تجمع حوامل سوريا-دردشة ورود سوريا-دردشة الغاليات

[syria]

المشاركة الأصلية كتبت بواسطة bmw

مرحبا انا متزوجه صارلي سنه وهسه حامل اسبوعين لاحضت نزول دم بعد الجماع وانا خايفه جدا والدم خف نزوله في نهايه النهار ينزل بس لو غامق وخفيف اتمنى ان تفيدوني وتساعدوني باجوبتكم وطمنون بالي رجاء

حبيبتي طالما نزل دم معناها حملك لسا ضعيف لهيك ماعاد تعملي شي

روحي عند دكتورة تكتبلك حب تثبيت

بس طالما النزف خف الحمد لله البيبي بخير بس اهم شي لا تعبي حالك وخلي الدكتورة تكتبلك حب تثبيت

[syria]

كيفكون صبايا

كيفك نابوتا وكيف الامورة نايا

سيلا كيف حبيبتي

شام شو اخبارك

بنات انا رح اغيب هلكم يوم مو مشان شي مشان ما تشغلو بالكون

موااااااااااااه يا حلوات

[Nayota]

وين رايحة سيريا انا عرفت اكيد رح تفاجئينا بعد كم يوم بشي طبخة
ههههههههه هاتي لشوف شواخبار الوحام وعلى شو عم تتوحمي هالايام
او شو عم تشمي منعند الجيران
وازا دايئ خلقك تعي كلها خطوة بين الامارات والسعودية بتلاعبي نايا شوي بركي بتحل عني شوي لان دائ خلقي منها على طول دبئانتني

[Nayota]

مسالخير صبايا .....

[syria]

كيفك نايوتا وكيفا ناية المورة لك مو من عيوني بعتييلي ياها اتسلا معا


والله ياعزيزتي في اجازة 20 يوم عند زوجي فبدنا نطلع نشوف العالم الخارجي ئال عم يئولو برا البيت الصبح عم يطلع شمس والله شي غريب بدي اشوف شو هاد ^_^


نايوتا والله اليوم طبخت فصولية بزيت طلعت نفس طعمة اللي بتطبخا امي مع انو اول مرة بطبخة

طلعت طيبة كتير تفضلو صبايا

[Nayota]

سيريا يسلمولي عيونك وروحي انبسطي وشمي هوا بكرة ليجي البيبي بتصير المشاوير صعبة
وبدها تخطيط ويابتزبط ويامابتزبط
وفي متل شامي بقلك ام الامتال محسوبتك هههههه
سنة إلك وسنة لولدك
سنة الحمل إلك لما يجي البيبي بدك تنسي حالك سنة وتتفرغي للبيبي
واحتياجات البيبي

[Nayota]

صبايا وينكون ...
بتصور الدردشة هون بالمنتدى بدها نفس طويل وصرنا بعصر السرعة
بس انا ملاقية المنتدى شغلة ظريفة هههه بيشبه عصر الحمام الزاجل
وبعدين صرلي رفقة ظراف هون او شو رأيكون انتو ؟؟؟

[silla]

هاااااااااااااااااااي
والله ماافي انشط منك نااايوتا الله يحميكي

سيريااااااااااااا الله يسعدكم ويهنيك انبسطوووووووووو اد مافيكم هلئ لان بعدين كلوووووووووو بروووح وااااااااااااع

[syria]

حبيبتي نايوتا ان جيتي للحئيئة حتى سنة الحمل مو الي لانو والله كرهانة كلشي

وكل مابطلع برى البيت عممل وبتعب كتير ئبل ما احمل كنت مل يوم انزل انا وزوجي ةنمشا بالحديئة بالساعات وهو يئلي نرجع عالبيت انا ئئلو خلينا نمشي شوي كمان

هلئ مننزل عالمول خمس دئايئ وبصير ضهري يوجعني وببلش نئ مشان ارجع عالبيت لا والاحلا انو صرلي فترة يومين دايمن لابسة متل الختايرة مية طبئة اواعي الجو شوي برد عن ئبل وانا عضامي عم توجعني وبئعد وبنئ متل الختايرة اااااه يارجلي ااااه ياراسي اااااه يا ضهري

شكلو الرجال رح يطفش ههههههههههههههه

كيفك سيلا حبيتبي شو اخبارك بتعرفي بعد خمس ايان بفوت الخامس ورح اروح عالدكتورة الله يجازيا هالدكتورة رحت لعندى بالتالت ئالتلي لا تجي للخامس وانا لو يطلع بئيدي لاروح كل يوم اشووف البيبي

بس احيانن بئول لحالي لئ خليني اتئخر شوي مشان اتفاجي بالبيبي كبران كتير واشوف اذا هو بنوتة (امين) او صبي


رحت لعندى وانا بلشهر لاول كان ئد حبة الرز وبعد شي 24 يوم تفاجئت لما رحت ولئيتو ئد الاصبعة والو ايدين ورجلين وراش حتى الو عيون وتم ابوسو حبييبي

حكيت كتير مو هاد غيض من فيض الله يعينو اللي مبتلي بس والله حلو هيك بسلي عن كيلو بزر

[سرووءة]

كيفكن صبايا

شذا قصتك
اكشن ومشان الرضاعة بدك تطولي بالك لان بنتك حتتعب هي وعم ترضع لان عضلات وشا ضعيفة راح تشوفيا عم تعرق كتير هي وعم ترضع
وراح ترتاح كل شوي بقا طولي بالك عليها
والحليب صناعي خلي رضعة بليوم بليل بس


نايوتا بسبوسة عاشقة سيريا زهرة سلولة ميار كيفكن
بوساتي للولاد