتش اى تفسير عن سبب النزف خصوصا ان المشمة كويسة والحبل السرى تمام .
قالى الدكتور ممكن يكون بسبب انغراز البويضة فى جدار الرحم ومع نمو الاجنه والضغط نزل هذا الدم

كان الدم بينزل اسبوع ويتوقف الثانى وهاكذا .وفى الشهر الخامس من الحمل ارسلنى الدكتور الى د شريف دربالة لعمل سونار الفور دى للاطمأنان على الاجنة

طمنى د شريف على الاخر وقالى كل حاجة تمام ومالقتش عندة تفسير للنزيف وخصوصا ان مافى شىء باين فى السونار .
وفى منتصف الشهر السادس كان الحمد الله النزف متوقف بقالة شهر حسيت بنبض البيبى من عند فتحة المهبل كلمتهم فى المركز قالولى عادى لا تقلقى بعدى نزل عاليا افرازات بنى استمرت يومين وبعد كدة زادت الافرازات الى افرازات مخاطية شفافة اللون بس كانت كتير اوى وبنزل مثل الخيوط ومن غير ريحة طمنونى فى المركز وقالولى عادى .
وبعدها بيومين توقفت الافرازات وباقيت اشعر بمغص اسفل بطنى مسحوب بوجع فى جنابى الاثنين اسفل ظهرى كان بيجى ويروح كل ربع ساعة

جريت على المركز طمنى الدكتور وقالى الاجنة بحالة جيدة كل شىء تمام قالى ان المغص دة بسبب ان فى واحد رجلية تحت فابيخبط فيا

ادناى مسكنات اقراص ولبوس

وارتحت يوم فقط على الادوية وبعد كدة ماكنتش بيعمل معايا حاجة وكان المغص شديد وهنا كانت المشكلة فى المركز شيفين انى انا بدلع ومش مقدرين خطورة الموقف وكنت بلاقى صعوبة فى انهم يوصلونى لدكتور هانى وكلهم قالولى مانقدرش نعملك اكتر من كدة (بصراحة الداكترة المساعدين اللى بيرودوا عاليا مابيفهموش حاجة خالص ومابيتاشروش الداكتره عن الحالة وبيفتوا وخلاص وكل حاجة وكل حاجة تفسرها عندم عادى) وفى اخر الاسبوع نزفت كان عندى مشكلة رهيبة فى التبول كنت بدخل الحمام كتير اوى وبعد كدة وجدت صعوبة انى اعمل وكلمت الدكتور قالى اذهبى الى المستشفى السلام الدولى وهناك دخلت الطوارء وعملت كل الفحوصات والتحالليل وكلها سليمة والاجنة بخير واحتارو هناك بسسب معرفة لية انا بنزف لاكن ماحدش لقى اى اجابة وقالولى انك حالة نادرة اخذت فى المستشفى محاليل عشان المغص يتوقف ولاكن المغص اللى كان اسفل بطى كان بيتوقف بالمسكنات لاكن المغص اللى فى جنابى الاثنين كان مستمر عملت تحليل بول ومزرعة واشاعة على الكليتنن كل حاجة سليمة ويا دوب عندى املاح وصديدة نسبة بسيطة اوى قالولى ان المغص دة احتمال يكون مغص كلوى فضلت يوم تحت الملاحظة وروحت وعند دخولى الحمام كل ما بقعد القى نزل دم بطريقة فظيعة بس الدم كان لونة اكنة ماء فيها دم كلمت الدكتور قالى اقعدى يومين ولو لم يتوقف الدم اروحلة طبعا كان عندى خوف رهيب انى ادخل الحمام بس ماكنتش اقدر امسك نفسى فتوصلت لحل انى اعمل وانا يا واقفة وبكدة ماكن شفى دم بنزل غير قليل وبعد مارت للدكتور وعمل صونار وشوفت اجنتى كويسين وبيلعبوا طلب منى الدكتور انة يعمل كشف نسا وبعدها تغيرت ملامح وجه وقالى انك فى خلال سعات هاتولدى ولدت بعدها وكانت الاجنة 500 جرام فقط واقعوا يوم فى الحضانة والداكترة اجمعوا كلهم انهم لان يعشوا وان فى واحد منهم بس فى احتما 3% انة يعيش بس لو عاش اكيد هايعيش بأعاقة فاقنعوا زوجى بانهم يقفلوا الحضانة عشان كل دة مصاريف دون فايدة . وبلفعل اغلوقو الحضانة وماتو بعدها بساعات ( حسبى الله ونعم الوكيل بيدخلوا فى علم الغيب دة ربنا بأيدة كل شىء وهو على كل شىء قدير طب كان ادوهم فرصة).
ولما ذهب للدكتور عشان اعرف السبب مالقتش اجابة كل اللى قالهولى اننا المرة الجاية هانتخذ احتياطات اخرى باننا هنحاول انى احمل بجنين واحد واننا هانعمل ربط وقالى ان فيى ربط بطريقة اخرى بيكون بطقة اعلى من عنق الرحم بيكون عن طريق عملية جراحية من المهبل وبيرط فوق المثانة بس انا يا دكتور خايفة اوى من هذة الطريقة ولية معملش ربط عادى
وللاسف مطرة انى اتابع عند نفس المركز عشان هما عارفين حالتى غير كدة هما كويسن اوى فى العمليات دية وعلاجهم ممتاز لاكن متابعة الحمل زى الزفت اكيد هاتبع برة ان شاء الله او اتابع عنهم واتابع مع دكتور اخر .
انا اسفة يا دكتور اوى على الاطالة بس بجد مش عارفة اعمل اية ؟
دورتى القادمة هاكون تميت ثلاث شهور من الولادة وهابداء محاوله اخرى يعنى مش امامى وقت كتير
فاتمنى انك تفدونى فى حالتى عشان ميكررش اللى حاصلى تانى.
هل الربط بالطريقة الجراحية دة مفيد لحالتى؟
و
نا قرأت على النت ان فى حالتى المفرود اخد فى الشهر الخامس حقن كورتيزون بيزود سرعة نمو رائة الجنين عشان لو حصل ولادة مبكرة يقدر يعش وان كمان المفروض اخذ مهدأت لتقلصات الرحم عشان ميحصليش ولادة مبكرة لاكن بسبب تشخيص حالتى الغلط حصلى كدة.

