حبيباتى سيدات ليبيا تفضلو لأعرف ما حالكم

[dr.loly]

هديه يا هديه .. شخبارك وشخبار سومه .. واخر تطوراتها عندي لولي مهبلتيني بالزحف تاريته شين هههههههههه


بسلامته فروسي ماعشتش معاه المرحله هذه ريحني منها زحف اسبوعين ومش طول ع السنة خخخخ


وشن جو الهالوين عندكم؟؟؟

[dr.loly]

وين اثـــــــــــــــــري؟؟؟؟؟؟

[dr.loly]

اوشي ازعمه سافرت

[dr.loly]

ام نوزة ان شاء الله امورك تمام وعويلتك كويسين ..

ام معاد اختفت بكل ان شاء الله خير

[dr.loly]

ارتيكاريا مديراتها فيا لي هي حساسيه الجلد بس بدت تطلع بلا سبب فجائي هك

[dr.loly]

حتي المنتدى مكسد ..
رايفت ع البنات لي سيبنه.. بسب مشكلة حملة السيدة عائشه رضي الله عنها

[هدية الخالق]

السلام عليكم ورحمة الله وبركاته
كيف حالكم كلكم

[هدية الخالق]

المشاركة الأصلية كتبت بواسطة sosolibya

صباح الخيرات والليرات على أحلى عضوات ومشرفات..





ياعطيكم ياكبدي الهناء والعافية والصحة

بالعكس ياهدية ماحرجتش تسحابيني زيك حراجة ههههه
وههذه فرصة باش نوضح وجهة نظري

شوفي أنا زيك تماما معجبة بشخصية جنودة ونشوفها قوية جدا وتخالط وتمشي وتتطلع

بس أنا جاني الشعور مش منها من راجلها
لأنها ماتحك عليه بكل وحسيته مش اجتماعي هلبة

وأكيد يللي مايسافرش مش انطوائي ومكن أنا أخترت المصطلح الغلط بس نقصد

اني ديما في خاطري نقول خيرهم مايطلعوش يدهورو ويعاينو

شكلهم مايقدروش ماليا أو مايحبوش وفجأة نسمع بيهم في أمريكا كانت ليا مفااااااااااااجأة

فهمتي لقطة الصدمة يللي نحطيت فيها

وبالنسبة ليك انت ياحلوة

انا بالعكس الحمد لله عندي إحساس عميق نقدر نفهم الناس حتى من خلف الكمبيوتر

وألإنطباع يللي خذيته عنك انت مسؤولة عليه

إنت مرة قلتي (تعودت على القعاد بروحي كيف بندير بعدين مع العيلة )

ردي ليك أنا ااااااه معقولة أنا نعشق جو العيلة كيف انت ماتبيش تنسجمي مع إمتعاعينك

وقلتلك أكيد بس لأنك تعودتي على الوحدة توا لما ترجعي تتعودي..



خلاص خالصين هههههههههههههههههههههههههههه



وحفظ الله لنا أمورتنا سوسوههههههههههههه

ها يا سوسو مش قتلك تفهمي فينا غلط حتي الجملة اللي قلتها فهمتيها غلط
أني لما قلت تعودت علي القعاد بروحي كيف مندير بعدين مع العيلة قصدي تعودت عالراحة أنوض ونرقد امتى مانبي مفيش تقييد امتاع منوض من الصبح مننزل للعيلة وفي كل وجبة لازم نكون لوطة مرات واحد مخاطراش مرات نعسان مرات تبي تاكلي إنتي وراجلك بروحكم
واني لما جيت اهني جديدة ماعرفتش أطباعهم ولا عاشرتهم معناها لما منروح كاني عروس جديده كيف جيت في شوية رهبة وتشويب في البداية لكن بالنسبه للأجواء اكيد جو العيلة احلى ونتمني فيه لكن اكيد كل وحده في البداية متعرفش تتعامل مع شيابينها لين تأخد عليهم فترة وتعرف أطباعهم ممكن أنتي ماحسيتيش الشعور هذا لانهم حوش عمك ومش جديده عليهم لكن لما تكون وحده برانية بتشوب في البداية
يااارب تكوني فهمتي قصدي ههههه

[هدية الخالق]

المشاركة الأصلية كتبت بواسطة *ام فراس*

هديه يا هديه .. شخبارك وشخبار سومه .. واخر تطوراتها عندي لولي مهبلتيني بالزحف تاريته شين هههههههههه


بسلامته فروسي ماعشتش معاه المرحله هذه ريحني منها زحف اسبوعين ومش طول ع السنة خخخخ


وشن جو الهالوين عندكم؟؟؟

الله يسلمك فروسه كويسه سوما وكان منحكيلك علي عمايلها باك تولي في كلامك وماتاخديهاش لفروسه ههههههه
والله مهبلتني بسلامتها تمرد وتصبي وتمشي مع الحاجة وطول اليوم واني جري في جرتها رياضة اجباريه هههه والله حقه لين ضعفت في جرتها شافتني وحده صاحبتي أردنية قاتلي نحفانة كتييييير قلتلها مش مني قلة نوم وتعب وجري من الصبح لليل
وحشاك مهبلتني بالنتش أني وبوها قريب تقتعلنا صوابعنا وتعلمت حاجة جديده معدش تبي العربة لما نطلعوا تديرلنا في مناحه أمس لما مشيت للعيادة شديتها في الشنطه اللي تنحط عالاكتاف امتاع الأطفال اكيد عرفتيها لكن والله طيحتلي جهدي سلامتها
اااخ دهشت ها تبي نزيد نحكي والله خلاص ههههه مازال راهو ماحكيتش حتي النص من عمايلها

[هدية الخالق]

المشاركة الأصلية كتبت بواسطة *ام فراس*

حتي المنتدى مكسد ..
رايفت ع البنات لي سيبنه.. بسب مشكلة حملة السيدة عائشه رضي الله عنها

أي مشكلة ؟>>قصقصة هههههه