وبس ازاى اتجنب النزيف فى حملى القدم؟؟
انا اكيد هاشتشير داكترة تانين باذن الله
واتمنى ان تفيدونى ولو حد مر بمثل حالتى يقولى عمل اية
وربنا يرزقنا جميعا بالحمل السليم يا رب




ربى اجرنى فى موصيبتى وابدل لي خير منها انك ارحم الراحمين

[sally22]

بعد استشارة اربع داكترة اخرين وكلهم اجتمعوا ان اللى حصلى دة اولا مشيئة الله بس اكيد لازم ناخذ بالاسباب عشان ميتكررش االى حصل وهو اهمال الطبيب
تخيلوا اتحرمت من ولادى بسبب اهمال الدكتور فى متابعة حالتى وتشخيص حالتى صح
حسبى الله ونعم الوكيل
ان الله وانا الية راجعون ربى اجرنى فى مصيبتى وابدل لى خير منها انك ارحم الرحمين

[آح ـــسآس]

حسبي الله ونعم الوكيل
وربي ضيقتي صدري الله يعوضك بأطفال سليمين ي رب العالمين ويقر عينك بشوفة ضناك ويسهل عليك ويفتح لك ابوابه
ماعندي معلومه ي قلبي بس ابدعيلك بصلاتي ان الله يرزققك حمل سليم ويقر عينك ويسهل عليك ان شالله وربي حاسه فيك الله يعوضك خير
يا ارحم الراحمين ياارحم الراحمين بشرها بغلام سليم*

[sally22]

تسلمى اختى آح ـــسآس على الدعاء بارك الله فيكى يا رب

[سموة الشوق]

الله يعوضك خير حبيبتي

والله يكتب لك الحمل السليم بالذرية الطيبة من عنده

ينقل للقسم المناسب

[سمر الليل]

السلام عليكم
اختي الغالي الله يعوضك كل خير ويرزقك بدل عنهم
انا من حوستي في المستشفيتي اكتشفت انهم مايعرفون حاجة وكل جاحة بيد رب العباد
انا يموت الجنين في بطني ثلاث مرات وعملت كل تحاليل في المستشفي اخر حاجة قالها لي الطبيبي انت سليمة وكل هذا بسبب حالتك النفسية خوفك يقتل الجنين لانهم معندهم حل
الله يعوضنا بدل عنهم قولي امين
بس حابة اسألك انت اذا حملتي تحلمين بأشياء مزعجة

[في بيتي]

الله ايعوضك بالذرية الصالحه
عليك اختي بالدعاء والرقيه الشرعيه
مع متابعة المستشفى
يارب ياعظيم رب العرش الكريم ان ترزق اختنا بالمتعافي الصالح وتجعله حملا سهلا هينا
كما رزقت نبينا ابراهيم عندما دعاك رب هب لي من الصالحين

[sally22]

المشاركة الأصلية كتبت بواسطة سمر الليل

السلام عليكم
اختي الغالي الله يعوضك كل خير ويرزقك بدل عنهم
انا من حوستي في المستشفيتي اكتشفت انهم مايعرفون حاجة وكل جاحة بيد رب العباد
انا يموت الجنين في بطني ثلاث مرات وعملت كل تحاليل في المستشفي اخر حاجة قالها لي الطبيبي انت سليمة وكل هذا بسبب حالتك النفسية خوفك يقتل الجنين لانهم معندهم حل
الله يعوضنا بدل عنهم قولي امين
بس حابة اسألك انت اذا حملتي تحلمين بأشياء مزعجة

ربنا يعوضنا جميعا يا رب

ايوة كنت بحلم بحلام مزعجة اثناء الحمل
وبعد اللى حاصلى دة بقيت مواظبة على اذكار الصباح والمساء
وسماع صورة البقرة يوميا وقرائتها لو كنت فاضية
والحمد الله بقيت اختم المصحف كل شهر وبقوم الليل واصلى وادعى واستغفر كتير
والحمد الله حسة بتحسن كتير بعد الولادة كنت على طول خايفة وبحس ان فى حد بيراقبنى على طول بس الحمد الله كل دة راح بفضل الله

[sally22]

تسلموا على الدعوات ومسانتكم ليا ربنا يبارك فيكم يا رب ويرزقم بالذرية الصالحة

[غنى2011]

سبحان الله انا مثلك اجهضت مرتين وكانو اطفال انابيب

في حملي الثاني وصلت للسابع ومات بعد يوم في الحاضنه

لو كان رب العباد يريد ان يرزقنا بالذريه كان رزقنا من غير اطباء

يارب يرزقك بالذريه واحنا معاك من عنده ااااااااامين